الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
03-11-2022 - 12:42 am
//
- * جميع الحقوق محفوظه للكاتبه:
كلي شموخ ،،
الرجاء حفظ الحقوق ل أصحابها
ومن حاد عن ذلك فالموعد عند العزيز الجبار ..
//
- *
كلمات هامسة
مشاعر جياشة
نظرات هائمة ..
تولدت في لقاء صامت
أفاقت الروح من غيبوبتها الطويله ..
وأفاقت معها نبضات قلب منسيه !!
بعد طول غياب وانتظار..
أتى اللقاء وانسكبت معه دموع الفراق
لثوان قليلة كانت نهاية حب
حكمت عليه الظروف بالوحدة والحرمان
نهاية ذكريات
نهاية حلم لم يتحقق
ولى الشوق
وهل السراب!!
كانت بداية الوداع لداء بدون دواء
داء حب عاش مخاضاً عسيراً!!
به صمتت الكلمات
سكنت المشاعر
نامت الجفون
توقفت نبضات القلب
وعادت الروح لغيبوبتها الطويلة
لتعجن طيناً من قصور
وتعمِّر قصوراً من طين!!
×*×*×*×
"عندما تمتزج الرحى بحنين اليوم وذكريات الماضي السحيقة " ..
\
: الجزء الأول
: معبس الوجه،،متجهم النظرات،،يعبث فأصابعه بعصبية بانت على ملامح وجهه ،،
نزل صمت قاتل على العائلة اللي يعولها ،، نزل مزيج من الألم والأسى ،،
" لاإله إلا أنت سبحانك إني كنت من الظالمين" قالها عبدالله بعد ماخلطها بآآهه من أعماقه ،،
لفظتها شفتيه وهي تحمل بين جنبيها مختصر آلام قلب تورم بالقلق على الحال اللي وصل له أخوه والدبور اللي حل به ويزيد يوم بعد يوم ،،
صب له من دلة القهوة اللي قدامه،،صار يتأمل الهيل اللي طفح أعلى الفنجال .. أرتشف رشفه وأستنشق ريحة الهيل الأخاذة ولسان حاله يقول " أشهد إنك مهيض العبرات " ..
انفلتت منه نظره حب ممزوجة بالألم لأمه المسكينة اللي محد أشتقى أو تألم أو حزن كثرها ،،
ناظرها بنظرته وردت له نفس النظرة لكن نظرتها مخلوطة بشموخ حرمه كبيره جار عليها الزمان وهي ردتله هالجور بالإحسان والصبر والرضاء ..
تسند عبدالله على ظهره وقعد ينقل شوفه بين ولده وعيال أخوه اللي من جلس مانطقوا بكلمه ،،
تأملهم واحد ورا الثاني بعذوبة ،،كيف إن العيال يكبرون والدنيا تتغير أحوالها من يوم للثاني ،،
إلا أخوه هو نفسه ماتغير ولا تبدل حاله مثل ماهو ،،
أشياء كثيرة تدور في باله عسى بس يلقالها حل بعد ها الزمن الطويل اللي من حصل ماحصل مارتاحله بال ولاغض له جفن..
ماقدر بندر ولد أخوه يشوف عمه على هالحال مانطق ولاعاتب عشان مايجرحه ولايسبب له أي ألم ،،
فقال: عمي !
لف عبدالله وجهه يم بندر وناظره بنظرة أبوه تحمل كل معاني الحب والحنان ،، وسكت ليعطي بندر فرصه أنه يتكلم ،،
تردد بندر لثواني بعدين استجمع قواه وقرر ينهي الموضوع ،،
بندر:عمي والله ماكنت أقصد أجرحك ولاأسببلك كل هالشي .. والله أني رحتله بدون حتى ماشاور نفسي ،، قلت يمكن علّ وعسى ربي حنن قلبه على ذا المسيكينه "ويشر على جدته"
عبدالله:والنعم فيك يابوتركي ..بس يابوك الرجال مايسوي علمه من راسه وفوقه رجاجيل أعلم منه في ذالأمور..
بندر: عااد وش تقول طال عمرك في العجله !
عبدالله:لا نفداك ماربيتك على العجله ، الرجال يتأنى ويفكر مليون مره قبل لايسوي شي يضره ولايضر اللي حواليه ،،وكان شاورت بعد ترى مب خاسرٍ شي ولامنقص من مرجلتك .. ألحين وش استفدت رحتله تطلب المعزة لجدتك ورجعت بالمذلة وتنكيس الروس .. طردك وهزأك قدام عياله وعماله وأنت في غنى عن ذا كله ،، جدتك معليها ماشكتلك ولا وكلتك أمرها ،،موكلة شؤونها رب العالمين اللي مايخيب من رجاه..واللي صبرها 12سنه يصبرها لين يفرجها من عنده ..مالقى بندر رد غير الصمت وتمتمات فخاطره تدعي ربه بقرب الفرج ..
الجدة " أم عبدالله ": ياوليدي أنا مرةٍ عرفت الدنيا وقد شفت منها ماالله اعلم به ،، ماعترضت ولاقلت ليه مافيدي غير الصبر والحمد لله على كل حال ،،
أيه نعم مايهون علي أشوف ولدي ظالم والدُبور ماكله وكل بس وش عندي له غير دعوةٍ لرب العالمين إنه يهديه ويصلح حاله ويرجعله رشده ..
الجرح القاتل كان سيد الموقف في هالساعات المميته ..
نايف ولد عبدالله وسلطان ولد أخوه خلاص ملوا من الضيق والألم حبوا يغيرون الجو وينسون الحزن ويرجعونه مكانه المعتاد داخل القلب ..
سلطان بصوت أقرب للهمس : نايف !!
نايف بملل : هاه
سلطان : هويت في بير مالوش أرار
نايف : الله مير يسلمك وشكرا لمشاعرك النبيله هاهاها
سلطان: أكرهك لاتميلحت تصدق !!
نايف: وانا أكرهك لازاد ملحك تصدق ،،
سلطان : ههه الله يقطع بليسك ..
نايف: خلصني عااد وش تبي بتقطع علي إندماجي في الحلقة الميتين والتسعة والتسعين من المسلسل ..
سلطان بضحكه دوت المكان : ههه يالحماار
ألتفت الكل وعلى وجوههم ارتسمت علامات الاستفهام والتعجب من هالضحكه اللي فغير وقتها أبدا..
أبو نايف وعلى وجهه مرسومه ابتسامه رائعة : خير وش فيكم ؟!!
ويمسك نايف بطنه من الضحك ويضحك ضحك هستيري ،،
الكل أستغرب حتى سلطان لأنه ماقال شي يضحك لهالدرجه ..
سأل بندر سلطان عن سبب الضحك ويرفع سلطان كتفه علامة إنه مايدري وهو يضحك ..
أم عبدالله : نويف وبلا وش فيك ؟!!
عبدالله : يابوك وش فيك تضحك ضحكنا معك !!
نايف : ههه تصدقون مدري بس جا فبالي الضحك وضحكت !!
بندر: عمي ،، طلبتك قول تم !
عبدالله " يرز ظهره " : أبشر بعزك وانا ابو نايف ..
بندر: كلموني اليوم شهار ويقولون عندهم أسره فاضيه لناقصين العقول عااد انا قلتلهم ماعليكم بطلب عمي وأكيد هو مب رادني ،، هااه وش قلت !!
عبدالله : أخذوه فكوني منه الله يبيح منكم دنيا وآخره ..
ويشهق نايف شهقة كن روحه بتطلع مع كلام أبوه ،، ويحط يده على قلبه ويقول :
آآآآه طعنتني في الصميم ياأبتاه ..آخر شي كنت أتوقعه أنك تتخلى عني فمحنتي ،،
وضحكوا الكل على هبالة نايف وروعة دمه ،،
وبالفعل قدر يبعد سحابة الحزن اللي سيطرت على جوهم بغفلة منهم .
\
: في نفس هاللحظات كانت حياة جالسه فغرفتها تتأمل ملامح وجهها في المرايه ،،
كيف هالجمال محد قدره ،، وكيف هالأنوثه محد ثمنها ..
خذت المشط وداعبت به خصلات شعرها الغجرية ،،ومر بعذوبة بسيطه كأنه خايف أكثر منها عليه ..
لمت شعرها بفوضويه وراحت يم سريرها تتفقد جوالها ،،
دخلت عليها غاليه بنت عمها ناظرتها بحنان وحنين وراحت يم الدريشه وفتحتها ،،
وقفت عندها تتأمل في البعيد المجهول مااكانت مركزه على منظر بعينه لكن دايما لدخلت هالغرفه تحيا ألف ذكرى وذكرى ..
وطول ماغاليه واقفة حياة تناظرها في المرايه تنتظرها تقول وش عندها ..
غاليه : لا اليوم الجو دفا أحسن من كل يوم..
حياة : ايه الحمدلله بعد انا احس كذا ..
غاليه : طيب وش رايك نقول لأبوي نسافر النعيريه ونخيم هناك
حياة: هيه خبل أنتي وين النعيريه مستحيل سفر ومشوار لاتحلمين
غاليه: طيب التنهات ولاخريم عااد ذي داخل الرياض مالهم حجه إذ مارضوا
حياة: م والله مدري عنهم بس ماتوقع يوافقون هذول يبيلهم سنه عشان يسوون شي نطلبه منهم
غاليه: ماعليك من العيال انتي اهم شي ترضا الراس الكبيره وهم ماعلينا منهم غصب من ورا خشومهم يودونا ..خلاص حياتي أنتي ماعليك إلا كلمه سعنونه لأبوي وهو على طول طوع أمرك..
حياة: لاوالله وش دخلني انتي بنته وأنتي اللي قوليله .
غاليه: هاه الله يخلف علي ،، أشك أحيانا أني بنته يغليكم أكثر ممايغليني !
حياة: لاحول بدينا الحسد أشوف
غاليه: ههه لاصدق حياه قوليله تكفين ..
حياة: م بوسي يدي أول ..
غاليه " ضربتها على كتفها ": تخسين عاد عطيتك وجه ،،أصلا قلتيله ولاماقلتيله مب رايحين أعرفهم بيقولون دوامات وبيطلعون ألف عله وعله عشان مايودونا ..
حياة: قايلتك بس أنتي مشكلتك دايم تحبين الأحلام !!
غاليه: طيب وش رايك نطلع نتمشى فالسور .
حياة: لاوالله مالي خلق
غاليه: طيب وش رايك ...
حياة"تقاطعها":لاتحاولين مارح اسوي شي مزاجي متعكر حيل
غاليه " وهي تقفي للباب":وأنتي الله يهديك من متى جوك صافي .
حياة "بصوت عالي": مالك دخل زين ..سكري الباب وراك لو سمحتي وشكرا على الزياره
حست غاليه إنه ماله داعي الكلمة ،،هي عارفه حياة الفتره الأخيره ماتنقرب ..حست بالذنب
..ولسان حالها يقول" أفف أنا جايه أبي أرفه عنها وأسليها أجي أكدرها ..آآآه ياحياة متى تعودين ..الله يفرجها عليك وييسر أمورك"
مشت وهي تجر أذيال الخساره اللي كل يوم تجرها لما ماتقدر تطلع بنت عمها من عزلتها وإنطوائها ،،
نصت غرفت مهره بنت عمها ولقتها مستلقيه على السرير ومتلحفه ببطانيتين ولابسه قبعه صوف
وقلافز صوف غير الجلابيه الثقيله اللي عليها ..حالتها كانت تصعب ع الكافر من جد ..
وكانت تقرأ قرآن ..
ماتت ضحك غاليه عليها ..مهره كانت اكثر وأول وحده تمرض فالبيت واذ جاتها الحمى حصلت حالة إستنفار عند الكل من اكبرهم جدتها لأصغرهم أخوها سلطان ،،
فكانت تتخذ الأساليب الوقائية تفاديا لهذي الأمور كلها ..
قربت منها غاليه ودخلت معها فالبطانيه ..
غاليه : أح برد مهور صح ؟!
مهره "تحط أصبعها مكان الصفحة": يوه مووت
غاليه"تمسك ضحكتها": الله يعينا برد الرياض يموت يدخل العظام
مهره: صادقه الله يعينا بس
غاليه" أنفجرت":ههه أنا أشهد إنك فله ..ياشيخه والله إنا دفا اليوم ماكنا في شتاء..ماله داعي كل ذالدولاب اللي عليك..
مهره "بإبتسامه وضحت غمازاتها الرقيقه": غربلك الله مالك دخل دولاب درج انتي وش حشرك بيني وبين نفسي ..
غاليه: ههه وش اسوي رحمت جلدك المسيكين !!
سفهتها مهره وكملت قرايتها ..
غاليه : مهقه يالدبه لاتسفهيني كذا كني بزر عندك ..
مهره:...........
غاليه: طيب سؤال واحد فقط لاغير ..
مهره: أف اللهم طولك ياروح هاه وش عندك
غاليه: وش تقرين ؟!!
مهره بنظرة قهر ماعطتها وجه وقدها بتفتح المصحف
فقالت غاليه :ههه أدري إنه قرآن بس أقصد وش السوره!!
مهره بقلة بال: سورة الكهف .. ليه عشان اليوم جمعه ..وش معنى عشان ربي إنشاء الله ينور لي قبري .. واللي يقهر انك عارفتن كل شي بس تستعبطين عليا ..
غاليه :ههه ياحبنيلك
مهره "تقلدها":ههه أدري.. وخلصيني عندكم غدا ولالا تراني ميتتن جووع
غاليه"تفز من مكانها":يوه الله يلعن إبليس ..بتذبحني أمي ..يااللا إنزلي الغدا محظر قدله سنه ونا طالعه اناديكم انتي واختك المصون كني شغاله على حسابكم ..
أنا بنزل بسرعه تلقين أمي شابةٍ ظو ألحين وأنتي روحي لأختك ناديها..
مهره:ههه يابرودك ياذالبنت وتعالي انا اللي بنزل وانتي اللي روحي لحياة ناديها عاجزتن من كثر البربره ..
غاليه: الله يهديك انتي وياها.
مهره "بصوت عالي":أجمعين..
وطلعت مهره من غرفتها بسرعه ومن العجله نست تاخذ جلالها ..
فقالت غاليه: هيه يالأخو ..مهيره وين وين نازلتلي تمريعين ولافي الخاطر شي ..كن البيت مافيه شباب .
مهره "رجعت للسرير وخذت الجلال من عليه" : تكفين يالشباب اللي يسمعك يقول عشرين ..ترى كلهم نايف ..
غاليه: أوه ياسلام ،،نايف عن العشرين ذولا كلهم وهذا في الحالات العاديه ..عاد وشلون لاجامن ناحيتك أنتي ..
مهره:هيهيهي وع سخيفه وماتضحك .
وتنزل مهره بسرعه وغاليه توجهت لغرفة حياة ونادتها ونزلوا كلهم يتغدون ..
"
" يتبع
":":":":":":":":"
التعليقات (7)
يسلمو حبيبتي منوره والله احرجتيني ام القصه كامله عندي يعني ان شاء البارتات راح تكون يوميا واحد كل يومين بالكثير حسب الاكشن ههه ويسلمو مره ثانيه منوره ياالغلا
هلا هنونه اهنيك على القصه الروعه زيك............
انتظرك لا طولي يااحلى هنو ................
ودمتي ............
انتظرك لا طولي يااحلى هنو ................
ودمتي ............
هلا هنونه اهنيك على القصه الروعه زيك............
انتظرك لا طولي يااحلى هنو ................
ودمتي ............
هلالالالا والله قلبي تسلمين ياالغلا دام عزك ونبض قلبك حبيبتي وان شاء الله ماراح اتاخر شرفني مرورك
انتظرك لا طولي يااحلى هنو ................
ودمتي ............
هلالالالا والله قلبي تسلمين ياالغلا دام عزك ونبض قلبك حبيبتي وان شاء الله ماراح اتاخر شرفني مرورك
الغالية هناء دومك روعة ويتجدد ويتأكد راي فيك .. ببساطة ما قرأت القصة بعد لكن انا اكيدة انك ما تختارين الا الروائع راح انتظر نهاية القصة ثم اقرأها منعا للضغط العصبي وتوتر الانتظار ... اتمنى عليك ما تتأخري في اجزائك وتحاولي تتمميها بسرعة لاني ما عندي صبر ... جعلة ربي في ميزان حسناتك وعافاك واكرمك برحمته يارب ...
اختك في الله
اختك في الله
منوره قلبي ام نتلي ولا يهمك حبيبتي ماراح اتاخر بالتكمله ان شاء الله ويسلمو على كلامك العسل ياعسل
/ " مدينة الأمل/الألم ..كم نعشقها ونهيم بها حد السماء ،،
أيا رياض الحلم كوني بخير محاطه بهالة من النقاء "
\
:
# الجزء الرابع #
\
:
قالها :هاه حياة قالتلك شي اليوم ؟؟
حياة: لا عمي أظن إنها ماجات ماشفتها اليوم ..
عبدالله: أحسن بعد .. تحاشيها كثر ماتقدرين .. هذي من زمان وهي تدور للشر عندنا ...
حياة: أنا أبي أعرف شي واحد بس .. هي ليش مشغلةٍ عمرها فينا .. تقول كن ماعندها
شغله إلا إحنا ..
عبدالله" باهه من قلبه": الله يهدييها ولايشغلها إلا بطاعته ..
حياة: طيب وش أسوي أنا ألحين ؟؟ .. مكتب الإشراف التربوي إذا ماجا اليوم بيجي بكره ..واذا ماجا بكره بيجي بعده لازم نحل الموضوع قبل لايصير شي حنا في غنى عنه ..
عبدالله " وحنان بحجم الكون": لاتحاتين حبيبتي .. مب حاصل إلا اللي يسرك ويرضيك ..
\
:
" غاليه قومي يامال البلا .. والله لو إنك مرتي كان من زمان وانتي فبيت أهلك"
غاليه :لحول يالحسد ياخي تبي ترقد روح ارقد لاتحط حرتك فيني يانويّف !!
نايف: مالت عليك .. لو أبي أرقد ماشاورتك أصلاً .. بسرعه تعاليلي فالملحق عجلي ..
غاليه: نايف والله إني عجزانه قول وش تبي فالتلفون ..
نايف: يارب إرحمني ..حشا بلوه من بلاوي الزمن !!.. داري إن مافيك رجا
وفاقد الأمل إنك تنزلين فبقولك رساله وصليها لمهره ..
غاليه:أيواه قولي من البدايه ماتبيني عشان سواد عيوني!!
نايف: ووش أسوي بسواد عيونك !! عيونك لرجلك مالي دخل فيها .. ولاسواد عيونها
محد يسواه !!
غاليه : ترا وتغزل مجنون ليلي ..
نايف: أقول إخلصي علي بتسمعيني ولا ترى برسلها مسج وبقولها الكلام اللي فخاطري وبخرب الدنيا..
غاليه: لالا الله يرحم والديك .. أعرفك مجنون وتسويها .. هاه وش عندك ؟؟
\
:
" عصر اليوم نفسه "
\
:
فغرفته بعد ماسكر من فيصل خويه وتواعد هو وياه يروحون يوقعون عقودهم
بعد المغرب ..
دخل سعيد ياخذله شاور سريع .. لبس ثوب بني مقلم بخطوط مرتبه ودقيقه حليبية اللون ..
وقف قدام المرايه .. تمعن فوجهه ومرر يده على ذقنه .. تأمله لحظات .. له أسبوعين ماخفف
والعارض مسويه لوجهه هيبه ووسامه زادته جمال .. راح يم السرير وخذ غترته السكريه..
لبسها وعدلها بترتيب .. كشت كم كشته من عطره الجميل على أنحاءلبسه .. وتدهن بدهن العود الفخم على ذقنه وغترته ..
فهاللحظه دق باب غرفته بلحن .. من صوته عرف صاحب اللحن ..
فقال: إدخلي حبيبتي صيته الباب مفتوح ..
صيته " بغنج ": ههه .. ياربي يموت فيني حتى يحس فيني قبل لادخل !!
سعيد " يقلدها": ههه شفتي سمعتهم يقولون القلوب عند بعضها.. تخيلي!!
صيته: ههه .. حبيلك .. "وتنتبه لكشخته " ..الله الله ياأرض أحفظي ماعليكي
..شهالزين سعود بتعرس !!
سعيد: ههه الله يسمع منك .. هااه وش رايك فيني ؟؟
صيته : جد جد تطيح الطير من السما.. إقرا المعوذات سعود ترى مب عايفتك ..
سعيد: ههه طالع هذي مصدقه ..
صيته : والله من جد إحفظ الله يحفظك مب كنت تقوله لي؟؟
سعيد " ويقرص خدها بحنان": فديت عمرها وخيتي ماتنسى الدروس ..
صيته: ههه لاماعليك اللي يجي منك عمري مانساه ..إلا صدق وش عندك وياهالزين كله!!
سعيد: عندي مشوار من أهم المشاوير فحياتي .. به ياأكون أولا أكون ..
صيته "إشتغل عندها الفضول": لا عاد!! وشو تكفى قولي؟؟..
سعيد: ام ماقدر سوسو بعدين أقولك .. إذا جا الوقت المناسب قلتلك .." ويتوجه للباب"..
ياللا مع السلامه وإدعيلي ربي يكتبلي اللي فيه الخير.. ولاتنسين غرفتي رتبيها ياويلك
تخلين الشغاله ترتبها ترى أعرف حركاتك ..
ووصل للباب وقابلته حنان أخته عنده .. هي لما سمعت صوته مع صيته جات ركض للغرفه
..دايم تبي تعرف وش يصير بينهم .. قد تكون غيره أو حسد أو لغرض ثاني فنفسها ..
سلم عليها سعيد بإبتسامته العذبه نزل ووجه للباب على طول لايمين ولايسار ..
ودخلت حنان عند صيته ولقتها ترتب غرفته ..
فقالت: أحلى اثر الحب يسوي بلاوي.. ترتبين غرفته مره وحده !!
صيته "بجفاف": م عندك مانع يالشيخه !!
حنان : الصراحه لا .. إشتغلي ياللا .. " وتناظر الدريشه " ..و لاتنسين الدريشه
هناك فيها غبار مسحيه .. وبعد الحمام غسليه أهم شي ..
صيته " تمسك أعصابها..وبإبتسامة سخريه ": تبين الصراحه حنان .. لعيون سعيد يهون كل شي..حتى لو يبيني أغسل جزمته غسلتها ..
حنان "إنقهرت من كلامها وحستبها تنغزها لصغر عقلها": ههه أصلاً قدرك جزمته يا....
ولا بلاش أحسن ..
وتوجه يم الباب بتطلع ..
صيته : لو سمحتي حنان سكري الباب وراك أبي أشتغل على راحتي من دون عذال ..
وتطلع حنان وترجف بالباب وراها ..
وقعدت صيته ترتب غرفة أخوها بإبتسامة حب ورضى وحنان و كل الكلمات الي تجسد
حب اخت لأخوها اللي ياما إحتواها في عز حاجتها , وياما لمها في بعثرتها ,وياما ضمها وقت ألمها .. ربّاها فصغرها بالرغم من وجود أمها وأبوها الفيسولوجيين فقط .. حماها من الضياع فوقت مراهقتها المجنونه .. حفظها فشبابها وعنفوانه .. سعيد هو كل شي وكل الأشياء بالنسبه
لها .. أم وأبو واخو وأخت ..حنان وعطف ورحمه و مدينه ربيعيه في وقت خريف جاف جدا!!ً أشجارها قلبها وقلبه وبس ..
\
: " صدقيني ياغاليه الفلسفه صناعه باطله وكلها معتقدات خرافيه وضلال في ضلال "
غاليه : يابنت الحلال روقيني !! لو هي باطله مادرسها ابن تيميه ولاالغزالي ولاابن خلدون الله يرحمهم ومن قبلهم الإغريق وكثير غيرهم !!
حياة : ياالله!! .. طيب إفهمي هم وش منهجهم وليش درسوها وبعدين قولي انها مب باطله !!
غاليه " بحماس": طيب هااه وش منهجهم ؟؟ قوليلي يافيلسوفه ..
حياة : أول شيء ماحب احد يناديني بهالاسم .. ثاني شيء .. بالنسبه للإغريق فحسب معلوماتي أول من درسها فيهم سقراط وبعد مادرسها تخيلي وحّد وأيقن بأن فيه إله واحد فقط للكون وخالف قومه في عبادة الأوثان والكل نادا بإعدامه عشانه بس وحّد .. تخيلي هذا الكلام قبل الميلاد .. وقال عنه إبن القيم .. فهو أقرب القوم إلى تصديق الرسل، وكذلك تلميذه أفلاطون كان معروف بالتوحيد ومنكر لعبادة الأصنام، لكنه لم يجاهر قومه بهذا مثل مافعل أستاذه سقراط، فسكتوا عنه وكانوا يعرفون له فضله وعلمه.. لكن بعدهم طلعت الفلسفه وإختلفوا في الوصول للذات الإلهيه .. وإبن تيميه قال إن عندهم علم لاباس فيه في الرياضيات والطبيعيات لكنهم أجهل الناس في الوصول للذات الإلهيه اللي هي موضوع الفلسفه ومركز الأصل ..بل إن اليهود والنصارى أعلم منهم فيه!! .. وابن تيميه درس علم الفلسفه عشان يبين مدى بطلان هذا العلم وليس للبحث عن الحقيقه أو في نفسه أي شك ..وهو بذلك يختلف عن الغزالي رحمه الله اللي جرد نفسه من كل شيء وخلى الشك مبدأه للوصول للحقيقه لكن بعد ماتعمق فهذا العلم عرف مدى بعده عن الحقيقه ووحاربه وكتب ليبين مدى بطلانه وبعده عن الحق ..أما ابن خلدون فقال ان الفلسفه صناعه باطله لأن الفلاسفه يدّعون معرفتهم لكل شيء والكون أكبر من أن يحاط به !!.
فغرت عيون غاليه ومهره اللي كانت جالسه معاهم جنب أختها.. فقالت مهره وهي تربت على كتف حياة ..
مهره: عاشوا .. " وتشر على حياة بفخر".. أختي هذي!!
غاليه : ههه حشى حياة مهب كلمةٍ قلناها .. هبيتي فينا .. مشاء الله عليك محد يناقشك ..
حياة : ههه أجل وش.. ماالعب أنا !!
مهره: تصدقين حياة يعجبني فيك ثقافتك ..عندك علم بكل شي قاعد يدور حولك..
غاليه : ههه جاتني الثانيه !! .. أبداً لاتخافين تراك مب بعيده منها ..
مهره " بنظرة إستجداء لأختها": فديت عمرها .. محد رباني إلا هي ..
إكتفت حياة بإبتسامه ملت محياها وبوسه على خد أختها فجأه!! .. الأمر اللي رجع لمهره روحها اللي كادت تفقدها ..وعادلها نفس الحنين اللي ياما لعب فقلبها !!!
غاليه : لالا مانقدر على كذا .. كدا كتير أوي ... حرام عليكم راعوا مشاعري قدامكم جالسه
وانتوا قاعدين توزعون بوسات ونظرات حالمه ولاتعبروني !!
حياة " تغمزلها": أبداً ماينخاف عليك .. عندك مايسدك ..
غاليه : يوه ذكرتيني .. تخيلوا يابنات بيطلع البر وبيخليني !!
مهره : لا عاد ماله حق .. يروح ويخليك مره وحده !! اخ ماش اخوي مايعرف الذوق ..
غاليه " تنطل عليها المخده " : مالت عليك تاخذيني على قد عقلي !!
حياة: وهي صادقه مهره .. وش تبينه يزبعك معه وين ماراح !!
غاليه : مااعلي منه .. أصلا قالي وزعلت ..ماتشوفوني نازله بدري اليوم ..
مهره: اها قوليلي .. أقول شعندها متكرمه علينا ..
وفهاللحظه دخلوا عليهم جدتهم وام نايف .. وقامت مهره تجيب القهوه والقدوع ..
" أثناء القهوه "
حياة: يمه غاليه ترى بروح اليوم لخالتي ام راشد بوديها لبنتها ..
أم عبدالله : روحي الله يقبل أجرك يامويمتك ..
أم نايف : إلا صدق شلون ولدها لذلحين على حااله ؟؟
حياة : ايه والله يخاله الله يفك ضيقته ويفرج عليه ..
أم عبدالله :آآمين الله يقر عين مويمته به ..
حياة " تكلم مهره": سلطان موجود ؟؟
مهره : ام ماظن أرسل لي رساله الظهر بعد ماجيت من الكليه قالي بيروح المزرعه العصر ..عاد مدري هو راح ولالا..دقي عليه وتأكدي ..
ام نايف: لالا سلطان مب هنا .. راح المزرعه مع عمه .. خلي بندر يوديك ولانايف..
حياة : خير ان شاء الله
\
: ركن سيارته فأقرب موقف عند الخطوط السعوديه.. نزل بعنجهيته .. دخل المكتب سلم على المدير..كانت معرفته فيه قويه حيل بحكم كثر سفرياته .. وفثواني أنهى أموره وطلع
بتذاكره معاه .. انتابه خوف بسيط من ابوه لكن سرعان ماتبخر من تذكر الوناسه أو بالأحرى الصياعه اللي منتظرته يوم الخميس !!
\
:
قال " بغطرسه من دون لايطالعها": هيه تراني بسافر يوم الخميس ..
قالت " والمفاجأه خذت مجراها فمحياها": وين؟!!!
قال: وانتي وش دخلك.. ماقلتلك أشاورك بس أحط عندك خبر ..
قالت "ودمعتها متعلقه فأطرف رمشه": حرام عليك ومن بتخلينا له !!.. شوف حالنا كل ماسافرت شلون يصير ..
قال: أبداً ماعليكم شر.. تبين تروحين عند أمك ولابيت أهلي روحي ..
قالت " بحسره": زيد أخو عبيد .. يعني عند امي ولاعند اهلك زود عن هنا !!
قال " يتدارك إهتمامه": ام مدري بس يمكن ترتاحين أكثر هناك .. هناك محمد ولد راشد بينفعكم أكيد..
\
:
"في وقت تتصارع فيه الشمس مع السماء "
\
:
ف أحد بقايا أشلاء البيوت .. فأحد الأحياء القديمه .. فبيت شعبي وصل عمره حد البلاء .. وغلافه وصل حد الرثاثه ..
جالسه أحد أطيب نساء العالم فمجلسها .. وعصاها جنب رجولها ..
جات الشغاله "تاتي" وحطت إبر الإنسولين والحبوب فالشنطه حقتها .. وقربت عبايتها لها ..
وقالت "تاتي": ماما همود يقول مايبي يروه ,،
فقالت الماما : لحول ولاقوة إلا بالله .. ووش فيه مايبي يروح الله يهديه ؟؟
تاتي: مادري .. انا في قول ماما هيا في إبقى ..هو في قول إنقلأي !!
ماما هيا "تبتسم بعطف": خلاص أنا بروح أشوفه ..تعالي عنزيلي ..
وتقرب منها الشغاله وتناولها عصاها وتمسكها مع يدها .. راحت هي وياها يم غرفة حّمود ..
دخلت ماما هيا وصرفت الشغاله اللي كانت تبي تدخل وتقط معاها ..
ماما هيا : السلام عليكم
حّمود " يقوم ويعنز لها": هلا عليكم السلام ..
ماما هيا: شعلومك يامحمد ؟!!
محمد: بخير الله يعافيك
ماما هيا: منتب رايحٍ معي لعمتك ؟!!
محمد: لا مب رايح .. عندي واجبات ودراسه مابعد خلصتها ..
ماما هيا: طيب .. مارح نطول .. قبل الساعه تسع بنكون هنا ..
محمد: لايمه مابي اروح .. مالي نفس ..
ماما هيا: أفا ياولد راشد .. مالك نفس تشوف عمتك وبنيتها .. ماكان ابوك بقطاع أرحام ..
محمد " وتغارقت عيونه سيل": وهو عشان أبوي مانيب رايح .. الله يخليك يمه لاتظغطين علي .. لارحت واجهت رجلها وقام ينغزني بكلام عند الله خبره .. واللي يرحم والديكم خلوني فحالي ..
أم راشد " بنفس الأسى المعتاد تتمالك نفسها": خلاص ياامك مب لزوم .. ريح عمرك .. وعمتك
بدّك تشوفها إن شاء الله ..
في هاللحظه طقت تاتي الباب عليهم .. تخبرهم إن سيارة حياة عند الباب ..
\
:
" مارح نتخالف إن شاء الله أنت بس شرفني فالمكتب وان شاء مب حاصل إلا اللي يسرك ..
- هجري الله يحفظك "
سكر سماعة التلفون بأريحيه وإبتسامه ملت وجهه للصفقه اللي عقدها تو واللي رح تكسبه ملايين..
كلم حامد وطلبه يجي عنده ب مكتبه البرزخي ..
دق حامد الباب وأذن له سالم بالدخول ..
حامد: سمّ طال عمرك
سالم: ماجا سلمان؟؟
حامد: لأه ماجاش..عاوزني أطلبه ع الجوال ؟؟
سالم: ام لامايخالف .. أكيد شوي ويجي ..أعرفه ولدي مايتأخر على ابوه
حامد: ربنا مايحرمكوش من بعض ..
سالم :اسمع انا بطلع ألحين ولجا سلمان قوله اني طلعت البيت خله يجيني هناك ..وبكره إن شاء الله بيجي عميل جديد يسمى أبو حمد إنتبه له ولجاء على طول تدخله علي..وخلاص قفل الشركه أذن المغرب ..
حامد: إن شاء الله طال عمرك .. هجري خلي بالي..إطمن حضرتك ..
\
:
" بعدما أُسدلت ستائر الظلام "
\
: فطريقهم للكوفي .. منتشين حد العمق بعد ماوقعوا عقودهم .. قرروا يباشرون على طول
دام النشاط فيهم .. كلٍ سرحان فدنياه .. كلٍ له وادي عمقه مختلف ومجراه مختلف عن الثاني ..
فيصل عينه عالدريشه ..يتأمل بإبتسامه فشوارع الرياض الوسيعه ذات البذخ الجميل بكل ماتحويه في كل جزء من أركانها..والتطور الرهيب اللي حصلها في فتره بسيطه جداً..وشكل البدر اللي مره يطلع ومره تخبيه العماير ..
" ياهوه..فيصل وين الدنيا "
قالها سعيد بصوت يرج العظام ..
فيصل : بسم الله الرحمن الرحيم.. الله يخس وجهك يالكلب..
سعيد:ههه ارتعت !!..يالومك داخل جو حظرتك ..وانا من صبح أنادي ولاحولي أحد
فيصل : طيب هاه إخلص وش تبي ؟؟
سعيد: مابي شي ..بس ابي اعلمك اني مستانس ..
فيصل: لاوالله!! .. وش اسوي بك يومك مستانس .. سألتك ماشعورك في هذه اللحظه وانت
ستشتغل قهوجي ؟!!
سعيد: هيهيهي ماعلي منك .. قهوجي قهوجي واللي فراسه شي يجي يقوله
فيصل:ياواد ..مانقدر ع القوه هذي .. نتعب احنا كذا.. بس تصدق أحسن مافيه هالكوفي
إنه مرح يخلونا جراسين نوزع على العالم ..يعني اللي يبي حاجته يجي ياخذها
سعيد : هذي هي ..يعني الحمدلله مارح تفتشل ولاتقول بصير قهوجي!!
فيصل: ههه..إنها علوم ياخوك عسى ربك يعين بس ..
|
:
" والله يابنيتي مدري وين بلحق جزاكم "
قالتها أم راشد لحياة وهي تدافع دموعها وتخنق عبراتها ..
فقالت حياة : أفا عليك ياخاله ..ماسوينا إلا الواجب..تراك والده علينا.. الله لايحرمنا منك
أم راشد: الله يقبل أجركم وانا أمكم ..ويوفقك ويسعدك ووخيانك وعيالي والمسلمين ..
بندر: بشريني ياخاله ..وش صار على راشد ؟؟
أم راشد "بوجع":والله ياوليدي على حطة يدك ماصار شي جديد .. إدعوله ربي يفرج عنه
بندر: الله كريم ياخاله ..ربك قادر على كل شيء .. وأنتي أي شي تبينه ولايبيه محمد تراهي في ذمتك لايردكم إلا لسانكم ..
أم راشد: الله يوفقك ياولدي ويصلحلك النية والذريه ..خيركم سابق وانا امك
\
: بعد ماصلت المغرب .. جلست تقرا مايدتها وتذكر أذكار المساء ..
خلصت من أذكارها وقامت تنسدح على سريرها .. حست بخمول يسري بجسمها ..
تحسست مكان ألمها اليوم لكن الحمد لله هي أحسن ألحين .. هذا هو القولون يهيج وقت الزعل
والألم .. يكره الواحد فحياته بعدين يتلاشى وكأن شيئاً لم يكن ..
حتى نفسيتها غير الظهر ميه وثمانين درجه .. حنان حياة اليوم عليها خلاها تنتشي وتملك الكون ..إتسعت كبر السماء ..وتلونت بلون جوري .. حياه بالنسبه لها رمز الحياه .. رمز الفرح والنقاء.. هي الوحيده الي تقدر بكلمه منهاتعيشها فجنه أو ترميها فجحيم ..
كانت حياة قريبه من مهره حد النفس ..حد العمق ..مهره كانت كتاب مفتوح ومقروء بتفاصيله
قدام حياة .. لكن العكس غير صحيح .. ياما حاولت مهره تقراها أو حتى تتهجاها لكن حياة
أعمق من هذا .. هدوء وسكون مميت يسكن بين ضلوعها .. مشاعرها مغلقه ومتعلقه فيها لوحدها ..دهاليزها وأروقتها مايمشي فيها غيرها ..أحاسيسها مكتوبه لها فقط ..
بس قلب مهره دايم يحس بها إذا صابها شي .. مرضت أو تعبت
أو تألمت أو إهتمت أو إستوجعت .. أحاسيس أخت طلعت للدنيا ماحصلت فوجهها غير حفظ الرحمن ثم رعاية أختها .. دعت الباري يخليها لها ويوفقها ويسعدها كثر مادخلت السعاده فقلوب ناس ..
" مهور .. وين وداك البحر ؟؟" قالتها غاليه وهي تجلس على طرف السرير ..
مهره : هلا ؟؟
غاليه : أقول وين سبحتي فيه .. بحر جده ولابحر الدمام؟؟
مهره: ههه لاذا ولاذا في بر الرياض ..
غاليه : ههه .. تصدقين مهره .. لو خيروني أسكن في جنيف ولا الرياض بسكن هنا !!
مهره : لالا .. معقوله!! .. يقالك وطنيه ألحين!! .. ياعمري غصب من ورا خشمك بتسكنين هنا
لأنك ولافي الحلم أصلا بيخيرونك ..
غاليه:هيهيهيهي بايخه ..بايخه .. ياحبيبتي اللي ماتعرفينه وانا مخبيته عليك خايفةٍ من عيونك لاتنظليني .. إن عندي قصر فيها وفي لندن وفي باريس ووف...
مهره :ههه على هونك على هونك لاتذبحيني بالمفاجأه .. صراحه صدمتيني كل ذاه عندك ولاتقولين!! .. ومخليتنا ننطق كل صيف في السعوديه ..حرام عليك يااشيخه ..
غاليه : قايلتلك خايفةٍ من عينك ولالو على أهلي كان بخليهم يصبحون في ديره ويمسون في ديره ..
مهره : الله من المهايط اللي عندك يذا المره!! .. أقول وش عندك تراك أدوختيني وعطيتك وجه زياده عن اللزوم ..
غاليه :لاه ..أصلا الشرهه مب عليك الشرهه على اللي متعني لك وجايك مرسال ..
مهره " تحاول تداري إهتمامها ": ام يعني انتي جايتني برساله !!
غاليه : ام يقولون ..
مهره : طيب بتقولينها قوليها ماتبين ياللا إقضبي الباب..
غاليه : والله شوفي لو إنه علي كان ماعطيتك وجه لكن عشان وخيي المسيكن وعشانه محلفني
بتكرم وبقول .. ياطويلة العمر نايف يعتذر منك ويقولك السموحه على اللي صار اليوم..
هو يثير جنونه لشاف ذاك الكلب .. ولايمسك أعصابه لشاف أحد من محارمه ..ويقول ترى مايرضى يجي في خاطرك شي من صوبه ..وبس ..
مهره " بحيله ": ووبس
غاليه : وش بعد تبين !!
مهره: ومسويتلي قصه وعرس عشان ذالرساله !!
غاليه :أقول والله إنك ماتستاهلين أحد يعطيك وجه .. خساره أخوي فيك ..
مهره : ههه .. ومن قالك إنه لي أصلا!!
غاليه : ليه أرّبك ماتبينه ؟؟!!
مهره: عندك مانع طال عمرك ؟؟
غاليه : والله لايجيني الطير ويعلمني إنك بتعيين منه إن أدفنك حيه .. معاد بقى إلا هي نايف بن عبدالله ينرد ..
مهره: واو الحميه .. هو لاصار شي يصير خير..
\
: دخلت بيتها وشغالتها وراها .. فيد باق واليد الثانيه الجوال ..
شلت عبايتها وقالتلها تطلعها فوق بعد ماخذت الجوال منها .. تلفتت يمين ويسار في صالة بيتها
الممتلئه والخاويه .. مالقت غير قطع أثاث فخمه بالمعنى باليه بالمضمون ..
جلست على أحد الكنبات في الصاله ودقت على بنتها حنان وحصلتها برا عند صديقتها نوره ..
ودقت على صيته ولقتها فوق فغرفتها تذاكر وقالتلها تنزل تجلس معاها شوي ..
نزلت صيته ومرت المطبخ جابتلها كوب قهوه مع حبتين رطب .. وراحت للصاله اللي فيها أمها .. حبت راسها وجلست جنبها..وقالت أمها ..
حسناء:لاحول كل ذاه قهوه!! حشا وين بترقدين اليوم !!
صيته : لاعادي يمه ..علي كويز بكره وراسي فيه ألم فضيع ..
حسناء : الله يهديك وش حادك على ذالدراسه كلها !!..وش زودك منها ؟!!
صيته : ألحين بدال ماتشجعيني وتدعيلي تقعدين تحبطيني !!
حسناء " بتصريفه ": أقول أبوك وخوانك ماجاو؟؟
صيته : أبوي كني سمعت صوته .. أما سعيد فطالع من قبل المغرب وسلمان مدري عنه ..
حسناء " وهي تقوم": خلاص أجل بروح أشوف أبوك يمكن إنه فوق ..
صيته : ومنزلتني ومعنيتني من فوق عشان تسأليني عن رجلك وعيالك !!!
ماعطتها امها وجه ولقتها ظهرها ووجهت يم الدرج .. وطلعت عتبات الدرج وراسها فوق ..
دخلت غرفتها ولالقته .. دخلت غرفة المكتب وحصلته عند الخزنه وفيده أوراق صكوك وعقود ..طبعا ً ماحس بوجودها ولاإلتفت لها .. قربت كرسي من كراسي المكتب وجلست جنبه ..
فهالثانيه حس بوجودها ..من دون لايوجه يمها قال : خير ..عندك شي
حسناء: ام لا ماعندي شي ..
سالم : طيب وشفيك ناشبةٍ جنبي !
حسناء : لاحول ذاالرجال معاد يدانيني ولايداني قربي .. اعوذ بالله !!..ذي عينٍ صايبتنا
سالم " بهمس": من زين الخشه ينظلونها !!!
حسناء: وشو .. تقول شي ؟؟؟
سالم : ابد سلامتك.. ممكن تخليني لحالي أبي أشتغل على راحتي ..
حسناء: لامانيب مخليتك ..فيه مره تخلي زوجها حبيبها لحاله فغرفتها ..
سالم: الله أكبر.. وش ذاالسنع اللي توه طالع !!..أقول إطلعي ولاجا سلمان خليه يجيني ..
حسناء : الشرهه مب عليك الشرهه على اللي يبي يدلعك أصلاً..
سالم : الله غني منك ومن دلعك ..إقضبي الباب يامال الوجع ..
وتطلع حسناء تسحب وجهها معاها .. رجفت بالباب ورجعت تنزل مره ثانيه بعد مابدلت لبسها
وخففت ماكياجها ..
\
: " قبل صلاة العشاء بدقايق " \
: طلعت حياة من بيت سميره بعد مانزلت امها ولزمت عليها إلا تشرب فنجال قهوه على الأقل..
وماطلعت إلا بعد عهود ومواثيق على إنها تكرر الزياره ..
رجعت سميره للمجلس اللي كان فيه أمها بشوق كبير .. جلست جنبها وخذت بنتها اللي كانت
راقده فحظن جدتها وحطتها على أحد الكنبات الأرضيه ورجعت جنب أمها مره ثانيه ..
قربت صحن الفاكهه بصمت .. وبدت تقطع لأمها تفاحه بسكون .. كنها تحاول تخبي شيء فملامح وجهها .. صمت مستمر مايقطعه غير صوت نحيب التفاحه المسكينه ..
إستغربت أم راشد من هدوء بنتها .. مب العاده تكون بهالسكون لشافتها .. عادتها تشل الأرض بسوالفها لها .. أصلاً من ملامح وجهها حست إن فيها شي تحاول تداريه من دخلت .. ماعجبها الوضع الموجع
فقالت: سميره ياامك فيك شي ؟؟
سميره "وعينها عالتفاحه ..خايفه من تلاقي العيون": أبد سلامتك مافيني إلا العافيه يطولي بعمرك ..
أم راشد: مهب ظني !!.. لاتخليني أحلف ان وراك علم .. قوليلي يابنيتي طلعي من خاطرك
سميره " وتناولها التفاحه":يابنت الحلال مافيني شي .. بس لأني ماقيلت اليوم .." ومحاولة ناجحه للتصريف" إلا يمه محمد وراه ماجا معك ؟؟
أم راشد: عجزت
أيا رياض الحلم كوني بخير محاطه بهالة من النقاء "
\
:
# الجزء الرابع #
\
:
قالها :هاه حياة قالتلك شي اليوم ؟؟
حياة: لا عمي أظن إنها ماجات ماشفتها اليوم ..
عبدالله: أحسن بعد .. تحاشيها كثر ماتقدرين .. هذي من زمان وهي تدور للشر عندنا ...
حياة: أنا أبي أعرف شي واحد بس .. هي ليش مشغلةٍ عمرها فينا .. تقول كن ماعندها
شغله إلا إحنا ..
عبدالله" باهه من قلبه": الله يهدييها ولايشغلها إلا بطاعته ..
حياة: طيب وش أسوي أنا ألحين ؟؟ .. مكتب الإشراف التربوي إذا ماجا اليوم بيجي بكره ..واذا ماجا بكره بيجي بعده لازم نحل الموضوع قبل لايصير شي حنا في غنى عنه ..
عبدالله " وحنان بحجم الكون": لاتحاتين حبيبتي .. مب حاصل إلا اللي يسرك ويرضيك ..
\
:
" غاليه قومي يامال البلا .. والله لو إنك مرتي كان من زمان وانتي فبيت أهلك"
غاليه :لحول يالحسد ياخي تبي ترقد روح ارقد لاتحط حرتك فيني يانويّف !!
نايف: مالت عليك .. لو أبي أرقد ماشاورتك أصلاً .. بسرعه تعاليلي فالملحق عجلي ..
غاليه: نايف والله إني عجزانه قول وش تبي فالتلفون ..
نايف: يارب إرحمني ..حشا بلوه من بلاوي الزمن !!.. داري إن مافيك رجا
وفاقد الأمل إنك تنزلين فبقولك رساله وصليها لمهره ..
غاليه:أيواه قولي من البدايه ماتبيني عشان سواد عيوني!!
نايف: ووش أسوي بسواد عيونك !! عيونك لرجلك مالي دخل فيها .. ولاسواد عيونها
محد يسواه !!
غاليه : ترا وتغزل مجنون ليلي ..
نايف: أقول إخلصي علي بتسمعيني ولا ترى برسلها مسج وبقولها الكلام اللي فخاطري وبخرب الدنيا..
غاليه: لالا الله يرحم والديك .. أعرفك مجنون وتسويها .. هاه وش عندك ؟؟
\
:
" عصر اليوم نفسه "
\
:
فغرفته بعد ماسكر من فيصل خويه وتواعد هو وياه يروحون يوقعون عقودهم
بعد المغرب ..
دخل سعيد ياخذله شاور سريع .. لبس ثوب بني مقلم بخطوط مرتبه ودقيقه حليبية اللون ..
وقف قدام المرايه .. تمعن فوجهه ومرر يده على ذقنه .. تأمله لحظات .. له أسبوعين ماخفف
والعارض مسويه لوجهه هيبه ووسامه زادته جمال .. راح يم السرير وخذ غترته السكريه..
لبسها وعدلها بترتيب .. كشت كم كشته من عطره الجميل على أنحاءلبسه .. وتدهن بدهن العود الفخم على ذقنه وغترته ..
فهاللحظه دق باب غرفته بلحن .. من صوته عرف صاحب اللحن ..
فقال: إدخلي حبيبتي صيته الباب مفتوح ..
صيته " بغنج ": ههه .. ياربي يموت فيني حتى يحس فيني قبل لادخل !!
سعيد " يقلدها": ههه شفتي سمعتهم يقولون القلوب عند بعضها.. تخيلي!!
صيته: ههه .. حبيلك .. "وتنتبه لكشخته " ..الله الله ياأرض أحفظي ماعليكي
..شهالزين سعود بتعرس !!
سعيد: ههه الله يسمع منك .. هااه وش رايك فيني ؟؟
صيته : جد جد تطيح الطير من السما.. إقرا المعوذات سعود ترى مب عايفتك ..
سعيد: ههه طالع هذي مصدقه ..
صيته : والله من جد إحفظ الله يحفظك مب كنت تقوله لي؟؟
سعيد " ويقرص خدها بحنان": فديت عمرها وخيتي ماتنسى الدروس ..
صيته: ههه لاماعليك اللي يجي منك عمري مانساه ..إلا صدق وش عندك وياهالزين كله!!
سعيد: عندي مشوار من أهم المشاوير فحياتي .. به ياأكون أولا أكون ..
صيته "إشتغل عندها الفضول": لا عاد!! وشو تكفى قولي؟؟..
سعيد: ام ماقدر سوسو بعدين أقولك .. إذا جا الوقت المناسب قلتلك .." ويتوجه للباب"..
ياللا مع السلامه وإدعيلي ربي يكتبلي اللي فيه الخير.. ولاتنسين غرفتي رتبيها ياويلك
تخلين الشغاله ترتبها ترى أعرف حركاتك ..
ووصل للباب وقابلته حنان أخته عنده .. هي لما سمعت صوته مع صيته جات ركض للغرفه
..دايم تبي تعرف وش يصير بينهم .. قد تكون غيره أو حسد أو لغرض ثاني فنفسها ..
سلم عليها سعيد بإبتسامته العذبه نزل ووجه للباب على طول لايمين ولايسار ..
ودخلت حنان عند صيته ولقتها ترتب غرفته ..
فقالت: أحلى اثر الحب يسوي بلاوي.. ترتبين غرفته مره وحده !!
صيته "بجفاف": م عندك مانع يالشيخه !!
حنان : الصراحه لا .. إشتغلي ياللا .. " وتناظر الدريشه " ..و لاتنسين الدريشه
هناك فيها غبار مسحيه .. وبعد الحمام غسليه أهم شي ..
صيته " تمسك أعصابها..وبإبتسامة سخريه ": تبين الصراحه حنان .. لعيون سعيد يهون كل شي..حتى لو يبيني أغسل جزمته غسلتها ..
حنان "إنقهرت من كلامها وحستبها تنغزها لصغر عقلها": ههه أصلاً قدرك جزمته يا....
ولا بلاش أحسن ..
وتوجه يم الباب بتطلع ..
صيته : لو سمحتي حنان سكري الباب وراك أبي أشتغل على راحتي من دون عذال ..
وتطلع حنان وترجف بالباب وراها ..
وقعدت صيته ترتب غرفة أخوها بإبتسامة حب ورضى وحنان و كل الكلمات الي تجسد
حب اخت لأخوها اللي ياما إحتواها في عز حاجتها , وياما لمها في بعثرتها ,وياما ضمها وقت ألمها .. ربّاها فصغرها بالرغم من وجود أمها وأبوها الفيسولوجيين فقط .. حماها من الضياع فوقت مراهقتها المجنونه .. حفظها فشبابها وعنفوانه .. سعيد هو كل شي وكل الأشياء بالنسبه
لها .. أم وأبو واخو وأخت ..حنان وعطف ورحمه و مدينه ربيعيه في وقت خريف جاف جدا!!ً أشجارها قلبها وقلبه وبس ..
\
: " صدقيني ياغاليه الفلسفه صناعه باطله وكلها معتقدات خرافيه وضلال في ضلال "
غاليه : يابنت الحلال روقيني !! لو هي باطله مادرسها ابن تيميه ولاالغزالي ولاابن خلدون الله يرحمهم ومن قبلهم الإغريق وكثير غيرهم !!
حياة : ياالله!! .. طيب إفهمي هم وش منهجهم وليش درسوها وبعدين قولي انها مب باطله !!
غاليه " بحماس": طيب هااه وش منهجهم ؟؟ قوليلي يافيلسوفه ..
حياة : أول شيء ماحب احد يناديني بهالاسم .. ثاني شيء .. بالنسبه للإغريق فحسب معلوماتي أول من درسها فيهم سقراط وبعد مادرسها تخيلي وحّد وأيقن بأن فيه إله واحد فقط للكون وخالف قومه في عبادة الأوثان والكل نادا بإعدامه عشانه بس وحّد .. تخيلي هذا الكلام قبل الميلاد .. وقال عنه إبن القيم .. فهو أقرب القوم إلى تصديق الرسل، وكذلك تلميذه أفلاطون كان معروف بالتوحيد ومنكر لعبادة الأصنام، لكنه لم يجاهر قومه بهذا مثل مافعل أستاذه سقراط، فسكتوا عنه وكانوا يعرفون له فضله وعلمه.. لكن بعدهم طلعت الفلسفه وإختلفوا في الوصول للذات الإلهيه .. وإبن تيميه قال إن عندهم علم لاباس فيه في الرياضيات والطبيعيات لكنهم أجهل الناس في الوصول للذات الإلهيه اللي هي موضوع الفلسفه ومركز الأصل ..بل إن اليهود والنصارى أعلم منهم فيه!! .. وابن تيميه درس علم الفلسفه عشان يبين مدى بطلان هذا العلم وليس للبحث عن الحقيقه أو في نفسه أي شك ..وهو بذلك يختلف عن الغزالي رحمه الله اللي جرد نفسه من كل شيء وخلى الشك مبدأه للوصول للحقيقه لكن بعد ماتعمق فهذا العلم عرف مدى بعده عن الحقيقه ووحاربه وكتب ليبين مدى بطلانه وبعده عن الحق ..أما ابن خلدون فقال ان الفلسفه صناعه باطله لأن الفلاسفه يدّعون معرفتهم لكل شيء والكون أكبر من أن يحاط به !!.
فغرت عيون غاليه ومهره اللي كانت جالسه معاهم جنب أختها.. فقالت مهره وهي تربت على كتف حياة ..
مهره: عاشوا .. " وتشر على حياة بفخر".. أختي هذي!!
غاليه : ههه حشى حياة مهب كلمةٍ قلناها .. هبيتي فينا .. مشاء الله عليك محد يناقشك ..
حياة : ههه أجل وش.. ماالعب أنا !!
مهره: تصدقين حياة يعجبني فيك ثقافتك ..عندك علم بكل شي قاعد يدور حولك..
غاليه : ههه جاتني الثانيه !! .. أبداً لاتخافين تراك مب بعيده منها ..
مهره " بنظرة إستجداء لأختها": فديت عمرها .. محد رباني إلا هي ..
إكتفت حياة بإبتسامه ملت محياها وبوسه على خد أختها فجأه!! .. الأمر اللي رجع لمهره روحها اللي كادت تفقدها ..وعادلها نفس الحنين اللي ياما لعب فقلبها !!!
غاليه : لالا مانقدر على كذا .. كدا كتير أوي ... حرام عليكم راعوا مشاعري قدامكم جالسه
وانتوا قاعدين توزعون بوسات ونظرات حالمه ولاتعبروني !!
حياة " تغمزلها": أبداً ماينخاف عليك .. عندك مايسدك ..
غاليه : يوه ذكرتيني .. تخيلوا يابنات بيطلع البر وبيخليني !!
مهره : لا عاد ماله حق .. يروح ويخليك مره وحده !! اخ ماش اخوي مايعرف الذوق ..
غاليه " تنطل عليها المخده " : مالت عليك تاخذيني على قد عقلي !!
حياة: وهي صادقه مهره .. وش تبينه يزبعك معه وين ماراح !!
غاليه : مااعلي منه .. أصلا قالي وزعلت ..ماتشوفوني نازله بدري اليوم ..
مهره: اها قوليلي .. أقول شعندها متكرمه علينا ..
وفهاللحظه دخلوا عليهم جدتهم وام نايف .. وقامت مهره تجيب القهوه والقدوع ..
" أثناء القهوه "
حياة: يمه غاليه ترى بروح اليوم لخالتي ام راشد بوديها لبنتها ..
أم عبدالله : روحي الله يقبل أجرك يامويمتك ..
أم نايف : إلا صدق شلون ولدها لذلحين على حااله ؟؟
حياة : ايه والله يخاله الله يفك ضيقته ويفرج عليه ..
أم عبدالله :آآمين الله يقر عين مويمته به ..
حياة " تكلم مهره": سلطان موجود ؟؟
مهره : ام ماظن أرسل لي رساله الظهر بعد ماجيت من الكليه قالي بيروح المزرعه العصر ..عاد مدري هو راح ولالا..دقي عليه وتأكدي ..
ام نايف: لالا سلطان مب هنا .. راح المزرعه مع عمه .. خلي بندر يوديك ولانايف..
حياة : خير ان شاء الله
\
: ركن سيارته فأقرب موقف عند الخطوط السعوديه.. نزل بعنجهيته .. دخل المكتب سلم على المدير..كانت معرفته فيه قويه حيل بحكم كثر سفرياته .. وفثواني أنهى أموره وطلع
بتذاكره معاه .. انتابه خوف بسيط من ابوه لكن سرعان ماتبخر من تذكر الوناسه أو بالأحرى الصياعه اللي منتظرته يوم الخميس !!
\
:
قال " بغطرسه من دون لايطالعها": هيه تراني بسافر يوم الخميس ..
قالت " والمفاجأه خذت مجراها فمحياها": وين؟!!!
قال: وانتي وش دخلك.. ماقلتلك أشاورك بس أحط عندك خبر ..
قالت "ودمعتها متعلقه فأطرف رمشه": حرام عليك ومن بتخلينا له !!.. شوف حالنا كل ماسافرت شلون يصير ..
قال: أبداً ماعليكم شر.. تبين تروحين عند أمك ولابيت أهلي روحي ..
قالت " بحسره": زيد أخو عبيد .. يعني عند امي ولاعند اهلك زود عن هنا !!
قال " يتدارك إهتمامه": ام مدري بس يمكن ترتاحين أكثر هناك .. هناك محمد ولد راشد بينفعكم أكيد..
\
:
"في وقت تتصارع فيه الشمس مع السماء "
\
:
ف أحد بقايا أشلاء البيوت .. فأحد الأحياء القديمه .. فبيت شعبي وصل عمره حد البلاء .. وغلافه وصل حد الرثاثه ..
جالسه أحد أطيب نساء العالم فمجلسها .. وعصاها جنب رجولها ..
جات الشغاله "تاتي" وحطت إبر الإنسولين والحبوب فالشنطه حقتها .. وقربت عبايتها لها ..
وقالت "تاتي": ماما همود يقول مايبي يروه ,،
فقالت الماما : لحول ولاقوة إلا بالله .. ووش فيه مايبي يروح الله يهديه ؟؟
تاتي: مادري .. انا في قول ماما هيا في إبقى ..هو في قول إنقلأي !!
ماما هيا "تبتسم بعطف": خلاص أنا بروح أشوفه ..تعالي عنزيلي ..
وتقرب منها الشغاله وتناولها عصاها وتمسكها مع يدها .. راحت هي وياها يم غرفة حّمود ..
دخلت ماما هيا وصرفت الشغاله اللي كانت تبي تدخل وتقط معاها ..
ماما هيا : السلام عليكم
حّمود " يقوم ويعنز لها": هلا عليكم السلام ..
ماما هيا: شعلومك يامحمد ؟!!
محمد: بخير الله يعافيك
ماما هيا: منتب رايحٍ معي لعمتك ؟!!
محمد: لا مب رايح .. عندي واجبات ودراسه مابعد خلصتها ..
ماما هيا: طيب .. مارح نطول .. قبل الساعه تسع بنكون هنا ..
محمد: لايمه مابي اروح .. مالي نفس ..
ماما هيا: أفا ياولد راشد .. مالك نفس تشوف عمتك وبنيتها .. ماكان ابوك بقطاع أرحام ..
محمد " وتغارقت عيونه سيل": وهو عشان أبوي مانيب رايح .. الله يخليك يمه لاتظغطين علي .. لارحت واجهت رجلها وقام ينغزني بكلام عند الله خبره .. واللي يرحم والديكم خلوني فحالي ..
أم راشد " بنفس الأسى المعتاد تتمالك نفسها": خلاص ياامك مب لزوم .. ريح عمرك .. وعمتك
بدّك تشوفها إن شاء الله ..
في هاللحظه طقت تاتي الباب عليهم .. تخبرهم إن سيارة حياة عند الباب ..
\
:
" مارح نتخالف إن شاء الله أنت بس شرفني فالمكتب وان شاء مب حاصل إلا اللي يسرك ..
- هجري الله يحفظك "
سكر سماعة التلفون بأريحيه وإبتسامه ملت وجهه للصفقه اللي عقدها تو واللي رح تكسبه ملايين..
كلم حامد وطلبه يجي عنده ب مكتبه البرزخي ..
دق حامد الباب وأذن له سالم بالدخول ..
حامد: سمّ طال عمرك
سالم: ماجا سلمان؟؟
حامد: لأه ماجاش..عاوزني أطلبه ع الجوال ؟؟
سالم: ام لامايخالف .. أكيد شوي ويجي ..أعرفه ولدي مايتأخر على ابوه
حامد: ربنا مايحرمكوش من بعض ..
سالم :اسمع انا بطلع ألحين ولجا سلمان قوله اني طلعت البيت خله يجيني هناك ..وبكره إن شاء الله بيجي عميل جديد يسمى أبو حمد إنتبه له ولجاء على طول تدخله علي..وخلاص قفل الشركه أذن المغرب ..
حامد: إن شاء الله طال عمرك .. هجري خلي بالي..إطمن حضرتك ..
\
:
" بعدما أُسدلت ستائر الظلام "
\
: فطريقهم للكوفي .. منتشين حد العمق بعد ماوقعوا عقودهم .. قرروا يباشرون على طول
دام النشاط فيهم .. كلٍ سرحان فدنياه .. كلٍ له وادي عمقه مختلف ومجراه مختلف عن الثاني ..
فيصل عينه عالدريشه ..يتأمل بإبتسامه فشوارع الرياض الوسيعه ذات البذخ الجميل بكل ماتحويه في كل جزء من أركانها..والتطور الرهيب اللي حصلها في فتره بسيطه جداً..وشكل البدر اللي مره يطلع ومره تخبيه العماير ..
" ياهوه..فيصل وين الدنيا "
قالها سعيد بصوت يرج العظام ..
فيصل : بسم الله الرحمن الرحيم.. الله يخس وجهك يالكلب..
سعيد:ههه ارتعت !!..يالومك داخل جو حظرتك ..وانا من صبح أنادي ولاحولي أحد
فيصل : طيب هاه إخلص وش تبي ؟؟
سعيد: مابي شي ..بس ابي اعلمك اني مستانس ..
فيصل: لاوالله!! .. وش اسوي بك يومك مستانس .. سألتك ماشعورك في هذه اللحظه وانت
ستشتغل قهوجي ؟!!
سعيد: هيهيهي ماعلي منك .. قهوجي قهوجي واللي فراسه شي يجي يقوله
فيصل:ياواد ..مانقدر ع القوه هذي .. نتعب احنا كذا.. بس تصدق أحسن مافيه هالكوفي
إنه مرح يخلونا جراسين نوزع على العالم ..يعني اللي يبي حاجته يجي ياخذها
سعيد : هذي هي ..يعني الحمدلله مارح تفتشل ولاتقول بصير قهوجي!!
فيصل: ههه..إنها علوم ياخوك عسى ربك يعين بس ..
|
:
" والله يابنيتي مدري وين بلحق جزاكم "
قالتها أم راشد لحياة وهي تدافع دموعها وتخنق عبراتها ..
فقالت حياة : أفا عليك ياخاله ..ماسوينا إلا الواجب..تراك والده علينا.. الله لايحرمنا منك
أم راشد: الله يقبل أجركم وانا أمكم ..ويوفقك ويسعدك ووخيانك وعيالي والمسلمين ..
بندر: بشريني ياخاله ..وش صار على راشد ؟؟
أم راشد "بوجع":والله ياوليدي على حطة يدك ماصار شي جديد .. إدعوله ربي يفرج عنه
بندر: الله كريم ياخاله ..ربك قادر على كل شيء .. وأنتي أي شي تبينه ولايبيه محمد تراهي في ذمتك لايردكم إلا لسانكم ..
أم راشد: الله يوفقك ياولدي ويصلحلك النية والذريه ..خيركم سابق وانا امك
\
: بعد ماصلت المغرب .. جلست تقرا مايدتها وتذكر أذكار المساء ..
خلصت من أذكارها وقامت تنسدح على سريرها .. حست بخمول يسري بجسمها ..
تحسست مكان ألمها اليوم لكن الحمد لله هي أحسن ألحين .. هذا هو القولون يهيج وقت الزعل
والألم .. يكره الواحد فحياته بعدين يتلاشى وكأن شيئاً لم يكن ..
حتى نفسيتها غير الظهر ميه وثمانين درجه .. حنان حياة اليوم عليها خلاها تنتشي وتملك الكون ..إتسعت كبر السماء ..وتلونت بلون جوري .. حياه بالنسبه لها رمز الحياه .. رمز الفرح والنقاء.. هي الوحيده الي تقدر بكلمه منهاتعيشها فجنه أو ترميها فجحيم ..
كانت حياة قريبه من مهره حد النفس ..حد العمق ..مهره كانت كتاب مفتوح ومقروء بتفاصيله
قدام حياة .. لكن العكس غير صحيح .. ياما حاولت مهره تقراها أو حتى تتهجاها لكن حياة
أعمق من هذا .. هدوء وسكون مميت يسكن بين ضلوعها .. مشاعرها مغلقه ومتعلقه فيها لوحدها ..دهاليزها وأروقتها مايمشي فيها غيرها ..أحاسيسها مكتوبه لها فقط ..
بس قلب مهره دايم يحس بها إذا صابها شي .. مرضت أو تعبت
أو تألمت أو إهتمت أو إستوجعت .. أحاسيس أخت طلعت للدنيا ماحصلت فوجهها غير حفظ الرحمن ثم رعاية أختها .. دعت الباري يخليها لها ويوفقها ويسعدها كثر مادخلت السعاده فقلوب ناس ..
" مهور .. وين وداك البحر ؟؟" قالتها غاليه وهي تجلس على طرف السرير ..
مهره : هلا ؟؟
غاليه : أقول وين سبحتي فيه .. بحر جده ولابحر الدمام؟؟
مهره: ههه لاذا ولاذا في بر الرياض ..
غاليه : ههه .. تصدقين مهره .. لو خيروني أسكن في جنيف ولا الرياض بسكن هنا !!
مهره : لالا .. معقوله!! .. يقالك وطنيه ألحين!! .. ياعمري غصب من ورا خشمك بتسكنين هنا
لأنك ولافي الحلم أصلا بيخيرونك ..
غاليه:هيهيهيهي بايخه ..بايخه .. ياحبيبتي اللي ماتعرفينه وانا مخبيته عليك خايفةٍ من عيونك لاتنظليني .. إن عندي قصر فيها وفي لندن وفي باريس ووف...
مهره :ههه على هونك على هونك لاتذبحيني بالمفاجأه .. صراحه صدمتيني كل ذاه عندك ولاتقولين!! .. ومخليتنا ننطق كل صيف في السعوديه ..حرام عليك يااشيخه ..
غاليه : قايلتلك خايفةٍ من عينك ولالو على أهلي كان بخليهم يصبحون في ديره ويمسون في ديره ..
مهره : الله من المهايط اللي عندك يذا المره!! .. أقول وش عندك تراك أدوختيني وعطيتك وجه زياده عن اللزوم ..
غاليه :لاه ..أصلا الشرهه مب عليك الشرهه على اللي متعني لك وجايك مرسال ..
مهره " تحاول تداري إهتمامها ": ام يعني انتي جايتني برساله !!
غاليه : ام يقولون ..
مهره : طيب بتقولينها قوليها ماتبين ياللا إقضبي الباب..
غاليه : والله شوفي لو إنه علي كان ماعطيتك وجه لكن عشان وخيي المسيكن وعشانه محلفني
بتكرم وبقول .. ياطويلة العمر نايف يعتذر منك ويقولك السموحه على اللي صار اليوم..
هو يثير جنونه لشاف ذاك الكلب .. ولايمسك أعصابه لشاف أحد من محارمه ..ويقول ترى مايرضى يجي في خاطرك شي من صوبه ..وبس ..
مهره " بحيله ": ووبس
غاليه : وش بعد تبين !!
مهره: ومسويتلي قصه وعرس عشان ذالرساله !!
غاليه :أقول والله إنك ماتستاهلين أحد يعطيك وجه .. خساره أخوي فيك ..
مهره : ههه .. ومن قالك إنه لي أصلا!!
غاليه : ليه أرّبك ماتبينه ؟؟!!
مهره: عندك مانع طال عمرك ؟؟
غاليه : والله لايجيني الطير ويعلمني إنك بتعيين منه إن أدفنك حيه .. معاد بقى إلا هي نايف بن عبدالله ينرد ..
مهره: واو الحميه .. هو لاصار شي يصير خير..
\
: دخلت بيتها وشغالتها وراها .. فيد باق واليد الثانيه الجوال ..
شلت عبايتها وقالتلها تطلعها فوق بعد ماخذت الجوال منها .. تلفتت يمين ويسار في صالة بيتها
الممتلئه والخاويه .. مالقت غير قطع أثاث فخمه بالمعنى باليه بالمضمون ..
جلست على أحد الكنبات في الصاله ودقت على بنتها حنان وحصلتها برا عند صديقتها نوره ..
ودقت على صيته ولقتها فوق فغرفتها تذاكر وقالتلها تنزل تجلس معاها شوي ..
نزلت صيته ومرت المطبخ جابتلها كوب قهوه مع حبتين رطب .. وراحت للصاله اللي فيها أمها .. حبت راسها وجلست جنبها..وقالت أمها ..
حسناء:لاحول كل ذاه قهوه!! حشا وين بترقدين اليوم !!
صيته : لاعادي يمه ..علي كويز بكره وراسي فيه ألم فضيع ..
حسناء : الله يهديك وش حادك على ذالدراسه كلها !!..وش زودك منها ؟!!
صيته : ألحين بدال ماتشجعيني وتدعيلي تقعدين تحبطيني !!
حسناء " بتصريفه ": أقول أبوك وخوانك ماجاو؟؟
صيته : أبوي كني سمعت صوته .. أما سعيد فطالع من قبل المغرب وسلمان مدري عنه ..
حسناء " وهي تقوم": خلاص أجل بروح أشوف أبوك يمكن إنه فوق ..
صيته : ومنزلتني ومعنيتني من فوق عشان تسأليني عن رجلك وعيالك !!!
ماعطتها امها وجه ولقتها ظهرها ووجهت يم الدرج .. وطلعت عتبات الدرج وراسها فوق ..
دخلت غرفتها ولالقته .. دخلت غرفة المكتب وحصلته عند الخزنه وفيده أوراق صكوك وعقود ..طبعا ً ماحس بوجودها ولاإلتفت لها .. قربت كرسي من كراسي المكتب وجلست جنبه ..
فهالثانيه حس بوجودها ..من دون لايوجه يمها قال : خير ..عندك شي
حسناء: ام لا ماعندي شي ..
سالم : طيب وشفيك ناشبةٍ جنبي !
حسناء : لاحول ذاالرجال معاد يدانيني ولايداني قربي .. اعوذ بالله !!..ذي عينٍ صايبتنا
سالم " بهمس": من زين الخشه ينظلونها !!!
حسناء: وشو .. تقول شي ؟؟؟
سالم : ابد سلامتك.. ممكن تخليني لحالي أبي أشتغل على راحتي ..
حسناء: لامانيب مخليتك ..فيه مره تخلي زوجها حبيبها لحاله فغرفتها ..
سالم: الله أكبر.. وش ذاالسنع اللي توه طالع !!..أقول إطلعي ولاجا سلمان خليه يجيني ..
حسناء : الشرهه مب عليك الشرهه على اللي يبي يدلعك أصلاً..
سالم : الله غني منك ومن دلعك ..إقضبي الباب يامال الوجع ..
وتطلع حسناء تسحب وجهها معاها .. رجفت بالباب ورجعت تنزل مره ثانيه بعد مابدلت لبسها
وخففت ماكياجها ..
\
: " قبل صلاة العشاء بدقايق " \
: طلعت حياة من بيت سميره بعد مانزلت امها ولزمت عليها إلا تشرب فنجال قهوه على الأقل..
وماطلعت إلا بعد عهود ومواثيق على إنها تكرر الزياره ..
رجعت سميره للمجلس اللي كان فيه أمها بشوق كبير .. جلست جنبها وخذت بنتها اللي كانت
راقده فحظن جدتها وحطتها على أحد الكنبات الأرضيه ورجعت جنب أمها مره ثانيه ..
قربت صحن الفاكهه بصمت .. وبدت تقطع لأمها تفاحه بسكون .. كنها تحاول تخبي شيء فملامح وجهها .. صمت مستمر مايقطعه غير صوت نحيب التفاحه المسكينه ..
إستغربت أم راشد من هدوء بنتها .. مب العاده تكون بهالسكون لشافتها .. عادتها تشل الأرض بسوالفها لها .. أصلاً من ملامح وجهها حست إن فيها شي تحاول تداريه من دخلت .. ماعجبها الوضع الموجع
فقالت: سميره ياامك فيك شي ؟؟
سميره "وعينها عالتفاحه ..خايفه من تلاقي العيون": أبد سلامتك مافيني إلا العافيه يطولي بعمرك ..
أم راشد: مهب ظني !!.. لاتخليني أحلف ان وراك علم .. قوليلي يابنيتي طلعي من خاطرك
سميره " وتناولها التفاحه":يابنت الحلال مافيني شي .. بس لأني ماقيلت اليوم .." ومحاولة ناجحه للتصريف" إلا يمه محمد وراه ماجا معك ؟؟
أم راشد: عجزت
بدأت أخرج مع امرأة غير زوجتي→
بس ياليت تقوليلي متى تنزلي البارتات
مشكوره