قصة جسد بلا روح كاملة

حبيت أكمل الجزء كامل بدون انقطاع
بيت ملاك الفجر
ياسر تو طالع من المطبخ شرب ماي ورجع ينام ، لقى ملاك قدامه مبتسمه
ملاك : صباح الخير عمري يسور
ياسر بإستغراب : ياخبله الساعه أربع ونص ليه قاعده الحين ؟
ملاك : ماجاني نوم
ياسر : ليه خير أش فيكِ ؟
ملاك : مافيني نوم بس
ياسر يعرف ملاك وحور ويقراء وش فيهم من عينهم : ملاك أنتي أختي وانا عارفك أنتي في خاطرك كلام ودك تقوليه صح ؟
ملاك سكتت شوي ثم قالت بإبتسامه : امم صح
ياسر مسكها من إيديها وراح جلس معها في الصاله وقال : آمريني
ملاك بتردد : طيب انا بقولك بس لاتقول لأبوي أو لأمي
ياسر : طيب
ملاك بخجل : أبي موبايل
ياسر : بس !! من عيني هاذي " يشير إلى اليمين " قبل هاذي " ويشير إلى اليسار " ، بس أمهليني يوم أو يومين وراح أجيب لك خط وجهاز هديه مني " ويبتسم لها "
ملاك : بعد عمري أخوي
ياسر : بس لازم تقولي لأبوي و أمي
ملاك : ياسر لا
ياسر : ليه لا؟
ملاك : اخاف أبوي مايوافق
ياسر : ماأعتقد .. طيب راح أكلمه انا
ملاك بخوف : هاه ؟ أيش ؟ .. لالالا ، خلاص ماأبي ماأبي
وراحت غرفتها بسرعه ، لحقها ياسر ودخل الغرفه وجلس قربها على السرير وقال : أنتي ليه خايف ياملاك كذا ؟
ملاك بخوف : أنت عارف عدل ليه أنا خايفه كذا
ياسر : أنا راح اكلم أبوي وصدقيني راح يوافق
ملاك مسكت إيده : ياسر تكفى خلاص ماأبي
ياسر : ملاك ..
تقاطعه ملاك وبنظرة رجاء : ياسر .. إذا صدق تحبني أنسى السالفه خلاص .. تكفى
نظر إليها ياسر ثم وقف وأتجه إتجاه الباب عشان بيطلع لكنه وقف والتفت إليها وقال بحنان : خلاص اختي ، إلي تبينه هو إلي يصير
وأبتسم وطلع من الغرفه
لكن في هذا الوقت في غرفة أبو ياسر و ام ياسر
جلس أبو ياسر وصلى الفجر ، ثم فتح الصندوق الخاص به وأخرج من فلوس .. أنتبهت له أم ياسر وقالت : أبو ياسر .. ليه ماخذ هالمبلغ معك ؟
أبو ياسر : حبيت أشتري لملاك هديه
أم ياسر : هدية أيش ؟
أبو ياسر : ملاك كل سنه تنجح بتفوق وأنا ولا مره عطيتها هدية نجاح تليق بها
أم ياسر : ملاك عارفه الظروف حبيبي
أبو ياسر : ولو .. هالفلوس ماتغلى على بنتي
ام ياسر : وأنت ناوي تعطيها المبلغ كذا ؟!
أبو ياسر : لا طبعاً
أم ياسر : أجل أيش
أبو ياسر : مفاجأه
" تتوقعون أيش هي المفاجأه ؟ "
xXxXx
الساعه السادسه صباحاً في بيت ملاك
لبست ملاك مريولها وعباتها وأخذت حقيبتها وراحت المدرسه " أخوها ياسر إلي يوصلها في الصباح "
xXxXx
في نفس الوقت في بيت حور ..
حور تنزل الدرج وبإيدها عباتها وشيلتها وحقيبة المدرسه .. نزلت الصاله وحطت العبايه والشيله والحقيبه على الكنبه وجلست قربهم أمام طاوله زجاج صغيره " وناسيه إن رامي موجود "
حور تنادي بصوت عالي على الشغاله : نادين ؟ ناادين
نادين : نأم ماما
حور : وينه الفطور ؟
نادين : الهين في جيب ماما
حور : بسرعه يالله
كان رامي في غرفة الضيوف منسدح على بطنه ويقراء كتاب ولما سمع صوت حور فز قلبه وفرح وقال : ماأحلاه من صباح .. خلني أروح أصبح بها ومره وحده أسألها عن خالتي
طلع رامي من الغرفه وماحست به حور لأن كان بإيدها كتاب مدرسي جالسه تراجعه ، شافها بدون شيله وتخقق في محله ، شاف شعرها كان مفكوك .. جميل وناعم أسود مخصل بأحمر وطويل وطايح على وجهها ..
رامي فاتح عينه وفمه وكأنه أول مره يشوف بنت : سبحان إلي سواكِ
ثم أصطلب طوله وبداء يتنحنح : أحم أحم يالله ..
حور سمعت صوت رامي رفعت راسها وطاحت عينها في عينه الخيال .. حست بالخجل وحطت الشيله على راسها بسرعه
رامي ولا كنه مسوي شي : صباح الخير
حور خجلانه و منزله عينها : صباح النور
رامي : آسف
حور عقدت حاجبها : على أيش ؟
رامي : لأني طلعت من الغرفه من دون ...
تقاطعه حور : لاتتأسف .. انا إلي نسيت إنك موجود .. أنا إلي آسفه " وتبتسم له "
رامي حس بإحساس غريب تجاه حور هو مب أول مره يشوف بنت بحكم دراسته بالخارج ولمدة تسع سنوات .. شاف هناك جميلات أشكال وألوان وكل وحده تقول الزود عندي .. يمكن أنجذب لملامحها البدويه المثيره أونظرتها العميقه الحاده ، أو لجرأتها : ماشاء الله عليكِ مزاجك غير عن البارح
حور بتأفف : يالله صباح خير
رامي : لايكون أزعجتك بس ؟
حور تبتسم : لا أبد .. تفضل أفطر معي
رامي وهو يجلس على الكنبه إلي قربها : مشكوره .. أنا حبيت أسألك عني خالتي
حور : أيش حبيت تسأل ؟
رامي : شخبارها وشلونها ؟
حور وهي تاكل زيتونه : ام شلونها بخير باذن الله ، أما شخبارها فأبوي طلقها من سنه ونص
رامي بتعجب : افا .. لييه ؟
أخذت حور كوب الحليب شربت القليل منه ثم ناظرت في رامي وقالت له بنظرتها العميقه : مزاج رجاجيل
رامي بخوف وهو يناظر في عينها : أش قصدك ؟
حور وأهي توقف وتلبس عباتها : ماقصدي شي .. والحين يله باي بروح المدرسه
رامي : أنتي بأي صف ؟
حور واهي تصك ازرار عباتها " طق طق " : ثاني علمي
رامي : ام يعني عمرك 17
حور تعدل شيلتها: أنت وش بلاك ؟ من البارح وأنت تسأل عن عمري
رامي بإبتسامة خبث : يمكن أخطبك
ناظرت حور فيه .. وش هالسخافه وقلة الحياء إلي عنده
حور واهي تنظر إلي عينه بجرأه : ممكن أقول شي ؟
رامي بإبتسامه يبي ينرفزها وبس : شيئين إذا ودك
حور : أنت واحد سخيف وبايخ وقليل حياء
وتاخذ حقيبتها وتنظر إليه بإحتقار ثم تدير ظهرها وتمشي ، رامي أندهش من السب إلي سبته له حور ، وهو شاب عمره 27 ، لم يتحمل سبها له ، وكان أهو بعد جريء حيل .. لحقها إلى وسط الصاله ومسك إيدها ودارها عليه بقوه وقال بهدوء : أنتي قد الكلام إلي قلتيه ؟
حور واهي تبعد يدها عنه بقوه : أترك إيدي جعل إيدك الكسر
رامي بصوت هامس حاد : قد الكلام إلي قلتيه ؟
حور بثقه واهي تنظر إلى عينيه الجميلتين : إيوه ، قده ونص
رامي أبتسم وقال : وأنتي بعد .. وقحه وقليلة حياء ولا تستحي على وجهك
حور متفاجأه : أنت كيف تجرأت وقلت لي هذا الكلام ؟
رامي واهو يدير ظهره ويتمشى في الصاله : مثل ماأنتي تجرأتي وقلتي كلام رخيص وحيل سوقي
حور معصبه في مكانها : أنت ماتعرف مين أنا ؟!
رامي يلتفت إليها ويقول لها بإستهزاء : ومين أنتي ؟
حور : أنا حور بدر سالم
رامي بإبتسامة خبث : وأنا الدكتور رامي سعد صالح
حور بتأفف : لا ، أنت زودتها حيل
رامي مسوي بريء : البادي اظلم
حور بهدوء : أنا تأخرت على المدرسه ، إذا رجعت لي كلام معك
وتناظره بإحتقار وتطلع ..
بعد ذلك رامي أبتسم وجلس على الكنبه وقال بفرح : روحي في أمان الله ياحبيبتي
وكأنه مبسوط لأنه عصبها ورفع ضغطها .. يازينها وأهي معصبه ^_^
xXxXx
دخلت حور الفصل واهي معصبه .. راحت وجلست بمحلها إلي قرب ملاك ولا سلمت على ملاك وكأن بالها مشغول بشي
لاحظت ملاك إن حور سرحانه : هاي ماي فرند
حور كانت سرحانه ولا أنتبهت .. وضعت ملاك إيدها على كتف حور وقالت : حور حبيبتي أش فيكِ ؟
فاقت حور من سرحانها وناظرت في ملاك لمده قصيره لم تتعدى الخمس ثواني ثم حضنتها وبدأت تبكي بهدوء
ملاك بخوف شديد : حور ؟ حور ؟ حور وش بلاكِ ؟
xXxXx
في الفيلا ، كان رامي جالس في الصاله يتصفح جريده ..
في هذه الأثناء صحت أم حور من نومها ونزلت تحت وشافت رامي لكنها ماشافت وجهه لأن الجريده كانت تغطي وجهه ، أقتربت منه شوي وحس رامي بأن أحد في الصاله فأبعد الجريده عن وجهه وقال فرحان : خالتي !!
أم حور مبسوطه : هلا رامي .. الحمد لله على سلامتك متى جيت ؟
قام رامي وسلم عليها وجلسا بالقرب من بعض
رامي : خالتي وش لونك وش أخبارك عساكِ بخير يارب
أم حور : الحمد لله بخير ، إلا ماقلت لي متى رجعت
رامي : رجعت البارح .. رحت بيتنا مالقيت حد هناك فجيت هنا وقالت لي حور إن أمي و أبوي مسافرين
أم حور : حور ؟ أنت شفت حور ؟
رامي بإبتسامه : إيوه شفتها .... وهزأتني وهزأتها
أم حور : أيش ؟؟ كيف ؟؟
رامي منزل رأسه : خالتي أنا اسف بس حور كانت ... " ويسكت "
أم حور : عارفه .. هي دايم كذا مو بس معك حتى مع أبوها و اخوانها
رامي : حتى معك ؟
أم حور بإبتسامه : لا طبعاً .. حور تحبني وتعزني حييل وماترفع صوتها علي بالمره
تعجب رامي من كلام خالته .. معقوله هذا الكلام على حور إلي هزأته هذا الصباح !!
xXxXx
في المدرسه
ملاك : ههه
حور من بين دموعها : ملاك تأدبي وأحترمي دموعي
ملاك : سالفتكم تضحك حيل ههه
حور معصبه : أقولك هزأني وفشلني وتقولي تضحك !!
ملاك بجديه : حور .. على حسب إلي فهمته منك إنه دكتور يعني مب صغير هذا أولاً
حور : وثانياً ؟؟
ملاك : أنتي إلي بديتي
حور بتعجب : أنا ؟! أنا ياملاك ؟؟ واللهِ ماهقيتها منك
ملاك : هو سألك عن عمرك بس
حور : وأنا كنت أمزح معه بس
ملاك : هو أخذ المزحه جد
حور : طيب وأنا أش ذنبي ؟!
ملاك : ذنبك إنك هزأتيه وسبيتيه
حور : لأن قليل حياء
ملاك : قليل حياء لأنه سأل عن عمرك !!
حور : لأنه قال بيخطبني
ملاك : ولنفرض إنه بخطبك .. ليه الخطوبه عيب
حور منقهره : أسلوبه حيل سخيف
ملاك تبتسم : حور حبيبتي أنسي السالفه على شاني طيب ؟ ها ذاركتي كيمياء ؟
حور تبتسم : أكيد ولا كيف أجيب الإمتياز !
xXxXx
في الفيلا السعه 12 ظهراً
رامي وخالته مبسوطين حيل يسولفو ويضحكو ورامي يقول لخالته عن مواقفه برى وإنه ليه ماراح بيت عمه " لأنه خايف زوجة عمه تتضايق اما هنا مع خالته عادي "
صفيه : والله يارامي جلستك ماتنمل بس خويتي عازمتني على الغداء اليوم
رامي بإبتسامه : خذي راحتك خالتي
صفيه قامت واتجهت إلى الدرج ثم التفتت إلى رامي وقالت له : يمه رامي .. تكفى إذا جت حور من المدرسه لاتكلمها
رامي : لييه ؟؟
صفيه : لا تفهمني غلط ياولد أختي .. أنا قصدي حور لسانها متبري منها ، فاهمني ؟
رامي بإبتسامه لطيفه : إلي تشوفيه خالتي
أبتسمت صفيه ثم صعدت غرفتها وبدلت ملابسها ، ثم ذهبت إلى بيت صديقتها
راح رامي وجلس بالحديقه .. بعدها جاء السايق ودخل ..
جات إلى رامي فكره ونادى على السايق : هي أنت
التفت السايق : أنا بابا ؟؟
رامي : لا أجل أنا .. إيوه أنت تعاال
جاء السايق وقف قدام رامي وقال له : نأم بابا
رامي : ليه ماجبت حور من المدرسه ؟
السائق : مو الهيين بأد نووص سائه
رامي : خلاص أجل أنت ريح هنا وأنا راح أجيبها من المدرسه ، عطني المفتاح بس
السائق مبسوط : مشكور بابا .. بس أنت مافي يندل مدرسه
رامي : اووه صح ..علمني فينها
شرح السائق لرامي مكان المدرسه .. وطلع رامي وراح المدرسه على الفور وجلس ينتظر حور إلى أن رأى البنات يخرجون من المدرسه فنزل من السياره ووقف ينتظر حور عند السياره
داخل المدرسه ..
حور : يالله ياملاك عجلي
ملاك وهي تلبس لثامها : لحظه بس ألبس لثامي
حور مستعجله : يله
ملاك : أش فيكِ اليوم مستعجله كذا ؟
حور : أبي أروح البيت بسرعه وأهزئ رامي
ملاك تمسك إيد حور : حور حبيبتي إذا رحتي البيت على طول أرقي دارك ولا تكلميه طيب عمري
حور : طيب طيب .. بس أنتي خلصينا
ملاك : خلاص خلصت يله
" حور كل يوم توصل ملاك البيت لأن ياسر في العمل وأبوها ماعنده سياره "
طلعت حور وملاك وكانتا لابسات عبايات كتف ولثام لكن حور كانت عباتها مخصره حيل .. وعيناهم كانتا شي مو معقول لأنهم مرسومين بالكحل من داخل الجفن
حور بتأفف : اوه ... هذا الحيوان أش فيه ماجانا ؟
ملاك : حور حور .. مو هذيك السياره كنها سيارتكم ؟
حور تدور بعينها : ويين ؟
ملاك تناظر بعينها : هذييك إلي واقف قربها شاب حلو
حور بخوف : ملاك .. لحقيني ..
ملاك : وش بلاكِ ؟
حور : هذا رامي ..
ملاك مبسوطه : والله ؟
حور خايفه : إي والله
ملاك تسحب حور من إيدها : تعالي عرفيني عليه
حور تسحب إيدها من إيد ملاك : لالا روحي أنتي خليه يوصلك وأنا باخذ لي تاكسي
ملاك : احلفي بس !!
وتمسك ملاك إيد حور وأهي تقول : أقولك بلا هرج بزوره بس
ويتجهان إلى السياره ..
رامي شاف بنتين جايين جهته قال في باله : هاذي أكيد حور وإلي معها صاحبتها
بالرغم من إنه توه شافها لكنه حفظ ملامح وجهها وبالأخص عيناها
لما جات ملاك و حور بيصعدن السياره ألتفت رامي إلى حور وقال بجرأه : أش رايك بهاذي المفاجأه ؟
حور كانت راح تقول له مثل وجهك بس خافت يرد عليها ويفشلها قدام ملاك .. فتحت السياره وصعدت وقالت لملاك : ملاك أرقي
صعدت ملاك وصك رامي الباب ، صعد هو قدام وقال وهو يناظر في المرايه الأماميه : ملاك .. على فكره أسمك مره حلو
ناظرت حور في ملاك بدهشه ثم ناظرت في رامي وقالت بعصبيه : تأدب ولا تغازل خويتي فاهم
رامي وهو يشغل السياره وبإبتسامة خبث : تغارين ؟!
حور : وع .. وش منه ههه
رامي : على فكره حور .. عينك بالكحله واللثام شي عجيب
حور ودها تقوم له وتعطيه بوكس في عينه : حسابي معك بالبيت .. الحين وصل ملاك بيتها
شرحت حور ل رامي بيت ملاك وأوصلها ثم ذهبا إلى الفيلا
حور تدخل الفيلا ووراها رامي : نظرتي فيك ماخاابت صدق قليل حياء
رامي : ههه
حور بعصبيه : ماأعتقد فيه شي يضحك
رامي : إلا في شي يضحك مووت ههه
حور بإستهزاء : لا والله ؟ طيب قلي تصدق خاطري أضحك
رامي : وتضحكين ؟
حور : رامي مالي خلق ملاغتك
رامي بجرأه : أحبك ..
حور عقدت حاجبها : أيش ؟
أقترب منها رامي وقال بصوت منخفض : أحبك
حور أنفجرت ضحك : ههه
رامي عصب ماتوقع حور تضحك : ماقلت نكته
حور : الصبح تهزأني والظهر تقولي أحبك ههه
رامي : لا وعاد قلبي الغبي ماحبك إلا انتي
حور عصبت : ماغلطت لما قلت إنك سخيف
رامي بإبتسامة خبث : ماغلطت لما حبيتك
حور تناظره بإستحقار : إلعب على وحده غيري
وتدير ظهرها وتذهب متجهه إلى السلم
رامي يناديها : حور حور
وقفت حور ولا ألتفتت له وقالت بملل : خير ؟
رامي من صدق : عارف إنك راح تستغربين ولا راح تصدقيني ، لكني صدق حبيتك وبوقت قصير حيل ماتعدى ال 24 ساعه
طنشته حور وصعدت غرفتها وقفلت الباب وراها ، بعد ربع ساعه طرق باب غرفتها
طق طق طق
حور : مين ؟
الخدامه : أنا نادين
حور : خير أش تبين ؟
الخدامه : الغداء جاهز
حور : ماأبي
الخدامه : لييس ماما
فتحت حورالباب وقالت بهدوء : رامي موجود؟
الخدامه : لا أهو في قول إنه يروح يتغدى برى
حور : قطيعه تقطعه . مابغيت أفتك منه !!
الخدامه : سنو ماما ؟
حور : مايخصك .. الحين أنا نازله
xXxXx
في بيت أبو ياسر
أم ياسر : يله حبيبتي حطي السفره الحين أخوكِ على وصول
ملاك : من عيوني يمه
أبو ياسر واهو داخل : السلام عليكم
ملاك وأمها : وعليكم السلآم
أم ياسر : وش ذا الكيس إلي في إيدك ؟
أبو ياسر بإبتسامه لطيفه : هذا ل ملاك
أنتبهت ملاك وقالت : لي ؟
أبو ياسر : إيوه لك .. ماودك تشوفي وش بداخله ؟
ملاك بتعجب واهي لسا واقفه محلها : إلا يبه
أبو ياسر : أجل وش فيكِ واقفه ؟ تعالي بابا
ملاك : إن شاء الله يبه
أخذت ملاك الكيس من أبوها وجلسو كلهم في الصاله .. فتحت ملاك الكيس وتفأجأت .. ناظرت في عين أمها و أبوها ، لقت سعاده ورضاء عليها .. أنرسمت إبتسامه على وجهها ، أخرجت إلي في الكيس وكان جوال آخر موديل مع خط جوال
ملاك مبسوطه : يبه هذا لي ؟
أبو ياسر وهو مبتسم : إيوه بابا .. هاذي هديه بسيطه مني لك
فرحت ملاك ، راحت وحضنت أبوها وباست راسه ورأس أمها وقالت : شكراً يبه ، شكراً يمه ، هاذي أحلى هديه بالكون كله
في هذا الوقت دخل ياسر وكان تعبان من العمل والعرق على جبينه
ياسر : السلام عليكم
الكل : وعليكم السلام
ملاك مبسوطه : ياسر ياسر ، شف أبوي أش أشترى لي
ياسر وأهو يجلس قرب ملاك وياخذ الجوال وهو يناظر فيه : ماشاء الله .. أحسن من جهاازي .. تستاهلين والله ياخبله .. عليكِ بالعافيه
ملاك بإبتسامه : الله يعافيك
أبو ياسر : يله أجل حطو الغداء تراني ميت جوع
ياسر : مب أكثر مني
ملاك : ههه من عيوني ، دقايق بس غلاي
xXxXx
في فيلا صفيه
حور تنادي بصوت عالي : نادين ؟ ناادين ؟ نادين ووجع يوجعك
في هذه الأثناء دخل رامي الفيلا وسمع صوت صراخ حور فتنح نح وحور وضعت الشيله على رأسها
رامي واهو يمشي جهة حور : أش فيكِ تصارخي ؟ صوتك واصل لبرى
حور بعصبيه : صوتي واصل لبرى وهالحيوانه إلي أناديها ماسمعتني
رامي بإستغراب : حور أش هالألفاظ السوقيه هاذي ؟!
حور بعصبيه : مالك دخل فيني " وترجع تنادي بصوت عالي " نادين .. نادين ؟ ياحيوانه ؟
نادين بخوف واهي تنزل من الدرج : نأم ماما
رامي : ياسبحان الله لما ناديتيها حيوانه ردت عليكِ
حور : مو لأنها عارفه حالها حيوانه
نادين بخوف : ماما .. انا مافي حيوانه ، أنا في إنسان سيم سيم أنتي
حور معصبه : أوص ولا كلمه إلا حيوانه ونص
ماردت نادين على حور لأنها خايفه ، أقتربت حور من نادين ومسكت طرف ثيابها من جهة الكتف الأيمن بعنف وقالت بصوت منخفض حاد : أسمعيني .. مره ثانيه إذا ناديتك وماجيتي والله ثم والله لكسر ضلوعك .. فاهمه علي ؟
نادين بخوف شديد : ز ... ز .. زين ... مااما ..
حور : والحين يله شيلي الأكل من الطاوله وتقلعي عن وجهي
رفعت نادين السفره من على الطاوله بسرعه وكان رامي كل تلك المده واقف وعلامات الدهشه على وجهه ، راحت حور إلى الصاله وجلست على كنبه وفتحت التلفزيون وبدأت تفرفر بالقنوات ، جاء إليها رامي وجلس بالكنبه إلي قربها وهو ساكت ينظر فيها بنظرات .. حب ، دهشه ، خوف
ثم قال : حور
حور بطفش : خيير ؟
رامي : ممكن أكلمك بدون أنفعال ؟
حور بعد تفكير : خير أش بغيت ؟
رامي : أنتي ليه كذا ؟
حور وأهي تغير بالقنوات : أش فيني ؟
رامي : دلوعه حيل ومتكبره وشايفه حالك مدري ليه
حور تناظره : عن الغلط
رامي : أنا أتكلم من صدقي
حور : تبيني أتكلم من صدقي ؟
رامي : ياليت
حور لفت وجهها عنه وتكمل تغير في القنوات : وأنا ماأتكلم من صدقي مع أي حد
رامي : أنا مو أي حد .. أنا ولد خالتك ودكتور و ... " سكت "
حور مب مهتمه : وأيش بعد ؟
رامي بتردد : أتكلم ؟
حور واهي تناظره : تكلم بس لاتقول كلام سخيف
رامي بجرأه : و أحبك و ودي أتزوجك
وقفت حور بسرعه وقالت : صدق هالأشكال ماتنعطى وجه
رامي وقف وهو معصب ويبي أي طريقه ينرفزها فيها : أنا بس أنتظر خالتي تجي وأفاتحها بالموضوع
حور تنرفزت من صدقها وناظرت فيه وفي عينه بالأخص وقالت : إذا كنت تبيني أهزأك وأمسح بك القاع .. كلم أمي بالموضوع
أبتسم رامي وأقترب إلى حور وهمس في إذنها : أنتي ماتدرين إنك بهالطريقه تخليني أحبك زود ؟ على فكره حبيبتي أنا أحب البنت الجريئه مثلك
حور تبتعد عنه : لآ تقول حبيبتي حبتك القراده وطياحة الحظ
رامي ببرود يقهر : إلا أنتي حبيبتي الحين وبعدين وفي كل وقت
حور أنفجرت ضحك : ههه
أنقهر رامي لأنه يبي يقهرها وينرفزها وهي تضحك ! .. ماتكلم ولا كلمه من القهر
جلست حور على الكنبه واهي لسا تضحك ورامي واقف ومنقهر
حور تضحك : ههه .. على فكره لا أمي و لا أبوي يقدرون يغصبوني على شي أنا ماأبيه .. وأنت شي أنا ماأبيه اوههه
وقامت وصعدت فوق ودخلت غرفتها تاركه رامي منقهر ومفتشل حييل
xXxXx
بيت أبو ياسر الساعه 4 العصر
ملاك وأهي تدخل على ياسر غرفته وكان توه صاحي من النوم : ياسر معليش توصلني عند حور ؟
ياسر واهو يلبس قميصه : اوكي .. بس البس ملابسي وأطلع لك ... يله ألبسي عباتك
ملاك بإبتسامه هادئه : طيب
وراحت غرفتها عشان تلبس عباتها
xXxXx
في فيلا صفيه
صفيه للتو داخله الفيلا .. جلست في الصاله وتذكرت إن رامي هنا فحبت تسلم عليه ، قامت وأتجهت إلى الغرفه وطرقت الباب
رامي : تفضل
دخلت صفيه الغرفه وإبتسامتها الدافئه مرسومه على وجهها ، لكن فجأه أحست بدوار غريب فسقطت على الأرض متشنجه ، قام لها رامي بسرعه وحاول يوقف تشنجها وبدأ ينادي بأعلى صوته : حور .. حور
كان صوته عالي مره ، سمعت حور نداء رامي وكانت في المطبخ الفوقي تشرب لها عصيراً وقالت بخوف : يؤؤ .. أش بلاه رامي يصرخ كذا ؟
رامي لازال ينادي : حور ... يانادين كاس مويه
خافت حور راحت غرفتها أخذت شيلتها وعباتها ولبستهم واهي تركض وتنزل تحت .. اتجهت إلى غرفة الضيوف مسرعه لقت أمها طايحه متشنجه ورامي يحاول أيقاف تشنجها ونادين واقفه قربهم ولا تعرف أش تسوي وبإيدها كأس الماء
جلست حور قرب أمها على الأرض عشان تساعد إيقاف التشنج مع رامي وأهي تبكي وتقول : يمه ؟ يمه ؟ يمه ردي علي .. رامي أش فيها أمي ؟
رامي خائف : مدري والله
وبعد قليل أستطاع رامي بحمد لله إيقاف تشنجها لخبرته في الطب
فتحت أم حور عينها ، لقت حور قربها تبكي ، حور لما شافت أمها فتحت عينها قالت من بين دموعها وشهيقها : يمه .. يمه .. يمه حبيبتي أنتي بخير ؟ تكفين ردي علي
رامي يهدي حور : خلاص حور خلي خالتي ترتاح شويه ، قومي ياخالتي معي
أمسك رامي بيد خالته وساعدها على القيام وخلاها تنسدح على السرير ، وحور لسا تبكي على الأرض .. جاء رامي وجلس على ركبتيه أمامها وقال بصوته الدافئ : حور خلاص حصل خير
وحور لسا تبكي
رامي : خليها ترتاح شويه وبعدما تصحى أنا بنفسي بوديها المستشفى
وحور لسا تبكي ، أحس رامي بالألم يعتصره .. حور تبكي قدامه ودموعها نهر على خديها واهي مايقدر يسوي لها شي !!
ولا كأنهم من شوي متخانقين ^_^
رامي بألم : خلاص حور حبيبتي ، والله قطعتي قلبي
حور حست بشوية حنان تجاه رامي ، ناظرت فيه بعينيها التي تفيضان دموع ، نظرت إلى عين رامي , أحس رامي بالخوف و الحب و الحنان
فقال : خلاص حور مسحي دموعك ، دموعك غاليه علي
حور رجعت نزلت عينها للأرض وقالت بصوت حزين : لاتكذب رامي تكفى
ثم قامت وجلست قرب أمها في السرير ، أما رامي فقام وجلس على كرسي هزاز بالقرب من السرير
صفيه بصوت تعبان : رامي ؟
رامي : هلا خالتي
صفيه : كأني سمعتك تقول ل حور حبيبتي ؟
رامي نظر إلى حور بحزن ، شاف عينيها مليأتنا بالدموع ثم نظر إلى خالته وقال بثقه : إي نعم خالتي ، قلت لها حبيبتي لأنها صدق حبيبتي
وقفت حور وقالت بعصبيه : رامي سد حلقك مب وقته ، ماتشوف أمي طايحه مريضه
صفيه تنظر إلى بنتها نظره حاده وتقول : خليه يكمل
حور : يكمل أيش يمه الله يهديك ؟!
رامي : خالتي ..
تقاطعه حور : رامي
أم حور : حور خلينا لوحدنا
حور وأهي تجلس على السرير : لا
رامي : حور لوسمحتي ..
حور تقاطعه : قلت لك أسكت
رامي بتحدي

يعطيك العافيه ياقلبي
يسلمو

لمسة حنان
أسعدني مرورج يالغالية

بس ليش مافية مشاركات بجد زعلتوني منكم

موفقه يارب

جماانا
تسلمين يالغلا

]
[
في فيلا أبو طلال
شوق وأحمد و حور في الصاله
حور وهي حاطه رجل على رجل وتاكل جلكسي فلوتات : تصدقون .. أول مره أحس إن لي أخوان
أحمد : أفا ياحور أش هالكلام الله يهديك
حور : أنا وحده أحب الصراحه وأبي أخواني بعد يحبون الصراحه
شوق : خلاص ياأحمد لازم تحب الصراحه .. بس هاا .. حب شريف
الكل : ههه
ناظرت حور بساعة يدها البنفسيجه الكبيره " ماركة سواتش " تذكرت إنها دقت على البيت وقالت لنادين تخلي السايق يجي
حور واهي تقف وتلبس عباتها : يله الحين وقت الجد .. أشوفكم على خير
أحمد وشوق وقفو
أحمد : وين رايحه تعشي معنا
شوق : صدق والله لازم تتعشي
حور وهي تصك عباتها : واللهِ مقدر بروح بيت خويتي
أحمد : خويتك روحي لها بكره الحين أنتي معنا
حور : والله مقدر ياأحمد
شوق : أبوي و طلال راح يزعلون منك كثير
حور وهي تلف الشيله عليها : معليش قلبي أعتذري لي منهم
شوق : طيب .. ام ماتبي تروحين معي السوق نشتري فساتين وشغلات للملكه ؟
حور : أفكر وأرد عليكِ
شوق : اوكي
حور واهي تبوس أختها : يله باي
وراحت وباست أحمد على خده بسرعه وطلعت وأهي ماسكه حقيبتها الكبيره ..
طلعت برى ولقت سيارتها تنتظرها لكن بداخلها مب السايق .. إنما رامي
حور ركبت السياره بطفش وقالت : وأنا كل ماأقول خلو السايق يمرني تجيني أنت ! أش على بالك السايق الخاص حقي ؟
رامي بدون نفس : وعليكم السلام ورحمة الله وبركاته
حور : وصلني بيت ملاك
رامي بدون مايلتفت لها : أنتي تامرين أمر ياعمري
حور : أقول رامي أنت ليه تبي تنرفزني وبس ؟
ألتفت رامي لها : أنا طول اليوم جالس أنتظرك بالفيلا ولما دقيتي وقلتي للشغاله تقول لسايق يجيكِ .. أنا بنفسي جيتك وبعدين تقومين تستهزأين فيني ! .. أحترمي حالك يابنت الناس عشان الناس تحترمك
حور : أسمعني يارامي .. راح تسكت الحين ولا الحين أنزل وأخلي سايق أبوي يوصلني ؟
رامي وهو يحرك السياره : ماراح أسكت لأنك مب أنتي إلي تقولين لي أسكت .. فاهمه يابزره
حور منصدمه : أنا بزره !!
رامي بإبتسامه يبي يغيظها : أنتي بزره
حور بغرور : هالبزره إلي مب عاجبتك أنت تسوق سيارتها الخاصه الحين وتاكل من حلالها وجالس بفلتها .. وأنت يارجال يادكتور ماعندك نصف إلي عندي
رامي كان ممكن يتحمل منها أي شي إلا إنها تعايره : دام السالفه صارت كذا يابنت خالتي .. أنا أرويك مين رامي
حور : ههه
رامي من جده عصب ، راح ووقف السياره على رصيف الشارع العام ثم ألتفت لحور ورمى عليها المفتاح وقال بإبتسامه : أتمنى بس إنك ماتسوين لنا حادث وتفضحينا
ثم نزل من السياره وأشر لتاكس ووقف له التاكس وصعد به وحرك .. وسط ذهول ودهشة حور
حور مب مصدقه : كأن هذا من صدقه !! ياويلي ويلاه .. الله يلعنك يارامي .. عز الله إنك مجنون .. المصيبه سيارتي مشهوره بالرياض والكل يعرف إنها سيارتي أنا حور بدر .. !! .. هين .. أصبر علي يارامي إذا ماطردتك طردة الكب ماأكون حور بدر سالم
وطلعت موبايلها من حقيبتها واتصلت على سايقها الخاص : ألو نور الدين .. أسمعني تعال الحين أنت وأي حد من السواويق عند الشارع العام القريب من فيلا أبوي .. فاهمني .. أنا أنتظرك في الشارع راح تلقى سيارتي واقفه هناك .. بسرعه فاهم .. وإذا تأخرت ياويلك
وتنتهي المكالمه
حور بتوعد : هين يارامي .. أنا أوريك مين حور
xXxXx
فيلا أبو طلال
كانت شوق تنتظر طلال في الصاله مع أحمد .. أحمد كان يشاهد التلفزيون ومندمج بالبرنامج
جاء أبو طلال و طلال وألقيا السلام
أحمد و شوق : وعليكم السلام
أبو طلال وهو يجلس : أجل فين حور ؟
أحمد : راحت تزور صاحبتها
طلال كنه مراهق : مين ؟ أي وحده ؟
أحمد : ياعم أثقل شويه .. صير رزين
طلال واهو يجلس قرب أخوه : وأنت مع وجهك مسوي فيها ثقيل ورزين ... ماأقول إلا مالت خلهم لك أنا ماأبيهم
شوق بتردد : طلال .. انا جبت لك معلومات عن البنت ... بس ... " وتسكت "
أبو طلال عاقد حاجباه : بس أيشي ابنتي ؟
شوق : أبوها .. مب تاجر
أبو طلال ماتهمه الفلوس أبد : وحنا راح نتزوج البنت أو أبوها ؟
طلال : أيش يشتغل أبوها ؟
شوق : ... عنده بقاله يبيع فيها
أحمد مستنكر : بقاله ! .. أيش هالنسب إلي يشرف !
أبو طلال مايحب عياله يكونون ماديين أبد وهالشي ورثه طلال منه بالكامل : عيب ياأحمد .. حنا نبي بنت تصون أخوك وتصون بيته في غيابه .. مانبي بنت عشان فلوس أبوها ... حنا والحمد لله عندنا خير من الله
طلال وهو يناظر أخوه لأن كلامه ماعجبه بالمره : صحيح يايبه
أبو طلال ل شوق : عطيني أسم أبوها كامل وأنا إن شاء الله أسأل عنه وأشوفه رجالن زين ولا شين .. والله يكتب إلي فيه الخير
xXxXx
أما في الشارع .. كانت حور في السياره تغلي غضب وتنتظر السايق .. بعد دقايق قليله وصل السياق مع سايق ثاني .. جاء عند النافذه يكلم حور :
نأم ماما شنو تبغين ؟
حور : أيش أبي يعني أنت وهالوجه .. أبيك تصعد بسرعه وتوصلني بيت عمي ابو ياسر
السايق : طيب ماما فين مفتاح
حور : هذا هو أمسك
وأخذ السايق المفتاح وشغل السياره عشان يوصلها بيت أبو ياسر
xXxXx
فيلا صفيه " أم حور "
أم حور كانت تتعشى على سريرها لأنها تعبانه حيل مب قادره تقوم فإذا بالباب يطرق
أم حور : تفضل
دخل رامي بثوبه الحجازي المخصر والشماغ لافه عليه بطريقه مبهذله جنان ، جلس قرب خالته ووجهه غير
سألته خالته : أش بلاك رامي ؟
رامي يصطنع إبتسامه : خالتي أنا جأي أسلم عليكِ قبل ماأطلع
أم حور بدهشه : تطلع !! ليه ؟ وين تروح ؟
رامي : ليه .. مقدر أجاوبك عليها سامحيني .. وين أروح بشوف لي شقه مفروشه أو غرفه في فندق أو أوتيل
أم حور : طيب لييه ؟؟ ليه راح تطلع ؟
رامي : خالتي أترجاكِ .. مقدر أجاوب على سؤالك .. " ثم أبتسم " بس أنا كل يوم راح أزورك ماراح أخليكِ
نزلت أم حور رأسها وقالت بأسف : عارفه .. حور طردتك
رامي : لا ياخالتي هي ماطردتني .. أنا إلي طلعت من نفسي .. لكن إذا شت وشافتني ذيك الساعه جد راح تطردني
أم حور سكتت لأنها تعبت جد جد .. وفي نفس الوقت فشلانه من حركات حور مع رامي .. باسها رامي على رأسها وطلع .. وهي ظلت تبكي وتقول : لا حول ولا قوة إلا بالله العلي العظيم
xXxXx
بيت أبو ياسر
الكل جالس في الصاله أبو ياسر و أم ياسر وياسر عدا ملاك .. فإذا بالجرس يرن .. طلع له ياسر يشوف مين .. فتح الباب فدخلت حور وقالت وأهي تنزع لثامها : هلا والله ياسر << طبعاً راح تستغربون ليه حور سوت كذا بس مع الأيام راح تعرفون حور و ياسر أيش
ياسر وهو يصك الباب : هلا والله عمري .. كيف حالك ياخبله ؟
حور وأهي تدخل وياسر وراها : بخير دامك بخير يالغالي
دخلت حور الصاله وقالت بإبتسامه : السلام عليكم
أم ياسر و أبو ياسر أستبشر وجههم فرح لما شافو حور : وعليكم السلام
جات حور وباست راس أبو ياسر وراس أم ياسر وجلست معهم
أبو ياسر : هلا والله ببنتي
حور بإبتسامه : هلا والله فيك عمي
أم ياسر : صار لك أربع أيام مازرتينا
حور : حقك علي خالتي .. والله إني أشتقت لكم حيل حيل
أم ياسر : مب أكثر مني .. إلا شخبار أمك ؟
حور : الحمد لله بخير
أم ياسر : صار لي أسبوع ماشفتها .. آخر مره شفتها من لما جيتي معها الأسبوع إلي راح على العشاء
حور : إإي ذاكره .. هي قالت لي تبي تسوي جمعه صغيره بس بعد ماترجع خالتي
أم ياسر : اها .. الله يرجعها بالسلامه يارب
حور عاقده حاجباها : إلا ملاك وينها ؟
ياسر : ملاك الخبله على حسب ماتقول إنها مريضه
حور خافت : أيش فيها ؟؟
أم ياسر : أسم الله عليكِ .. ياسر يمزح معك .. هي بس تعبانه شويه
أبو ياسر : كذا خوفت بنتنا
ياسر : وأنتي على طول تصدقي ! على فكره إلي في ملاك دلع بنات وهرج بزارين
حور وأهي تقف : وليه ماتدلع يعني ! مب هي بنتكم الوحيد !! عن أذنكم
وراحت لغرفة ملاك
أبو ياسر : الله يخليك ياحور يابنتي لأهلك ويخليك أنتي ياملاك ويستر عليكِ
غرفة ملاك ..
فتحت حور الباب ودخلت رأسها وقالت : يقولون تعبانه أيش فيكِ ؟
كانت ملاك مشغله موسيقى هادئه ومنسدحه على السرير ولما شافت حور جلست بسرعه وقالت : حور !
حور وهي تدخل وتصك الباب وراها : إيوه حور .. لايكون على بالك إني مالاحظت في التلفون إنك ودك تقولي لي حاجه .. ها ياقلبي أش فيكِ ؟
نزلت ملاك رأسها وعرفت حور السبب
حور بأسف : نايف صح ؟
ملاك تنظر إلى عيني حور برجاء وحزن شديد : قولي لي أيش أسوي ؟
حور : أقولك وتنفذيه ؟
ملاك : قولي ياحور قولي
حور : أوعديني تنفذين
ملاك : أسمع بالأول
حور : أطرديه من قلبك خليه يولي .. هذا وجه حب هذا !
حضنت ملاك حور وبكت وهي تقول : مقدر ياحور مقدر
حور حاضنه ملاك بقوه : مسحي دموعك وقسي قلبك .. ترى الطيبه في هالزمن ماتنفع .. ماتنفع ياملاك اصحي
ظلت ملاك تبكي وحور تحاول تهديها
في هذه الإثناء كان نايف تو داخل غرفته جلس على السرير وبسرعه أتصل لملاك
رن موبايل ملاك
ملاك تبكي وتناظر في حور : هذا هو
حور : عطيني بكلمه
ملاك تبعد الجوال عن حور : لا أعرفك بتهزأيه
حور : أجل أنتي ردي وحطي مكرفون
ملاك : طيب
أستجمعت ملاك قوتها وردت من بعد ماحطته مكرفون : ألو
نايف : وبعدك زعلانه ؟
ملاك : وليه أزعل ؟ أنت بس أتهمتني بالكذب
نايف نزل رأسه : آسف .. وحقك علي .. أنا ساعتها كنت معصب ومدري عن إلي أقوله
حور تهمس لملاك : قطعي الخط بوجه
ملاك بشويش : لحظه شوي
نايف : ألو !
ملاك : هلاا
نايف : سامحتيني ؟
حور تهمس لملاك : قولي لا ...لا
ملاك ماردت
نايف : راح تسامحيني صح ؟
ملاك : لكن بشرط
نايف أنبسط شوي : تدللي
ملاك : تنسى سالفة الزواج حالياً ..
حور تهمس : ايوا كذا تعجبيني شويه
ملاك : أيش قلت ؟
نايف بهدوء : ماقلت شي
ملاك فرحت شوي : يعني راح تنسى !
نايف : يعني ماراح أنسى
ناظرت ملاك في عين حور بحزن ، حور عصبت حيل منه وحور ماترضى حد يزعل ملاك وهي موجوده
حور تهمس لملاك بعصبيه : عطيني أكلمه
ملاك لاشعورياً : أجل لو سمحت أمسح رقمي من جوالك
وتنهي المكالمه وتحظن حور وتبكي
نايف معصب : ألو ؟ ألو
ورجع ودق عليها
رن الجوال أخذته حور
ملاك أخذت الجوال من حور بسرعه وهي تقول : أش راح تسوي ؟
حور من جدها معصبه وودها تضرب نايف : بعلمه الأدب .. وإن دموعك غاليه
طفت ملاك الجوال ثم حضنت حور وكأنها تقول لها طنشيه معليك منه
نايف : كذا ياملاك ؟ تقفلين الخط بوجهي ؟ اللهم طولك ياروح
ملاك حاضنه حور على السرير .. حور مسحت دموع ملاك بيديها وجلست تمسح على رأسها وأهي حاظنتنها عشان تهدي .. هدأت ملاك .. تركت حور وأنسدحت على السرير تعبانه
حور : تبين تنامين ؟
ملاك وأهي ماسكه إيد حور : ماأبي أنام بروحي .. نامي الليله معي
حور تبي ترجع البيت عشان تهزاء رامي : لا أنا أبيكِ ترتاحين ومعي أكيد ماترتاحي
ملاك مبتسمه من بين دموعها : أصلاً أنا ماأعرف الراحه إلا معك
حضنت حور ملاك وأنسدحت معها واهي تقول : بعد عمري
بعد دقايق قليله نامن وكل وحده حاضنه الثانيه بحنان وقوه
بعد ساعتين .. جلست حور من النوم لقت نفسها نايمه بحضن ملاك ومتغطين باللحاف والأنوار مغلقه وأنوار النوم مشغله .. أبتسمت حور عرفت إن أم ياسر هي إلي غطتهم وشغلت لهم أنوار النوم .. قامت من السرير بهدوء عشان ماتزعج ملاك .. طلعت جوالها من حقيبتها لقتها الساعه 11 الليل .. قامت حور لبست عباتها وحطت شيلتها على كتفها وطلعت من الغرفه بهدوء .. راحت الصاله لقت ياسر جالس لوحده يشاهد تلفزيون قالت وأهي واقفه : وينها خالتي ؟
ياسر : أمي وأبوي نامو .. أنتي مب كنتي نايمه ؟
حور وأهي تجلس على الكنبه إلي قرب الكنبه إلي جالس عليها ياسر : إلا بس توني صحيت .. قلت خلني أروح البيت
ياسر : ورى ماتنامي هنا ؟
حور : بروح البيت عندي كم شغله
ياسر وهو يقف : أجل قومي بوصلك
حور : لالا ماله داعي الحين أدق على السايق يجيني
ياسر : أقول تراني ماراح أسرقك مدري أيش أبي فيكِ .. لحظه بس أبدل وأجي
حور بإبتسامه : طيب عمري
راح ياسر بدل بجامته ولبس له بنطلون جينز غامق وتيشرت برتقالي وأخذ مفتاح سيارته وطلع للصاله
ياسر : يله مشينا ؟
حور وأهي تلبس شيلتها : يله
صعدو السياره .. ووصل ياسر حور للفيلا
وقدام الفيلا في السياره
ياسر : يله حور أنزلي
حور : ادري إني بنزل
ياسر : ههه أمزح معك ياشيخه
حور : المشكله من وحنا صغار إنك أنت الوحيد إلي تحب تعصبني مدري ليه
ياسر : أموت من الفرح إذا خليتك أنتي و ملاك تعصبو
حور بنص عين : أصلاً حنا نمثل قدامك حنا معصبين بس في الحقيقه حنا آخر وناسه
ياسر : إي هين ههه
حور : بسك ضحك ودي أشوفك يوم واحد ماتضحك
ياسر : أضحك تضحك لك الدنيا
حور : ياشينك انت وهالمثل
ياسر : أقول حو ....
تقطاعه حور : لاتقول ولا تفعل .. أنا بنزل وراي نوم يله بااي
فتحت حور الباب ونزلت وياسر ميت ضحك عليها سلمت على ياسر وراحت دخلت الفيلا وهي تركض .. أبتسم ياسر من حركات حور الطفوليه ثم حرك السياره راجع لبيته
دخلت حور الفيلا .. وحمدت ربها إنها مب لابسه جزمه كعب عشان ماتطلع صوت وأهي صاعده ويسمعها رامي .. أتجهت بهدوء إلى غرفة الضيوف إلي ينام فيها رامي وفتحت الباب بقوه .. لقت الأنوار مطفيه .. فتحت الأنوار مالقت حد بالغرفه .. بالعكس الغرفه نظيفه ومرتبه .. جاء لها فضول تفتح الخزائن و بالفعل فتحت الخزائن " خزائن الثياب " لقته فاضين ومالقت حقائب رامي في أي مكان بالغرفه .. راحت وجلست على السرير وهي تقول : طلع من الفيلا .. الحقير .. بس مرده لي أكيد راح يجي ع شان يزور أمي .. وذيك الساعه راح أعلمه مين أنا ومين هو .. ههه
xXxXx
يوم ثاني في بيت أبو ياسر
فتحت ملاك عينها حركت يدها على سرير تدور عن حور ، مالقتها .. ألتفتت للجهه الثانيه لقت مكانها خالي .. ناظرت في الغرفه مالقت حتى حقيبتها .. قامت طلعت من الغرفه تدور حد تكلمه .. مالقت حد بالصاله " بيت أبو ياسر دور واحد " راحت المطبخ لقت أمها
ملاك وشعرها على وجهها من النوم : يمه وين حور ؟
أنتبهت أم ياسر لملاك : صباح الخير قلبي .. عسى اليوم أحسن ؟
ملاك : إي الحمد لله .. بس يمه وين حور ؟
أم ياسر : حور راحت بيتهم
ملاك : هي أمس نايمه معي
أم ياسر : صحيح كلامك .. بس البارح صحت من النوم وراحت البيت
ملاك : مي نقلك
أم ياسر : ياسر
ملاك : وياسر أيش عرفه ؟!
أم ياسر : تحقيق هو ؟ ياسر هو إلي وصلها امس
ملاك : اهاا .. طيب .. بروح أذاكر تبين شي ؟
أم ياسر : أبيك تجلسين هنا وتفطرين .. أنتي من أمس مب ماكله شي
ملاك : يمه يمه بروح لحور
ام ياسر : بشرط
ملاك : انا من متى أروح ل حور بشروط ؟!
أم ياسر : من لما صرتي ماتاكلي
ملاك : ههه يعني تبيني آكل
أم ياسر : إيوه
ملاك : طيب راح آكل .. بس مب هنا هناك مع حور
أم ياسر : مافيه طلعه من البيت قبل ماتاكلي
ملاك : لا خلاص خلاص باكل وأمري لله
أم ياسر بإبتسامه : أجل روحي بدلي وأنا أجهز لك الفطور
راحت ملاك بسرعه عشان تبدل .. فتحت ملاك خزانتها وقامت تناظر في ملابسها " نسيت أقولكم .. حور و ملاك من النوع إلي لبسهم قوي " ..
طلعت لها ملاك شورت جينز رمادي واصل إلى فوق ركبتها مباشره وبدي وردي ضاغط على جسمها بدون تعليقه والبدي قصير يعني طوله من الصدر إلى البطن ولبست جزمتها الورديه " من النوع إلي يكون نازل وفتحتهم كبيره " هي وحور يحبون يلبسون كذا في طلعاتهم العاديه ..
راحت ملاك وفطرت ولبست عباتها ووصلها ياسر بيت ملاك
دخلت ملاك الفيلا .. حست بهدوء مخيف .. راحت بتصعد الدرج لقت الخادمه تنظف إحدى أركان الفيلا .. وهو ركن حق الجلسه العربيه ، مره فخم وراقي
ملاك بأدب : لو سمحتي
الخادمه تحب ملاك لأنها طيبه حيل عكس حور إلي دايم تهزأهم : نأم ماما ملاك .. صباح الخير
ملاك بإبتسامتها العفويه : صباح النور .. إلا أقول وينها خالتي و حور ؟
الخدامه : لكهم نايمين .. بابا رامي في يتلع أمس من فيلا << صدق خدامه ملقوفه
ملاك تعجبت ثم قالت بإبتسامه : طيب .. كملي شغلك
صعدت ملاك الطابق الثاني واهي حامله حقيبتها الورديه بكتفها وبعض الملازم بإيدها .. راحت ودخلت غرفة ملاك فتحت الباب لقت الغرفه هدوء .. الستائر مغلقه وحور نايمه كالطفله .. دخلت ملاك وصكت الباب وراها .. خلعت عباتها وشيلتها وعلقتها وراء على الشماعه " علاقه " .. وراحت فتحت ستائر غرفة حور البنفسجيه .. حور أنزعجت من النور فغطت وجهها بالبطانيه وقالت بصوت عالي : اوه يمه .. ليه تسوي كذا ؟ تكفين صكيهم وغلاتي
ملاك تقلد صوت حور : اوه يمه
بعدت حور البطانيه عن وجهها وقالت بصوت نعسان : ملاك !
ملاك وأهي تجلس قرب حور : إي ملاك إلي خليتيها أمس نايمه لوحدها
حور : ههه
ملاك : قومي غسلي يله خلينا نذاكر
حور مبتسمه : إن شاء الله عمتي
قامت حور وغسلت وجهها وطلعت من الحمام
ملاك : أقول حور
حور وهي قدام المرايه تنشف وجهه بالمنشفه : هلا
ملاك : الخدامه تقول إن رامي طالع من هنا .. ليه ؟
حور وأهي تسرح شعرها : خايف
ملاك : من أيش ؟
حور : مني
ملاك عاقده حاجباها : منك !
حور : إي مني
ملاك : لحظه لحظه .. ممكن تفهميني السالفه ؟ ترى راسي بداء يلف ويدور
حور وأهي تجلس قرب ملاك في السرير : طيب .. أفهمك
xXxXx
أما رامي .. أخذ له غرفه في فندق ونام بها .. وبس طلع الصبح راح الإتصالات ودور على رقم أحمد .. رامي يقرب له واحد من بعيد في الإتصالات بس عطاه أسم أحمد طلع له رقمه
أخذ رامي الرقم ورسل لاحمد رساله
" الغربه مش سفر لبعيد ولا هم ليوم
الغربه لما تحب إنسان ويكون عن عينك بعيد
أقول تعال بسرعه في كوفي شوب " .... " أنا أنتظرك لا تتأخر ولا ترى أروح عنك "
أحمد كان تو صاحي من النوم ولما شاف المسج تخرع قام بسرعه لبس وتزين وكشخ لأن على باله بنت " أحمد مغيزلشي كبير " وطلع بسرعه .. وراح للكوفي شوب .. دخل قام يتلفت يمين شمال .. أنتبه لواحد من شافه وقف .. أحمد في باله : ياسبحان الله يشبه رامي ... بس وينها ذي إلي مواعدتني ماأشوف بنات هنا أبد
قام أحمد يتلفت يمين وشمال ويدور بعينه في الكوفي شوب الكبير وعلى مستوى .. ولاحظ إن الرجال إلي وقف لما شافه يمشي جهته .. طنشه أحمد وسوى حاله مايشوي
جاء رامي ووقف قربه وقال : ألعن أبو الثقل ياشيخ .. طيب سو نفسك مشتاق
ناظره أحمد وقال مندهش : رامي !
رامي بإبتسامته : لا ظله
أحمد ماعرف وش يسوي من الفرحه .. صديقته وخوي عمره وأخيراً جاء من السفر " لأن رامي ماكان يحب ينزل البلد أيام الإجازات فعلى شان كذا الكل ماشافه 9 سنين متواصله " .. حضنه أحمد بقوه لدرجة إنه بكى دمع غزير من فرحته برجوع رامي
xXxXx
فيلا أم حور
في غرفة حور
حور بملل : وهاذي السالفه كلها
ملاك معصبه : والله حرام عليك إلي تسويه
حور : افف .. الحين راح تحطين الغلط كله علي صح !
ملاك معصبه : إي صح
حور : ملاك تكفين خلنا نسد الموضوع لأني من أذكر راميوه يلوع كبدي
ملاك ماودها تصك الموضوع لأن رامي مسكين وكاسر خاطرها لكن عشان خاطر حور غيرته : شخبارها أمك؟
حور : أسكتي .. هاربه منها ولا أبي أشوفها
ملاك عاقده حاجباها : ليه ؟!
حور : خايفه تعصب علي على موضوع رامي
ملاك : مردك تشوفيها
حور : هذا إلي مخوفني .. أقول أيش رايك نتغدى بعدين نذاكر ؟
ملاك : لا نذاكر أول
حور : طيب
xXxXx
في الكوفي شوب
أحمد : أجل صرت دكتور يارامي وأنا بعدني على شغلتي
رامي : ههه قصدك إلي خبرك
أحمد : ههه إيوه .. تصدق إني متعرف على وحده مع حور أختي بالفصل
رامي : والله ؟
أحمد : إي والله
رامي : وهي تعرف إنك أخو حور
أحمد : لا طبعاً
رامي : أجل كيف عرفت إنها معها ؟
أحمد : قلت لها بنت عمي معك في المدرسه أسمها حور ماتعرفيها وبالصدفه طلعت معها بنفس الفصل
رامي : اوه ياأحمد .. ذكرتني بأيام أول .. كل يوم مع بنت
أحمد : تبيني أعرفك على وحده ؟
رامي : أنت تعرفني ! .. نسيت أيام أول أنا إلي كنت أعرفك ههه والله دنيا !
أحمد : المهم أنا انا مواعدها الحين .. عطني رقمك
رامي عاقد حاجباه : مين ؟
أحمد : دانه
رامي : مين دانه ذي بعد ؟
أحمد : صار لي ساعه اقولك عنها
رامي : ههه إي إي فهمت .. هات موبايلك بكتب لك رقمي
عطاه أحمد الجوال وسجل رامي رقمه عند أحمد ومن ثم دق رنه على جواله عشان يسجل رقم أحمد
رامي : إلا أقول .. كيف سلطان
أحمد : بخير الحمد لله
رامي : أبي أشوفه .. بس بمفاجاه بعد
أحمد : ياحبك للحركات هاذي .. ولا يهمك هو الحين مسافر أول مايرجع أظبطك
رامي : ههه طيب
وسلم عليه وطلع أحمد وراح لمطعم ثاني مواعد فيه دانه
أول ماوصل لقاها نازله من التاكسي .. دخل معها جهة العائلات وجلسو في إحدى الكبائن
نزعت البرقع عن وجهها " دانه بنت طيبه وحبوبه وعلى نياتها ملامحها جميله وناعمه .. أهلها هاملينها أو بالأصح مب مهتمين فيها .. مثل أغلب الأهالي عندهم بنتهم كبرت يعني خلاص يعاملونها كنها مرأه مو كنها بنت مراهقه محتاجه حنان وتوجيه أكثر من الطفل .. وهذا الشيء إلي دفع دانه ( وبنات كثير غيرها ) إنهم يبحثون عن الحب والحنان والأمان إلي فقدوه داخل بيتهم "
أحمد : أيش تطلبين ؟
دانه بدلع : أنا جايه هنا أشوفك
أحمد : وهذا أنتي شفتيني
دانه وهي تقف : خلاص أجل نمشي
أحمد : وين رايحه أجلسي بس من زمان ماشفتك
جلست دانه وأهي مبتسمه لأحمد .. طلب أحمد الغداء ثم طلع لها مبلغ من جيبه وأعطاها إياه
دانه : أيش هذا ياأحمد .. أنا مب محتاجه الحمد لله
أحمد : دانه لاتكابرين انا عارف عن ظروفك زين
سكتت دانه وماقدرت ترد عليه .. هي مب فقيره لكن أبوها و أمها مقصرين عليها ويعتقدون إن الفلوس الكثيره هي إلي تضيع
أحمد : أمسكي يادانه إيدي تعبت

روعه .. كملي قلبو ف انتظارك ي