قصتنا قصة تأخر كم شهر ولكن

السلام عليكم ورحمة الله وبركاتة
.
كيفكم يا بنات والله انا ما كنت بحط
هالموضوع ابد .. ولكني قلت مالي غيركم تدعون
لي بهالشهر الفضيل .. انه ربي يرزقنا الذرية الصالحة عاجلا ً
ولا يخرج رمضان إلا وانا حامل بأبن صالح بار بي وبوالده ويقرّ عيوننا به ..
يا بنات فيه ناس الله لا يسامحهم
قاعدين يطلعون كلام على زوجي إنه ما يجيب عيال!
وهالكلام بغاية الكيد فقط!
وصار لنا سنة وشهرين متزوجين
ولكن بأول 10 شهور كنا نمنع منع طبيعي .. وهالشئ كنا متفقين عليه
لأنه كنا حابين نأجل موضوع الحمل لبعد سنة ..
بس الشوق غلب علينا .. ووقفنا بعد 10 شهور
وصار لنا اللحين نحاول 5 أشهر والله ما اراد ونحنا وربي راضيين بقضاء ربي
وندري إنها خيره لنا ..
واكيد هالناس مو داريين اننا كنا نمنع
ونحنا مو مجبورين نعلل لهم سبب التأخير .. لأننا نطنش الناس الفاضية!
وقلت مالي غيركم بهالشهر الفضيل إنكم
تدعون لي ولزوجي انه يرزقنا ربنا ويكسر شوكتهم
ويرد كيدهم بنحرهم ... ويجعل فرحتنا فرحتين .. فرحة عيد الفطر وفرحة الحمل
لأن خالتي (أم زوجي) كاسرة خاطري احسها متأثره مره
من كلام هالناس ... رغم انها انسانة مؤمنه بقضاء الله وقدره .. ولا عمرها
قالت لي اي كلمة بهالموضوع او استعجلتني بالعكس كانت تقول
كل شئ بوقته واذا ربي راد بيكون ...
وصبورة ماشاء الله عليها .. وزوجي
مثلها ولله الحمد .. وحابه من كل قلبي انكم ما تنسوني من دعواتكم
بظهر الغيب وخصوصا ً وقت الفطور ...
والله والله والله اني اتمنى الحمل
إذا مو عشاني .. علشان اسعد زوجي وخالتي ...
ياريت يا بنات ما تبخلون علي
بهالدعاوي الطيبة من قلوبكم الطيبة ... ولكم بالمثل بإذن الله ...