قروب دلوعه من اليأس وحتى النجاح بإذن الله نحو رشاقة دائمة

1. 12×12

حبيت اشارك كل البنات ... اللي قروا تجربتي في المسيرة الثانية من النصف الثاني من تحقيق الهدف ...
وزني بتاريخ 15-4-2009 ( 124):ق1:
وزني بتاريخ 20-10-2009 (103 ) :ق1:
وزني اليوم 23-10-2009 ( 102 ) واحمد الله على النزول ...
بنات هذا المطلوب تحضيرة لبداء الرحلة ... بسم الله نبداء ...
التعليمات :
1- هاتي دفتر صغير .. تبع المدارس وقلم رصاص
2-اختاري الرجيم اللي تحسين انج راح تستمرين عليه ..
3-جهزي لج جوتي وملابس رياضية
4-طلعي كل الجبسات والحلويات من غرفة النوم ومن البيت نهائي
5-جهزي لج بعض الخلطات الخاصة بالتجميل والعناية
نبداء بسم الله ....
الدفتر والقلم سوي مثل ما انا سويت وراح اعرض لكم دفتري ..
1- حددي الايام يعني انا حددت من 20/10/2009 ولحد 20/1/2010م ( 3 اشهر بالضبط ) عدد الايام ( 92 ) يوم
وزعت كل الايام على الصفحات - حددت الاجازات الاسبوعية - حددت اوقات العيد والاجازات - حددت المناسبات اللي بتمر - حددت بعض الاعمال اللي لازم اسويها .
2- رسمت صورة لجسمي او قريبه لجسمي وحددت المناطق اللي لازم اشتغل عليها ( سمار تحت الابط .. سمار بين الفخذين .. شعر تعبان .. ترهل اسفل اليد .. تحديد الخصر .. ترهل الاوراك .. وسجلت كل شيء على الصورة وكل هذا بالرصاص عشان بين فترة اشيك واكتب اخر المتسجدات وشو حصلت من علاجات وممكن اطبقها مع الاحتفاظ بالخلطات وكتابتها اول بول ونتيجة التجربة ... وهذا كله عشان استفيد قبل لا غيري يستفيد )
3-اخترت الرجيم - رجيم الاخت اندومي بالشطة لعدة اسباب وياريت تفهموني يابنات .. انا سويت رجيم معتدل ونظامي لمدة طويلة يعني من شهر 4 الين شهر 10 والحمدالله نزلت تقريباً كل شهر 5 كيلو وهذي نعمة ... وزني وقف وعشان جذه حبيت اسوي رجيم سريع لمدة 12 يوم وهذا اللي حرك وزني .. بس حطيت عليه اضافاتي وراح اكتبها لكم بالتفصيل ..
الريجم هو

12×12

3 ايام فواكة - عصاير وسلطات بدون سكر وتبتعدين عن ( الموز،التين ، العنب، التمر او البلح ، المنجا )والباقي انتي حره فيهم ...
3 ايام خضار - شوربات بدون ماجي وتقليل الملح حطي ليمون .. وفلفل اسود .. صينية خضار .. وخضار مسلوق وسلطات اللي ودك فيه ماعدا ( البقوليات ، الافكادو، الجزر ،والبطاطا ) ممكن تاكلين 2 حجم متوسط على الغداء مشويات او مسلوقات بفلفل اسود + ملح خفيف ..
3 ايام البان -يفضل اما قليل الدسم او خالي الدسم .. اجبان ، البان ، حليب ، كل شيء بدون استثناء
3 ايام لحوم ، دجاج ، مرتديلا ، اسماك ، جمبري .. يفضل في اللحوم البقر والابل لانهم الاقل في الدهن .. الدجاج يفضل الصدر لانه اقل في الدهن ، الديك الرومي والبابروني حاولي تشوفي القليل الدسم والتونه افصليها عن الزيت ... دائماً مشوي او مسلوق .. دائماً استخدمي الليمون ومنكهات الطعام وابدعي في الاكل ...
اليوم 13 فري وكلي فيه باعتدال ... انا خليته لعزومة زوجي لمن بنطلع ان شاء الله
وعقبها ناوية ارد للرجيم وراح احط لكم شو احساسي اليوم بس بعد مانكمل التعليمات ...
اهم شيء اهم شيء ياحلوات ..
الماء ..... لازم تشربين لترين في اليوم ... نعم لترين .... تدرون ليش ...
يحتاج الانسان البالغ عشان يحرق 1000 سعرة لتر ماء يومياً وقيسي على نفسك ... يعني انا وزني فوق لمية ... فاشرب 2 لتر .. شفتوا الفرق بين اللحين وقبل .. كان 5 كوب طول الاسبوع ..
وفي معلومه ثانيه جداً مفيده ... شرب 3 اكوب من الشاي الاخضر يحرق 200 سعرة وفي مكان اخر قريت 800 وفي مكان 5 بس .. اللي استنتجته انه مفيد ويسوي شيء ... عشان جذه صار لي اسبوع وغيرت النسكافيه الى الشاي الاخضر وتقريباً من 2 الى3 اكواب يومياً حسب الحاجه ..
4- سويت جدول مقسم لقياسات الجسم .. ( الصدر .. الخصر .. الارداف ) وخليت لي مواعيد محدده ثانية للقياس ..
5- حددت ايام قياس الوزن .. على الدفتر وراح يكون يوم الجمعة بعد صلاة الفجر ... افضل وقت ...
6- الرياضة ... قبل ماسويت اي رياضة لانه الدكتور قالي لاتسوين ... انتي جسمج وايد ثقيل ... امشي عادي واطلعي الدرج 10 مرات في اليوم وبس ... وهو مفيد لصحتج مش سبب لتخفيف
7-جهزت لي جدول للعناية الخاصة بنفسي ...
كل اسبوع حمام مغربي -+ قناع لكامل الجسم يطري وينعم + حف الجسم اذا محتاجة
كل 3 ايام سكراب للوجه مع وضع ماسك
الشعر ادهنه اسبوعياً لمدة 2 ساعة واغسله وبس
هذي الاساسيات عشان تصير جدول دائم .. خفيف ويفي بالغرض
اللحين نبداء بسم الله ....
اللي ودها تسجل ... ياريت تكتب شو سوت او شو بتسوي ..
انا راح ابداء
وزني : 102
طولي : 165
الرجيم : رجيم الاخت اندومي بالشطة
الرياضة : المشي نصف ساعة يومياً + الاروبت تراك
بعض التمرينات المتفرقه
المساعدات : ماء ثم ماء ثم ماء وابا اوصلهم 3 لتر ،شاي اخضر ، ينسون ، قرفة ، نعناع ، شمر
الممنوعات : عدم الكسل ، عدم التراجع ، عدم الاستماع للغير ، اخبار اي حد بموضوع الرجيم الا لتفيدينهم بس ....
واتمنى اشوف مشاركاتكم وحمساكم معاي ... بداية الرحلة ...
بسم الله بدانا ...
ملاحظة : ... انسي موضوع يوم السبت .. او موضوع ببدى باجر ... اليوم وبس ... خففي وامشي ومن بكرة اختاري رجيم وابدي ..