قصةحب واقعية تكونت بالنت

1. القصة..

القصة..

كان في شاب بحريني عمره 23 سنة مدمن على شات احد المواقع والي يشوف كلام الي معاه واصدقائه يقول عنه ملاك ومافي مثله بالدنيا ،، ومع الايام دخلت بنت جديدة الى هذا الشات وكان اسلوبها حلو وتلفت نظر الكل حتى ان اكثر من واحد كان يبي يتعرف عليها بالواقع مو بس بالنت والبنت كانت ترفض بس كانت تضيفهم معاها بالماسنجر وضافت بالصدفه هذا الصبي وكانوا يتكلمون كل يوم على الاقل نص ساعه تعرفوا على بعض وكان الصبي منذهل من كلامها ومو مصدق ان عمرها 18 وبعد ما صاروا يعرفون بعض عدل الصبي صارح البنت باعجابه وطلب منها ان يتعرفون ويصيرون اصدقاء والي يرده الله يصير ،،، البنت ما صدقت وطارت من الفرح لانها كانت معجبة بالصبي بس ما بينت له وظلت يومين ماردت عليه جواب وهو كان مصر يبيها وتعرفت عليه ومرت اليام وصار هذا الشاب هو كل حياتها وعرفته على اهلها وكان يوعدهم ان بيخطبها ويقول انه يحبها واستمرت علاقتهم مايقارب سنة كاملة كان تصرفاته تدل على الغرور بس هي كانت تتحمل كل شي لانها تحبه حتى انها قطعت علاقتها باختها وخطيب اختها بسببه ،،، عطته كل حياتها ووقتها سخرت اليه مشاعرها وضيعت في حبه احلى فترة بحياتها ،،، كانت ما ترقد الا بعد ما تسمع صوته واول ما تصحى من النوم تتصل فيه و ما تطلع الا تاخذ منه اذن يعني كان كل شي بالنسبه لها مرت الايام والصبي قال للبنت : انا بسافر خمسة ايام اغير جو انتي انتبهي لروحج ،،، البنت كانت زعلانة ومتضايقه لانها بتفارقه خصوصا انها تعودت تشوفه كل يوم بس قالت علشان راحته اصبر واتعذب ،، سافر الصبي ورجع من السفر رجع انسان مختلف جدا عن الي كانت تعرفه تتصل له ما يجاوبها على طول يقول لها انه مشغول وهي قالت يمكن حبيبي متضايق خله يرتاح ،، يوم ويومين واسبوع وشهر صار له شهرين نفس الحاله فقالت البنت بتدق عليه وبتشوف شنو صاير ،،، كل ما تتصل الصبي مطنشها تعبت وقلبها يحرق ضلوعها من الخوف لكن ابد مافي رد بعدين هذا الانسان عبرها شوي وطرش لها مسج ابي اشوفج بالنت بس لا تتصلين ،،، وفتحت الماسنجر وشافته وكلمته وقال لها خلاص انسيني كل واحد بطريقه اتصلت له وهي تبجي تترجاه انه ما يهدها وتساله ليش شنو السبب ؟؟ قال لها اهلي ما يبونجالبنت ظلت تتصل فيه وموراضيه تقتنع وشاءت الايام ان يتلاقون بالشات وقام هو يتكلم عليها ويقول انها مو عذراء وحط بعرضها وشرفها وصارت سمعتها ما تسوى شي وهي بعد صابرة على كل شي بالاخر اتصل فيها بعد ثلاثه شهور تقريبا وقال لها انا ابيج وهي سكرت التلفون بوجهه وبعد يومين تسمع خبر خطوبته !!!
يوم كلمته وسالته ليش تقول لي تبيني وانت اتفقت مع اهل البنت ؟؟؟ قال لها ابي اجرحج اكثر وابجيج اكثر واشوف الذل بحياتج وما ابيج تتزوجين !!! الشاب خطب ولازال يضايق البنت حتى انه يعترض طريقها في موضوع الزواج ...... والغريب ان البنت لحد الحين بعد تحبه وما ترضى عليه ......
باقي الاحداث
الشاب ظل سعيد مع زوجته ومستانس والبنت متعذبه ،،،، مرت الايام والبنت صار عندها الموضوع عادي والتئم الجرح اللي سببه لها بس هو ظل على طول يتكلم عليها ويحاول يضايقها
المهم
مرت سبعه اشهر على خطوبته وهو مستانس ويحس ان زوجته هي افضل انسانه وانه اختار زوجته على حكمة وداريه بها وباخلاقها وغير نادم على جرح البنت اللي وهبته كل مشاعرها
لكن اراده ربك اكبر واقوى
تابعوا شنو صار
اللي صار ان الشاب سافر
كالمعتاد يسافر يغير جو
وانبه بشي
كان الشاب وخطيبته عايشين عيشه الازواج ساكنه في بيت زوجها
وشقتهم جاهزة بس ما كملوا تأثيث
المهم
سافر الشاب
وقال لها انه بيظل 4 ايام لكنه ما قدر لان كان يعشقها بجنون فترك اصدقائه
ورجع الى البحرين
وراح بيتهم يفاجئها فقالوا له انها طلعت فراح بيت اهلها وبعد ما كانت موجوده
تحير الشاب وين راحت خطيبته ومالكة عقله
تذكر الشقه
قال مؤكد هي ترتب بعض الاثاث والتحف هناك وراح
وسمع صوتها من خلف الباب كان يبي يفاجئها فأخذ النسخه من المفاتيح
وفتح الشقه
ودخل ليسمع صوت زوجته وصوت شاب
وكانت الصاعقه
ان زوجته تخونه في شقة الزوجيه على فراش زوجها
مع اخر
ومن هول الصدمه طلقها وظل فترة يعاني من الموضوع ،،،،
بعد فترة بسيطه انتعشت روحه وصار لا يأبه وعرف قيمة من خانها ورجع يتصل لها ويحاول انه يصالحها ويبي رضاها
ويبيها زوجه له
بس هي رافضه
لانها احبت غيره
واسكنت بديلا عنه
وانتهت علاقتها الجديدة ...بالزواج
مع خالص تقديري واحترامي