قصائد زفات مجانية خاصة من تعب قلبي

اهداء من اخت المعرس --------------------
للعيد فرحة بس انا فرحتي غير
ومشاعري يحتار فيها لساني
من السعادة و الفرح ودي اطير
واملا سكون الليل حب و اغاني
و اقول باعلى صوت و احلى تعابير
مبرووك مع سامي واحر التهاني
لمحمد و فطوم سيد الغنادير
عسا الحياة تدوم حب وحناني
مبروك يا محمد وتستاهل الخير
يا محقق ن بايديك حلو الاماني
بين الجماعة لك معزة وتقدير
صيتك سمع به كل قاصي وداني
طيب ولا تكمل بطيبك تعابير
عالي مقامك ما تعرف الطماني
مالك لغيرك لو على النفس تقصير
ما تكسح المحتاج لا جاك عاني
تستاهل اللي زينها يطيح الطير
اخت القمر نصف الشهر يوم باني
مصور الله زينها خير تصوير
صارت بها سبع العجايب ثماني
بخدودها نور الصباح و تباشير
وبعيونها نظرة عطوف ن وحاني
الله يجمع بينك وبينها بخير
ويبقى الغلا والحب طول الزماني

فهد و أمل --------------------------
يا فهد مبروك ما هل المطر
وعد ما الغالي على الغالي طرا
انت تستاهل وهذا احلى خبر
الفرح ما صار قبل ولا جرى
انت ترفع روس لا جالك ذكر
صرت وعلوم الرجاجيل اخشرا
القصايد فيك قطرة في بحر
يا عريب الساس من نسل اومرا
يا وفي ن ما عرف درب الغدر
يا كريم لجمع ما له ما ضرا
ويا امل مبروك يا وجه القمر
عد ما الغالي لغاليه احترا
يا اكتمال البدر في نصف الشهر
يا غصن ريحان نابت في ثرى
طلتك صارت لحسادك قهر
بالحلا اللي عن حلاهم ما درى
الحلا يمشي معك ممشى الاثر
من يمين..يسار..قدام..و ورى
العيون اللي بها مثل السهر
تقتل العاشق قبل لاهي ترى
والخدود البيض وشوية زهر
والجبين اللي على خدودك زرى
والشفايا اللي حمت غال الدرر
والجديل اللي به الساري سرى
ما نلوم اللي لشوفك ما صبر
واحدن حاله من الصبر انبرى
الله يديم الغلا طول العمر
بيت عامر والمحبه له ذرى

زواج فهد ورنا ------------------------------------
في ليلة فيها الفرح عم البلد
والطير غنا والقمر منا دنا
والليل ما همه صباح ولا نشد
كنه يقول لنور صبحه تونا
وطير السعادة طول ليله ما رقد
ولا فيه غصن الا تمايل وانثنا
مبرووك يا عريس ليلتنا...فهد
ومبروك يا احلى عروسة يا....رنا
المال منك ومن عروستنا الولد
والبيت عامر بالسعادة والهنا
الله يديم الحب ويديم السعد
في راحة ما تعرف دروب العنا
والله يحميكم من عيون الحسد
في عش زوجية على الحب انبنا

يوسف و فاطمة ---------------------------
الف مبروك منا ليوسف ابن الكرام
والف مبروك لأحلى فاطمة بالوجود
المشاعر تعلت فوق وصف الكلام
والفرح والسعادة ما حدتها الحدود
وليلة العمر عيا لا يجيها الظلام
كل ما الليل يسري نورها اللي يزود
وكل حاضر فرحنا ما براسه ينام
زاد نور السعادة فوق نور العقود
وفاطمة يوم طلت مثل بدر التمام
بين ليل الجديل وبين برق الخدود
كنها يوم تمشي زول ضبي العدام
فرحة (ن) للصديق وضيقة (ن) للحسود
ما احد يلوم يوسف بالهوى يوم هام
في هوى اللي تحلى من حلاها الورود
حان وقت الوداع وحان وقت السلام
للعروسة نوادع والموادع يكود
والله ان الموادع للحبايب حرام
ومن يروم العوالي ما يهاب الصعود
يالله انك توفق بينهم بانسجام
وتجعل الحب دايم والهنا والسعود
وتجعل البيت عامر بالغلا والغرام
ولاتجيب المزاعل والجفا والصدود

يوسف وهند ----------------------------------
غنا الحمام و جر الأصوات موال
وتفتحت لأفراحنا ورود وزهور
و غيم المشاعر ليلة العمر همال
والليل ما وده على طلعة النور
فينا السعادة بانت الوان و اشكال
احساس بالافراح و الحب مغمور
مبروك لك يا معرّب العم و الخال
نسل الذي في طيب الافعال مشهور
مبروك يا يوسف وتحتار الأقوال
ويحتار فيك الشعر و الشعر معذور
يا اللي كسبت المدح من طيب الافعال
لا جا مجال الخير بالخير مذكور
تستاهل اللي جت من الحسن تختال
بنت الكريم الطيب الصايب الشور
لا حل طاري سالم النعم ينقال
مع ربعه العوفان بالفعل مخبور
ومبروك لك يا هند يا بنت الابطال
يا نجمة الحفلة و يا زينة الحور
يا درة (ن) ماهو من السهل تنطال
الا الشجيع الا عشق غبة ابحور
منها العيال و منك يا يوسف المال
وتقضون باق العمر بافراح و اسرور
الله يوفقكم على كل الأحوال
و يجعل طريق العمر بالحب معمور
ويكفي غلاكم كل حاسد و عذال
ويكفيكم الدنيا صواديف و اشرور
اتمنى ان تنال اعجابكم وطبعا منقوله

يسرني أكون أول وحدة ترد بس جنان بصراحة بس وش معنى أخترت هالأسماء
مشكورة يا قلبي

يسلمو وماقصرتى ياغلا

تسلمين حبيبتي
كلك ذوق
ننتظر جديدك

الف شكر يالغلا بس مافيه مسموع يعني بصوت واقدر احملهم