قسم علم النفس في الشرقيه

شوفي علم نفس ما ادري ما سمعت انه فيه بجامعة الملك فيصل على ان الاقسام القديمه فتحوها دفعة 2004 ما كان في الا انجليزي وعربي وسلامتك وبعدها فتحوا رياض اطفال وتعليم خاص الحين لا اغلب الاقسام مفتوحه لكن النسبه الله يعينك ما ينفع اي كلام وكثير لاعبين بالواسطات

يعطييك العافيه اختي خياال الكوون ماقصرتي
وانتظر البقيه

اللي اعرفه ان علم نفس الاحسا مقفل من له كم سنه واتوقع فيه علم نفس بالدمام ..
لان على دفعتي قبل سنتين يوم بغيت اسجل بهالقسمماكان فيه الا بالدمام

مرحبا غاليتي..
مافيه الا بالاحسا ويبيله نسبه حلوه واكيد الاغلبيه بيكون لبنات الاحساء اول وانا سمعت انه مهوب علم نفس بعد علم اجتماع يعني يختلف شوي وكني سمعت انه تقفل هالقسم بس فيه بنت قالت لي بيفتحون تخصصات جديده بكلية التربيه بالجبيل ومن ضمنها قسم علم النفس وترى زي ماقلت لك مثل هالكليات صعبه وغالبا والاولويه بتكون لبنات الجبيل اول بعدين بيفكرون ببنات الباقيات اتمنى اني اكون افدتك اختي بس لا تاخذين على كلامي انا متأكده الا شوي هالكلام الي قلته كله سامعته من البنات والله اعلم دقي على جامعة الملك فيصل واستفسري منهم اضمن او روحي لهم شخصيا لانهم ماراح يردون على اتصالاتك ..
تحياتي..

يعطيكم العافيه جميعا
الله يسعدكم ويوفقكم ويحقق لك الي تبونه
اختي حمالة الآسيه الله يبشرك بالخير انا من بنات الجبيل وان شاء الله يكون على وجهي خير يارب
واتمنى الي عندها معلومات انها تفيدني ..
تحياتي لكم

انا سمعت انه بالجبيل راح يفتحون قسم علم نفس بس ان شاء الله ننقبل

انا سمعت بعد
بس اتمنى انه صحيح موب اشاعه
لان كثرت الاشاعات حول الاقسام المفتوحه عندنا بالجبيل
والله يوفقنا يارب