فراشات موضوع للنقاش

مشكوره

هلا والله فيك وفي موضوعك ياقمر
بالنسبة لي حسب قناعة الشخص وماديته
يعني لو ماديته تسمح ليش البنت ماتفرح بيوم فرحها وتميزه عن غيها بافضل فستان وافضل طلعة وافضل فرح تتذكره
ولو ماديتها ماتسمح فيكفي انها تسوي شيئ جدا حلو وغير مكلف وتنبسط باشياء تكلفتها قليلة المهم انها تكون مبسوطة
وفيه نناس كثير على ماعتقد عندهم مادة لكن تحط كل مادتها في شهر العسل والسفر والانبساط
انا عن نفسي ماسويت ملكة كبيرة عزومة في مطعم وبس
وبعدها سويت فرح كبير واتهنيت في سفري والحمد الله على كل شيئ وصراحة مقتنعة في كل اللي سويته
ويالله ننتظر باقي الاراء

مشكورة يا أم جود ومحمود، وجهة نظر وننتظر الباقي

وينكم إشدعوة

اولا اختي
تسلم الايادي موضوع هادف
ثانيا انا من راي يعتمد على الشخص نفسه ومقدرته الماديه
يعني اذا مقتدر وعنده يسوي الفرح الجميل في افضل مكان وتلبس افضل فستان من وجهه نظرها
لكن غير مقتنعه بالبزخ الزائد لان في مجموعه من الناس
الفستان اهم شي يكون مليان احجار وفصوص بمعنى
متروس وباغلى الاسعار بصرف النظر كونه يستاهل اولا
كونه جميل وذوق اولا
انا عن نفسي احب البس الفخم والجميل والذوق الراقي ولكن باقل الاسعار

أنا صراحه بالرغم من أن حاله أهلي ماديه جيده ويقدرون يسوون لي حفله كبيرة بس أنا عندي قناعه إن الزواج العائلي هو أفضل زواج ...
يعني أسوي زواجي بصاله صغيرة أو بالبيت أسوي لي كوشه وأجيب بوفيه بس يكون أهلي وأهله أنا صراحه مقتنعه بهالشي والحفلات مرتع للشيطان وتفتح عيون الناس زياده وغير كذا ما يجي من وراها إلا الخساير والتعب

وانا مع هموسة
عائلي او حفل صغير يجي معارفي وصديقاتي وصل الله وبارك والفلوس اللي تنقط فالحفلة اخليها لشهر العسل ( :
اما اني اونس خلق الله وانا اصلا ذيك الليلة مو على بعضي ولما اجي انبسط القى مافيه فلوس عشان الناس انبسطو فيها والله قهر =>نذلة
موضوع روعة الله يرضى عليك

مشكورين على المشاركة وأتمنى إن المشاركات تزيد

هلا يا غاليه موضوعك حلو
بس أول شيء يعتمد على ماديات الزوج و رغبة البنت
يعني ممكن يكون الزوج مرتاح ماديا لكن البنت تبي فرح بسيط ناعم
وممكن تكون مادياته مو مرتاحه وتبي وتبي وهنا اما ابوها يتدخل او يتسلف زوجها
هي ليله بالعمر واذا ماانبسطت فيها العروس وخلتها من ليالي الف ليله وليله مع مراعاة طبعا
ماديات زوجها او اذا كان ابوها بيساعدها خليها تنبسط وتهيص وتطلعلها طلعه
وانا من وجهة نظري البنت اللي تبي زواج فخم ماتعمل لها ملكة كبيرة يعني تخليها مختصرة جدا جدا
أما اللي ماتعمل زواج بتسافر او زواج بمنطقه غير منطقتها او زواج عادي ممكن تعمل لها ملكة فخمة تعوض عن ليلة الزواج
أنا عن نفسي مع غني أقدر أعمل ملكة فخمة وزواج فخم لان الحمد لله سواء أبوي أو زوجي الخير كثير
بس مااحب تكون لي طلتين للناس افقد طلتي بزواجي لان يكونون شايفيني بالملكة
عشان كذا الملكة كانت اهلي و أهله بس
أما الزواج جالسه أشتغل عليه و إن شاء الله يطلع مثل ماخططت له ليلة من الف ليله وليله
وطبعا كلكم معزومين
والله يسعدكم ويوفقكم يارب