فساتين أعراس راقيه

السلام عليكم ورحمة الله ..
كنت ادور افكار حق فستان العرس .. ولقيت صور لفساتين حلوه ومن ماركات أجنبيه معروفه .. يعني الفساتين الي تشوفونهن يسوالهن بالدولار عشرات الالاف .. اذا ما كان اكثر ..
الفستان الاول- مدخلين فيه الوان الزهر والاخضر بشغل الخيوط .. هذا فستان يناسب للي تحب الطبيعه واحلا مافيه انهم يوم دخلو حركة الورد فيه خلوه بألوانه الطبيعيه .. العرق اخضر والورقه خضرا والورد زهري ..
الفستان الثاني-حركة الفستان من ورا في الذيل حلوه .. بس الخامه الي مستخدمينها ماعيبتني.. بس الحلو تركيزهم في الذيل .. لنه عادتن هوه اكثر ما يبرز فستان العرس
الفستان الثالث -مستخدمين فيه نفس خامة الفستان الثاني .. بس بحركه ثانيه في الذيل .. تخيلو نفس الحركه على خلقه ثانيه .. بتكون روعه
الفستان الرابع -قصة الفستان روعه .. يعني ماشي اكثر من جيه فخامه ورقي ..
الفستان الخامس - براءه .. فستان هادي ومرتب .. يبرز جمال الي لابستنه اكثر من ما يبرز نفسه
الفستان السادس - ستايل اسباني راقي .. اتخيل على الي شويه ضعاف بيكون مناسب لنه شويه يمتن .. بس الصراحه مع شوية تعديل بالذوق الخليجي بيطلع يجنن
الفستان السابع - ستايل ملائكي .. احس الي بتلبسه وبتمشي بين الناس كأنها على سحابه .. انا لو اسوي فستان بيكون وايد قريب على هالشكل ..
الفستان الثامن - بعد هذا نفس ستايل السابع .. بس على أبسط .. يعني اتخيل مع قطعه ثانيه بينفع حق تايور أنيق جدا
الرجاء مراعاة التظليل في المرة القادمة
هاذي الفساتين لي شفتها لين الحينه وجذبتني .. وانشالله كل ما القى شي بحطه الكم عشان تشوفونه
فيمينين ^-^