فلبك اقسى من الحجر روايه رومانسيه بقلمي

1. السلام عليكم ورحمه الله وبركاته


2. مقدمه:::


3. طق الباب


4. مشاعل: ملاك انا مشاعل ادخل ... ماسمعت رد دخلت بهدوء

السلام عليكم ورحمه الله وبركاته

مقدمه:::

قد تشاء الاقدار وتجف مياه البحار ... وينصهر الجليد ...وتنقطع بي الاسباب لكن لن يبقى لي بعدك سوى الذكرى التي زرعتها في بستان محبتي وسقيتها من وريدي .. تحيى تردد صداها الايام وسوف تظل راسخه في قلبي لاتقطفها الايادي فهي زهره جميله جذورها المحبه وفروعها الوفاء والاحلاص تفوح بعطر الاريج يستنشقها الجميع ويردد احلى معانيها .
ولهذا فالمحبه باقيه مادامت الذكرى راسخه في "اعماقنا "
++++++++++++++++++++++++++++++++++++++++++++++++++ ++++++++
اتمنى الروايه تعجبكم .. واعذروني على الاخطاء الاملائيه ... طبعا الروايه من الخيال واحداثها غير واقعيه ...
الجزاء الاول
الفصل الاول ...
ملاك ومشاعل داخلين البيت
مشاعل : اف حدي جوعانه مالي خلق استنى ابوي
ملاك : الحمد لله انا موج وعانه بس ابي اطلع اتحمم وانام عشان حمني بيجي اليوم ياخذني نتسوق
مشاعل : ياسعدك والله ودي اروح معك بس امي بترفض
ملاك : وهي صادقه وش دخلك بيني انا واخوي
مشاعل: واقول مالت عليك انتي واخوك
ملاك : ابرك منك انتي واميك
مشاعل : اقول "اها بس" ادخل غرفتك ونامي وانتي ساكته
دخلت ملاك وتحممت ونامت واما مشاعل نزلت تتغدى , الساعه 5 دق عبد الرحمن
ملاك: هلا حمني
عبد الرحمن : جاهزه
ملاك : وعليكم السلام
عبدالرحمن: ملوكه انا عند البيت اذا جانهزه انزلي بسرعه مالي خلق ابوك
ملاك: ايوى كنت انتظرك دقيقه باي
بعد فتره انزلت ملاك وركبت السياره
عبد الرحمن: بدري
ملاك :بدري من عمرك .. بس والله مو بقصدي خالتي وقفت بحلقي الى تهاوشني
عبد الرحمن : الله يعينك عليها بس لو تجي تعيشي عندنا والله اريح لك
ملاك: حمني انت عارف اني اتمنى اعيش بالرياض بس مابي اثقل على ابوك و....
عبد الرحمن: انتي عارفه ان ابوي يحبك ويعتبرك بنته بس انتي اللي حساسه بزياده
ملاك تنهدت : والله مدري
ملاك وعبد الرحمن اخوان من الام ام عبد الرحمن تزوجت سعد وانجت عبد الرحمن وبعد وبعد ثلاث سنوات تطلقت وتزوجت مت ناصر ابو ملاكوبعد الولاده توفت وتزوج زينب ام مشاعل
ملاك عمرها 19 سنه في السنه الاخيره من الثانويه بنت كيوته جماله ا يطالي لان امها ايطاليه مرحه راح نتعرف عليها اكثر من خلال الروايه
\ في بيت ابو جسار
الريم جالسه على tv وجسار نازل من الدرج
الريم : جسار
جسار: نعم
الريم: وين طالع
جسار:للاستراحه
الريم: تكفى والله طفشانه خلنا نطلع نتمشى على البحر
جسار: وقت ثاني الشباب ينتضروني باي
الريم: رمت الرموت اف لمتى على الحال مليت لوحدي في البيت
في الصباح في المدرسه ..
ملاك: داخله المدرسهع قابلت صديقتها نوره
ملاك: سلام
نوره هلا وغلا فيك ياقلبي كيفك
ملاك : تمام بغير العاده اشوفك مستانسه
نوره: كيف ماستانس وخلودي بعد المدرسه بيجي ياخذني
ملاك بصدمه : نوره بتطلعين معه
نوره بنتغدى بمطعم
ملاك: نوره لاتطلعين تراك بتندمي بعدين وبعدين انا اذكر انه ماجد مو خالد
نوره : اف ياقدمك ماجد تاركته من زمان هذا واحد حقير كله هاتي هاتي مايعطي ابد طمعان في لفلوس بس خلودي مغرقني بنواع الهدايا وكلهن غاليات يعني مو طمعان
ملاك بانفعال : نوره هذا واحد نصاب كله بيهين شرفك لاتضنين انه يحبك
نوره تقاطعها: بسك عاد انا بس اتسلي بس خالد غير خالد يحبني لنفسي مو لفلوسي ملاك انا مابحياتي جلست مع واحد وماكان طمعان فيني الى يومك هذا رافض ياخذ منيث ريال واحد
ملاك : بعصبيه نوره ارحمي ابوك وامك حرام عليك هذا جزاتهم واثقين فيك ومعطينك الحريه اللي الكل يتمناها
نوره: مالك دخل بامي وابوي ماراح يعرفوا شي
ملاك: نوره لو اعرف انك ماقطعتي علاقتك فيها وبكل اللي تعرفينهم صديقيني امك راح يكون عندها علم بكل شي فاهم ولا لا باي
نوره : هين يالحقيره ان ماربيتك وخليتك عبره ماكون نوره
مرت الساعات في المدرسه وجاء الوقت المنتضر عند نوره في نهايت الدوام دخلت دوره المياه وتكشخت ودقت على خالد
نوره بدلع هلا حبيبي
خالد :هلا عيوني انا عند الباب وينك
نوره : دقيقه وطالعه انت وينك
خالد على اليمين اخر سياره
نوره اوكيه شفتك باي
ركبت السياره
خالد: هلا وغلا بعيوني تو مانورت السياره
نوره بخجل تسلم
خالد بنظرات شيطانيه شرايك نطلع لشقتي نتغدى هناك احسن ناخذ راحتنا اكثر
نوره : لا لا خلودي خلنا بمطعم احسن لنا
ملاك دخلت البيت
زينب : يلى تعالي حطي الغداء ابوك فبي الطريق
ملاك: والله ياعيوني مالي خلقك حدي دايخه ابي انام عشان عندي اختبار بكره
طلعت مع الدرج وزينب خالتها وراها تصرخ طنشتها وطلعت على غرفتها
خاد: ايوى .. عشان كذا الاخلاق مقفله اليوم
نوره: ايوى .. مو عارفه وش اسوي معها
خالد : واذا حبيبك نور عيونك بيخليها تندم وش تقولي
نوره: والله شلون
خالد :ياستي عندي واحد من اصحابي اسمه جسار اخليه يكلمها
نوره: انا اعرفها ماتكلم انسانه معقده
خالد: اذا ماكلمته بالطيب تكلمه بالغصب
نوره :طيب شلون
خالد:طيب انتي ماعليك الى تجيبي معلومات عنها وتصوريها وعطينيها انا اخلي جسار يهددها
نوره بل بل وش هالمخ ولا يهمك بكره بيكون كل شي عندك ياعيوني بس صاحبك هو اللي يكلمها مو انت
خالد: افا افا ماهقيتها منك انتي تغطي عن بنات الديره كلهم....... يلى نمشي حياتي لان وراي دوام ابي انا شوي وبعدها اروح له
نوره يلى حياتي
وصلها بيتها بعد مااكد لها انها تسوي اللي قال لها عليه
في الاستراحه
جسار :انت صاحي من متى انا اكلم بنات انت ماتفهم
خالد: ياحبيبي يجسار كلمها بس على الاقل بالتلفون بس وبعدين خل الباقي على
جسار :ليش ماتعطيها أي احد من الشباب
خالد:انت صبور يعني لو سفهت فيك مره واثنين وعشر راح تصبر لين تكلمك بس الشباب ماعندهم صبر وانا ابي كل شي بهدواء لين انال مرادي من نوره
بعد اقناع وافق جسار انه يكلمها
بعد يومين من الاحداث ونوره جابت كل شي لجسار
وقفت سياره جمب سياره جسار وفتحت الزجاج
نوره : انت جسار
جسار : ايوى
نوره طيب تفضل هذي فيها كل المعلومات وتلاقي ذاكره جوال فيها اكثر من صوره ومقطع فيديو لها
جسار زين يلى مع السلامه
جسار في نفسه انا ليش اضر البنت مو من اطباعي شلى خلاني اوافق على كلام خالد .. تنهد استغفر الله ...... دخل البيت وطلع لغرفته ..قراء الورقه وطلع الذاكره
جسار :اف ... طلع لغرفه الريم
جسار: مرحبا
الريم: هلا والله
جسار: الريم ذاكره جوالك حجم صغير ولا لا
الريم ايوى
جسار : طيلب عطيني جوالك
الريم :باستغراب طيب
رجع لغرفته ....
ملاك: وربي انك غثيث
عبد الرحمن : مو قدك ياحلو
ملاك : حمني سولف صح ولا اسكر الخط
عبد الرحمن : طيب بقول لك مو قف بس ماتضحكي على
ملاك :اطربنا ياحلو
عبد الرحمن : ياستي هذا كنا بالاستراحه والشباب لاهين كل واحد يكلم وحده من صاحباته قلت خلوني اجرب مو ناقصني شي المهم قلت لسعود عطني رقم بنت ادق عليها قال طيب
سعود : ********054
عبد الرحمن : الو: الو
عبد الرحمن: عفوا غلطان وسكر الخط .... الله يلعنك يالحيوان معطيني رقم عجوز
الكل:ههه
محمد: ولا يهمك .. خوذ الرقم هذا
عبد الرحمن : وربي لو تستهبل لوريك نجم الظهر فاهم
عبدالرحمن: ال....... طير عيونه وسكر الخط . يالحقير...هندي .وهالاستهبال مالت عليكم
محمد:هذا سواقنا
وبعد زعل عبدالرحمن
وليد شباب خلاص حرام عليكم وش هالمزح الثقيل:انا ابي اعطيك رقم تطمن مو جدتي ولا سواقنا هذي بنت لاعابه ماراح يمسك معك الخط لانها بس على الجوال ماتخلط مكالمات من واحد لواحد
عبدالرحمن: مابي اكلم احد خلاص
وليد خلاص يابو الشباب والله مو مازح معك
عبد الرحمن: اسف مابي
وليد :امسحها بوجهي خلاص جرب انت وشوف
عبدالرحمن: والله لو تكذب ياوليدو لامسح البلاط بوجهك فاهم
وليد يبلع ريقه: ابشر لك اللي تبي
ملاك: ههه ايوى
عبد الرحمن وين اللي مو ضاحكه
ملاك: ايوى كمل
عبد الرحمن : صدقت وليد وضلت ادق وهو مشغول وادق والرقم مشغول لين صارت الساعه 1الفجر وكل من طلع ميت من الضحك اللي مو قادر يقوم واللي يصقع الباب من الضجك لين مابقى الى وليد ومحمد ناصر
ناصر يمسح دموعه من الضحك: خلاص مو قادر عبد الرحمن تراء الرقم اللي عطاكياه وليد هو رقمك عشان كذا تلاقيه مشغول
ملاك:ههه وانت غبي ماتعرف رقمك
عبد الرحمن :انا اخو ملاك يعني طالع عليك
ملاك:طيب وش سويت بوليد
عبد الرحمن: ماطلع من الاستراحه الاويده مكسوره
ملاك: اف وش ذا
عبد الرحمن: يستاهل
ملاك: طيب انا لازم اسكر الحين
عبد الرحمن: بدري
ملاك: صار لك ساعه وربع وحنى نتكلم
عبدالرحمن: طيب يلى باي
ملاك: باي اكلمك بعدين ياقلبي
جسار: بجد هذي ملاك اسم على مسمى .. خلني ادق عليها
ملاك: دخلت الغرفه ورمت نفسها فوق السرير ::الو
جسار :مساء الخير
ملاك: نعم
جسار : قلنامساء الخير
ملاك: قلنا نعم مين
جسار ابتسم: انتي ملاك
ملاك باستغراب: من معي
جسار :انا جسار
ملاك: عفوا غلطان ماعرف احد بالاسم مع السلامه
جسار : لحظه لاتسكري انتي ماتعرفي بس انا اعرفك
ملاك: انت محمد
جسار :لا انا جسار شفيك
طوط طوط طوط
دق ودق ودق لاكن ماردت
ملا في نفسها من هذا وش عرفه باسمي ... زالافكار تروح وتجي ..اف يمكن ذا حمني ومحمد يستهبلون مثل استهبالهم كالعاده مسكت الجوال بدق على عبد الرحمن لان جت رساله وفتحتها
ملاك :بصدمه تقراء
الرساله : ملاك ردي على لاتحاولي ملاك انا اعرف عنك كل شي انتي وعائلتك لو تبيني اوصف انتي اوصفك ردي خلينا نتفاهم
ملاك رمت الجوال وهي ترتجف وتدعي ياربي من هذا وكيف عرف عني كل شي . قطع حبل افكارها صوت الجوال بخوف رفعت الجوالوهي تبكي
جسار :الوو
ملاك: -------
جسار :الو ملاك معي
ملاك: انت مين
جسار:قلت لك انا اسمي جسار
ملاك:بشويه عصبيه وبكاء وربي لو تصلع عبدالرحمن ولا محمد والله ليكون اخر يوم في عمركم فاهمين ياكلاب
جسار :ليش تصرخي وتبكين
ملاك: اجل وش عرفك فيني ومين معطيك رقمي
جسار اخذت رقمك من نوره وعطتني صوره لك وفيديو وكل شي عنك وحياتك
ملاك: شهقت
جسار: ملاك معي
ملاك ببكاء وترجي :الله يجليك لهلك ياجسار اتركني والله مالي بالسوالف تكفى خلني وربي لو يدري ابوي ليذبحني
جسار: ملاك اهدي خلينا نتفاهم
ملاك:نتفاهم على ايش
جسار بضيقه ممكن تبطلين بكاء
ملاك :تبكي بخوف
بعد ثلاث اسابيع ملاك تغيبت عن المدرسه كثير وكله حابسه روحها بالغرفه وتبكي

طق الباب

مشاعل: ملاك انا مشاعل ادخل ... ماسمعت رد دخلت بهدوء

لقتها نايمه وكان ذبلانه وجها اصفر وكان واضح عليها انها كانت تبكي طول اليوم قربت لها ومسحت على شعرها :اه ياملاك لو تقول لي وش فيك ... لقت جوالها على الصامت ويدق رفعته لقت (افداه بروحي ) يتصل بك اخذت الجوال وطلعت لغرفتها وردت :الوو
عبدالرحمن باستغراب :الو
مشاعل هلى عبدالرحمن معليش اني رديت عليك
عبد الرحمن :لا عادي ملاك فيها شي
مشاعل: مو عشان كذا انا رديت عليك ابي اسالك صاير لها شي لانها مو راضيه تقول لي
عبد الرحمن: والله ماادري حتى زواج بنت خالتي اللى هي متجهزه له رفت تحضره وكل ماكلمتها كان صوتها تعبان وتقول مافي شي تكفين صاير شي في البيت
مشاعل : والله مو صاير حتى المدرسه تغيبت كثير عنها
عبدالرحمن: تكفين حاولي تفهمين منها وقولي لي واي شي يصير قولي لي
مشاعل ان شاء الله
في الليل الساعه 11 ونصف نزلت ملاك للمطبخ وفتحت الثلاجه اخذت لها عصير مشاعل دخلت وجلست على الطاوله جيبي لي معك وبكل هدواء نزلت العصير لمشاعل علىلا الطاول وراحت جابت لها اكل جبن وزيتون
مشاعل: الشغاله مزينه محشي دجاج وانتي تاكلي جبن وزيتون تبين اجيب لك
ملاك:لا يكفي
مشاعل : طيب انتي كيفك اليوم ان شاء الله احسن
ملاك: لحمد لله قامت وطلعت لغرفتها
مشاعل :اه لو اعرف وش اللي قلب حالك
في بيت ابو حاتم .. حاتم جالس في صاله الكبيره
الريم: هاي
جسار : اهين
الريم :واي وش فيك انت صار لك كم يوم مو على بعظك كله سرحان وجالس لوحدك
جسار : مافي شي
الريم: علينا وبعدين قوم البس لك بلوزه ماتستحي تنزل كذا ولا تستعرض عضلاتك لاتجي امي وتهزئك
جسار انا مو مصخ ملابسي لابس فانيله علاق
الريم وانت عارف قاعده امي بلسك هذا
جسار ياليت تلزمينا بسكوتك لان مالي خلقك ابد
الريم على راحتك لان هذي ماما نازله مع الدرج وبتكمل المحاضره عني بايو عيوني
جسار :اف انا طالع براء البيت