فكره خطيرة للمتزوجات مجربة

السلام عليكم ورحمة الله وبركاته
أول شلونكم يا متزوجات ... حبيت أقولكم عن فكرة صج عجيبة انا سويتها شخصيا ويابت نتائج روعه ..
بس اول شي لازم يكون عندكم ( ورد أحمر طبيعي ، أوراق حمراء ، مقص ، قماش شيفون أحمر ، علبة حمراء على شكل قلب اذا ممكن ) ..
طبعا زوجي كان زعلان مني يومها ورجع من الدوام الفجر وقمت سويت هالحركة والحمدلله رضى عني وتصالحنا ..
1 - أول شي انثري اوراق الورد من مدخل باب البيت لين غرفة النوم .
2 - قصي من الورق الأحمر شكل قلوب وبوسات وانثريها مع اوراق الورد.
3 - وعند باب غرفة النوم الصقي ورقة مكتوب فيها ( أبوس الأرض اللي تمشي عليها )) أحبك .
4 - وفي داخل غرفة النوم انثري ما تبقى من أوراق الورد على الأرض وقطع الشيفون الأحمر .
5 - اكتبي بأوراق الورد على مفرش السري كلمة ( أحبك ) .
^ - واللي عندها الاأباجورة اللي يظهر منها الضوء من فوق تشغلها وتكتب على ورقة كلمة احبك وتقصها على شكل الكلمة وتحطها من فوق على الاباجورة ولين تسكرين الأضاءة راح تظهر كلمة احبك بالسقف .,
7 - داخل علبة القلب الحمراء ضعي كلمة أحلك وحبة شكولاته من اللي يحبه وخليها على السرير مكان ما ينام.
وطبعا لازم تتكشخين بلبس احمر ومكياج بسيط ...
اتمنى تكون الفكرة اعجبتكم وللأمانه قريته من كتاب عن الحياة الزوجية بس انا حطيت اضافات من عندي ....
ودايما لا تنسوا الدعاء (( اللهم استر عنه عيوبي ، واستر عني عيوبه ، وأظهر له محاسني ، واظهر لي محاسنه ، ورضني بما رزقتني وبارك لي فيه )). .