قبل لا تشترين شنطة ماركه وينصب عليك ادخلي هنا

اهلين فراشات
طبعا لاني اشوف المنتدى مليان نصابات
للاسف ناس جشعه ماتخاف الله
كثرت مواضيع بيع اشياء ماركه اصليه <<<< وهي للاسف تقليد سواء شنط او ساعات او بلايز او غيره
فحبيت اعطيكم كذا كم خطوة تسوينها قبل لا تشترين ماركه من النت
7
7
7
7
1 - تاكدي ان الصور واضحه وضوح الشمس
2- اطلبي صور لنفس القطعه اللي راح تشترينها مو تعطيك صور من النت
3- اطلبي صور لكذا ناحيه من القطعه وخصوصا اذا شنطه خليها تصورها لكي من داخل ومن كل الجهات
4- اطلبي صور من داخل الشنطه لارقام الكود او السيريال نمبر ( طبعا اذا تقليد في الغالب ماراح يكون موجود )
5- طبعا الحين المقلد بدوا يسون السيريال نمبر من داخل فاطلبي منها تعطيك الارقام وكلفي على نفسك شوي قبل لا تخسرين فلوسك واتصلي على محل نفس الماركه وممكن تخلينهم يتاكدون لك من الرقم اذا صحيح او لا
6- خذي صور القطعه اللي راح تشترينها ووديها لنفس محل الماركه وشوفي اذا الموديل موجود عندهم او لا
والمحلات عارفه موديلات الماركه تبعهم وراح يعلمونك
7- ممكن تاخذين الصورة والكود وترسلين رساله الى نفس الشركة المصنعه للماركه عن طريق موقعهم بالنت وتتاكدين بنفسك
&&في الغالب اذا البياعه نصابه راح تكون مستعجله بالبيعه
&& في الغالب راح تكون القطعه بدون كرت الضمان او بدون العلبه والتعذر انها ضايعه فماله داعي تخاطرين بمالك
&&راح تكون الصور مو واضحه وراح تتعذر باعذار واهيه بس ماراح تاخذين منها صور كثيرة وواضحه
&&بتصير هي اللي ترسلك مستعجله البيعه وتتعذر انو وراها سفر ومحتاجه
&&راح تخفض لك في السعر كثير ومن تشوفين ذي الحركه اعرفي على طول انها نصابه و<<حطي رجلك
&&هذا مجهود متواضع مني واتمنى يتثيت الموضوع واللي عندها اضافات تفيدنا وياريت احدى المشرفات تاخذ المفيد من موضوعنا ويتسوى موضوع مثبت دائم باسم المشرفه