فراغاات في الشعر تساقط دكتورة انتصار محفوظ

1. السلام عليكم

السلام عليكم

شعري يتساقط بشكل كبيير .وجاف ومتقصف وتالف ..وعندي فراغات في مقدمة شعري ..صلعت .. استخدمت بخاخ فوركابيل حوالي الشهر زاد التساقط بشكل مخيف وقفته على طول ورحت لدكتورة .. طلبت منها تكتبلي المينوكسيدل لأني ابغى شيء يوقف التساقط وينبت الشعر بشكل سريع .. ما نصحتني فيه .. و طلبت مني اسوي تحاليل للغدة الدرقية والحديد و هرمونات الحليب الذكورة .. طلعت الحاليل سليمه .. كتبتلي امبولات رويال بلاسنتا وفيتامين وشامبو للتساقط .. استخدمتها اكثر من ثلاث شهور وما استفدت شيء ما وقف التساقط وشعري جفّ اكثر .. ما راجعت الدكتورة لأني ما ارتحت لها .. قلت بأروح لأدمه ..كنت بأحجز عند دكتورة نوال وما لقيت حجز بدري وانا مستعجلة.. فحجزت عند دكتورة انتصار محفوظ .. ما اعرفها او سمعت عنها.. خايفة اروح لها وما استفيد شيئ زي الي قبلها..
كنت بأحجز عند cosmoderm عند دكتورة مها دحلان بس الرقم الي في موقعهم خطأ واتوقع ما راح القى حجز قريب .. وقريت في منتدى كويتي عن منتجات من ماركة Brelil Bio-Professional للشعر التالف في صيدلية بوتس بس لما فتحت موقع الصيدلية على الانترنت ما لقيتها في فرع السعودية .. مين جربت منتجات بوتس للشعر؟ ومين جربت ابر الميزوثيرابي للشعر ..كنت متحمسة لها بس لما سويت بحث في قوقل الاغلب ما استفاد منها وتساقط الشعر بعد ما وقفوها والي تمدحها تكون لسا ما وقفتها .. خوفوني منها
تعبت نفسياً من شعري .. مين سمع عن الدكتورة انتصار محفوظ ؟؟كيف علاجاتها ؟ ومين جرب ادمه للشعر ؟ و مين يعرف دكتورة او دكتور كويس للشعر في جدة بس ما تكون مواعيده صعبة لأني ما عندي وقت بتلاحق شعري قبل العيد