قريتها بشريط قناة المجد وجربتها مع اضافاتي روعة

1. نص كوب زيت الجلسرين


2. ملعقة كبيرة زيت الجوجوبا-يمكن الاستغناء عنه-

السلام عليكم بنات أنا من كثر ماأستخدم فير السيراميك(الستريتر) تلف شعري وقام مايستوي فيه ويتعكرش بسرعة يفشلني يعني شعري احترق وانعدم فقررت اني اعالجه وبالذات أبيه يطول وذاك اليوم مجابله قناة المجد للأطفال ووحدة الله يعافيها من غير اسم ولا لقب ماأعرفها حسافة كان كتبت اسمها جزاها الله خير قالت اللي تبي شعرها يطول بسرعة تحط فنجان محلب مع زيت زيتون أو زيت سمسم أو أي زيت مرتين بالاسبوع فقط.. المهم أنا الحين أقولكم المقادير بالظبط ثم النتايج طبعا بعد استعمال واحد والله :
فنجان محلب
فنجان حلبة مجروشة وليست مطحونه -علشان الريحة ومايبقى أثرها بالشعر مثل الرمل-
نص كوب زيت الخروع

نص كوب زيت الجلسرين

ملعقة كبيرة زيت الجوجوبا-يمكن الاستغناء عنه-

وخليه بعلبة عندج أنا حطيته بعلبة عصير الفراولة المراعي واستخدمي الخلطة على طول بس رجي العلبة قبل الاستخدام علشان المكونات راح تكون عازلة عن بعض وحطي فقط عالجذور وطرف شعرك اللي يصير مثل السيم وتمي فيه موأقل من ساعة _أنا أحطه وأشتغلت بالبيت ساعتين وغسلته قبل لايجي زوجي وطلعت من الحمام وخليته _ خليته بدون مشط ولا تسريح فقط بالهواء الطلق علشا ماتطلع فيه ريحة خمرة وموزينه بس لما نشف وهو ياحليله على حطته ولا العادة أصير شمس الشموس عاد أنا ماصدقت خليته بس استشورت قذلتي وصار الباقي كيرلي وكشخت جدام أبو العيال لأول مرة بدون استشوار فقط القذلة
بنات الله يخليكم نقلوها على كيفكم بس الله يخليكم أمانة تقولون انها هالخلطة من فرشي التراب ولاتنسبونها لنفسكم ولا ترا ماراح أسامحكم
وطلب أخير <<<<<<مصختها صح.....
أبيكم تدعون ان الله يشافيني من كل داء ويجعلني رشيقة ويخليني لعيالي ولايعوزهم لأحد