فضيحة طالبه سعوديه في الثانويه

بعد التحية والسلام
اليكم هذه القصة الغريبة التي يقشعر لها البدن
القصة تقول ان فيه بنت تدرس في الثانوية واسمها ( ساره ) مره راحت السوق مع أمها .
وقابلت أحد الشباب ورقمها المهم أخذت الرقم واتصلت عليه تعرفت عليه وهو اسمه (خالد)
المهم تعرفوا علي بعض وزادت العلاقة وقويت بينهم ... كلن منهم يبي يقابل الثاني ولا لقو طريقه وفجأه جت فكره لخالد...
قال اقول ساره ليه ما نتقابل عند المدرسه ..
قالت ساره: كيف وضح؟؟؟
قال اسمعي انتي ابوك ينزلك الصباح ويروح الدوام صح؟
قالت :صح ..
قال انا امرك وتركبين معي
قالت بس المديره بتكلم على البيت
قال :: افصلي التليفون وارتاحي
قالت::بس خايفه اتوهق
قال جربي ونشوف
المهم راح ابو ساره ووصل بنته للمدرسه ومشى .. وثواني الا وخالد واقف وركبت
ساره بسرعه وراحوا افطرو في ذا الكوفي شوب الفخم وجلسو يسولفون ويوم تمت الساعه 12:45
راح خالد ونزل ساره ورجعت البيت وهي خايفه بس محد درى .. وكلمت خالد على طول وقالت ان اهلها ما درو وطمنته وسولفو شوي وقال خالد وش رايك اقابلك بكره
قالت :لالالا مو كل مره تسلم الجره
قال :المره ذي جايب لك هديه
قالت :مر واشوف الوضع
ومر خالد في الوقت نفسه وركبت ساره
المهم اخذو على هالحال اسبوع كامل من السبت الى الاربعاء ...
وجاء يوم السبت اليوم اللي نست فيه ساره تفصل التليفون.. وطلعت مع خالد ..
ولا التليفون يرن ..قامت ام ساره (يالله صباح خير)
ام ساره: الو
المديره ::الو السلام عليكم
ام ساره :عليكم السلام من تتكلم؟؟
المديره::انا الاستاذه هدى مديرة المدرسه اللي تدرس فيها بنتك
ام ساره: هلا عسى ما شر
المديره :لا ما فيه الا الخير بس ساره لها اسبوع ما داومت عسى ماهي مريضه ؟؟
ام ساره: كيف ...((وصرفت الموضوع)) ايه الله يسلمك البنت مرضت شوي بس
المديره :: زين الف حمد الله على سلامتها مع السلامه ::
ام ساره دارت بها الدنيا وما تدري وش تسوي هل تعلم ابوساره ولا تمسك البنت وتسالها ؟؟..؟؟
المهم قالت لابو ساره عن كل شيء وقال اسمعي لا تقولين لها اي شيء انا بشوف وين تروح...
ويوم الاحد وصل ابو ساره بنته ومشى شوي وصفط يمن الا هاك االلكزس تمر وتركب ساره بنته المهم اللكزس كانت مضله ومشى وراها ابو ساره الين هاك الشقق ونزلت ساره وخالد ووقف ابوساره ونزل ومسك راعي الشقق وقاله في اي شقه ؟ وعلمه شقه 14 وطلع ابو ساره وهو يطلع الدرج كان خالد نازل وما انتبه ابو ساره له المهم طق الباب وفتحت ساره وانصدمت
يوم شافت ابوها وضربها وهي راحت للمطبخ واخذت السكينه تبي تروع ابوها وغلطت وطعنته في صدره وطاح الابو مغمى عليه وجا خالد وشاف الموقف وقال لساره بسرعه شيلي معي للحمام
وحطوه في ((البانيو)) وملوه مويه وحطو عليه صابون الغسيل عشان الرغوه وطلعو
ورجعت البنت للمدرسه وهي تفكر في اللي صار حقيقه والا خيال ..المهم طلعت من المدرسه ورجعت مع الباص وطقت باب البيت الا المفاجأه الغريبه ابوها فتح لها....
وصاحت وقالت : ابوي مو معقول
رد أبوها :

مع تايد للغسيل ما فيش مستحيل
ههه ههه ههه