فرصة أخيرة لأجل أيامنا الحلوة

1. تعبت من خيانته وعلاقاته مع بعض النساء، ،


2. تعبت من هم الأولاد، والتنظيف والغسيل والقعدات اللي مالها معنى....


3. سوي مثل ما سوت اختي... وهنيئا لها الحياة الجميلة..

تعبت من تجاهل زوجي....

تعبت من خيانته وعلاقاته مع بعض النساء، ،

تعبت من هم الأولاد، والتنظيف والغسيل والقعدات اللي مالها معنى....

محتاجه شخص أفضفض له عن مشاكلي همومي طموحي لكن بشرط أنه يفهمني وايحبني وايخاف على مشاعري وايحاول ايطلعني من العالم الكئيب اللي اعيشه، والله بالمقابل راح اسوي كل اللي يبغيه وحتى لو بالمال بعطيه ولو ان المال كله ماراح ايساوي الراحه النفسية اللي حققها لي...
تعرفون من هذا الشخص اللي ممكن ايعيشني في عالم الأحلام، هو موجود في الحقيقة هو زوجي...
نعم ياالله راح افتح صفحه جديدة مع زوجي واعيش شهر العسل من جديد وماراح ايهمني اي شيء لأني راح أكون أسعد أنسانه... يا الله راح اقول لكم سر هذي الصفحه الجديدة بس محتاجه شوية حاجيات...

سوي مثل ما سوت اختي... وهنيئا لها الحياة الجميلة..

اشترت بدلة نوم عرايس وحتى لو مضى على زواجج 10 سنوات انتي الأولى وراح اتكونين الأخيرة في عين زوجك، واشترت البخور ونيمت الأولاد وجهزت عشاء بأيديها ، وسرحت شعرها وتعطرت وتمكيجت ولما وصل زوجها قالت له شبيك لبيك يازوجي شنو تتمناني اكون راح أكون...
استغرب زوجها وقالها اشصايدج الليلة؟، قالت له تفضل يا حبيبي العشاء جاهز وقعدت جمبه وقامت أتأكله وتذكره بأيام الخطوبة والزواج ، ولما خلص من العشاء قالت له آنا يا حبيبي بودي افتح صفحة جديدة معاك، قال لها صفحة شنو؟
قالت له صفحة انسى فيها هم الأولاد ومشاكلهم وكل المشاكل اللي بيننا وبعد اليوم لا جدال ولا نقاش ولا ازعلك ، وماراح ارضى اني اغلط عليك ولا راح اسوي إلا اللي يرضيك وراح أحلف لك اذا ما صدقتني (طبعاً بدلال ودلع شوي) وطبعاً أهم شيء أنها زادت ثقته بنفسه...
ولا تنسى حبيبي أنك الإنسان الوحيد اللي اقدر اتكلم معاه وأقول له همومي ومشاكلي، وأنته الإنسان الوحيد اللي حبيته ولا أقدر أنساه ومالي أحد في هذي الدنيا إلا الله وأنت، وتراني ما أخترتك إلا لأنك أتخاف رب العالمين وأنته الوحيد اللي تقدر تسعدني ، وأنته من دون كل الرجال اللي راح ايربي أولادي أحسن تربية...
راح يعتد بنفسه وراح يستغرب أصلا بس حتى يوم ثاني دلعيه وحسسيه ان الليلة اللي مضت هذي علم مو حلم وراح اتشوفون راح يتمنى يرجع البيت بسرعة كله عشان أم الأولاد.
و أتمنى لكم حياة سعيدة.... وترى عن تجربة