الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
29-03-2022 - 07:10 pm
بسم الله الرحمن الرحيم
قبل أن ابدئ القصه اقول يارب ترزقنا الذريه الصالحه لكل محرومه من خارج وداخل المنتدى
بسم الله الرحمن الرحيم
أنا صارت لي قصه والله ماراح انساها طوال حياتي واريد من كل وحده تقراها ان اذا حملت ان الله يثبت لي حملي تسع شهور بالتمام والكمال لآن انا حملي بيكون خطر علي وعلى الجنين لآن الدكتوره نبهتني أني احتمال اذا حملت اولد مبكر وقالت لي انك لازم بتسوي ربط عشان لايكون اجهاض يصير لك واو ولاده مبكره لآن عندك انحراف في الرحم الدكتوره ماشاء الله عليها طيبه وشاطره ودايمآ امدح فيها لآنها تستحق المدح لآكنها قالت لي شي عذبني مره قالت يوم كنت بالشهر الاول من الحمل قالت لي خلاص بس ابتدخلي الشهر الرابع اول اسبوع لازم بتروحي لمستشفى تعملي ربط وانا مارفضت لها طلب قلت بسوي وأمر لله طيب ( صحيح ماقلت لهم ان انا اراجع عند هذي الدكتوره في مستشفى خاص ) المهم رجعت البيت وانا افكر كيف بسوي هذي العمليه وكنت ابحث عنها في النت بس اللي شفته غير من اللي قريته المهم تم الشهر الاول بخير ويوم جا الشهر الثاني نزل علي دم نقط وتلوعوز استغفر الله في هذي الحمله لآن جلست شهرين بيت اهلي والدكتوره اللي اراجع عندها كانت مسافره طويل تقريبآ شهر ونص ورحت لدكتوره ثانيه وقلت لها عن قصتي قالت لي انتِ مايحتاج لك ربط ( صحيح ماقلت لكم ان انا هذي ثاني حمله لآن الحمله الآولى طاح ابو شهر بس وهذي الحمله الثانيه ) المهم قالت لي الدكتوره ان انتِ ماأجهضتي الا مره وكان ابو شهر قلت لها اي قالت طب انتِ ماجربتِ الحمل يمكن يكون تسع شهور طبيعي قلت لها لا الدكتوره اللي اراجع عندها قالت لي لازم ربط والله تصدقون ان اكثر من دكتوره قالت لي ماتحتاجين ربط بس انا ماأقتنع الا ابدكتورتي واثق فيها جدآ المهم دخلت الرابع ووقف الدم والله فرحت حيل بس اللي كان يراودني في راسي الربط باقي اسبوع واسويه المهم طارت الاسبوع كأنها يوم ودخلت لدكتوره كنت اراجع عندها في الولاده وفحصت علي من تحت قالت لي العنق 2 ونص يعني كويس قلت لها انا مو على شان الربط انا عندي اشويه اانحراف في الرحم قالت لي الدكتوره طيب في كثير من الحريم بس يكملون للتاسع قلت لها امري لله وخليني ادخل قالت لي براحتك وبعدين دخلت للغرفه الي بالمستشفى ويوم الثاني دخلوني لغرفة العمليات على شان يسوون لي عملية ربط عنق الرحم تقريبأ اخذت العمليه نص سااعه والله ومن البنج مو قادره افتح عيوني الا ليمن قالت لي الدكتوره حمد لله على السلامه يا.... اذا ماجلستي بيصير في البيبي شي وانتِ << كانت تبي تخرعني بس عشان ابطل عيوني ومن خوفي للي في بطني بققت عيوني اللي يشوفني مو مسوين لي شي لاكن قلب الام للي في بطنها المهم وبعدين دخلوني لغرفتي وجاو اهلي وتحمدولي السلامه وانا فرحت طبعآ قلت خلاص بكره راح اطلع وبعد ماراحوا اهلي وكنت ابغى اروح الحمام وانتو بكرامه الا اشوف كأن مويه نزل علي قلت لايكون سويتها وانا ماحس والله ياأخواتي كنت موعارفه شنو هذا اللي نازل رحت للحمام راح المويه اللي نزل علي وبعدين رجعت للسرير وانا مرتاحه ان خلاص اللي في بطني بأمان الحمد لله وبعد ثلاث ايام من جلوسي فحصت الدكتوره علي قالت لي بنخليك تحت المراقبه الى ان نرخصك قلت مايخالف وفي نفس اليوم اشوف المويه ينزل وكثر كلي وانا مو عارفه شنو هذا المويه على عفلتي قلت لآمي قالت لي يمكن يكون افرازات من الالتهاب والله امي كانت طول الفتره اللي قضيتها بالمستشفى معايا ..................اسمحوا لي ياحبيباتي اكمل لكم السالفه بعدين لآني تعبت
مستشفيات
التعليقات (9)
احنا متابعين اختي لك واتوقع بل اجزم انها موية الجنين
الله يعوضك خيرا الخيرة فيما اختارة الله.............................................. ...
الله يعوضك خيرا الخيرة فيما اختارة الله.............................................. ...
الله يجبر خاطرك ويعوضك بالذريه الصالحه يارب...
وانتظرر التكمله
وانتظرر التكمله
هلا فيكم حبيباتي نورتوا صفحتي بوجودكم تسلمون وربي يعطيكم اللي في بالكم
المهم مثل ماقلت لكم ان امي قالت لي افرازات وانتو بكرامه وانا اقص على نفسي مع اني اعرف الافرازات مو هالشكل وعوار في ظهري وبطني يروح ويجي بس قلت يالله افراز افراز وبعد اربع ايام ومع كثرة اتصالات الاهل وزوجي ماقصر وقف معاي وقفه اهو وأمي كل يوم يجون لعندي ويجلسون معاي لآخر الزياره المهم في رابع يوم الصباح جلست واشووف المويه كثر عندي وكلما اتحرك يكثر نزول المويه وانا قلبي مقبوض وخايفه ومش عارفه اتصر والدكاتره هاملين المريضات والله ماراح تصدقون ان اهمالهم ماقدر قد ايش اوصفه يعني من زود اهمالهم كأنهم مافيهم احساس الشكوه لله المهم جو لي 4 دكتورات يكشفون شنو فيني وانا تعبت الصراحه محتاره جالسه موب عارفه شنو صاير لي ولا قالو لي شنو فيني المهم جات الدكتوره وكانت متنقبه وقالت لي انتِ راح نفتح الربط ينزل عليك مويه من الرحم وراحت والله حتى ماقالت لي ليش ولاخلت فرصه أني اسألها وبعدين دقيت على امي وقلت لها راح يفكون الربط قالت لي لييش قلت لها والله ياأمي هذا مويه اللي ينزل مني ( اتوقع كانت امي عارفه بس ماتبغى تقول لي خايفه علي لآني بزيااده حساسه وخواافه ) المهم قالت راح اجي لك في الزياره وجات امي في الزياره ونزلت تسأل الدكتوره وقالت لها ان الربط التهب لآن بنتك عندها التهابات مهبليه ( وش دخل التهاب الربط في التهابات المهبليه !!) المهم وجات لي امي قالت لي ان التهابات في عنق الرحم من الربط وبعدها قام ينزل عليك مويه من الاتهابات وانا عارفه ان امي مو مقتنعه ولا انا مو راضي يدش في بالي وزوجي وامي والله زهقانين باللي صاير لي لآني ماتحرك بص امي تصبر فيني وزوجي المهم بعدين في اليوم الخامس دخلوني العمليه مره ثانيه بس بدون بنج بس فك الربط والله ان ودي اموت ولا اشوف نفسي في هالموقف تخيلو هالدكتوره ماتحس ابد واهي تنزع الربط تقولي اليوم او بكره بالكثير راح يطيح لآن مفتوح سانتي الحين واهي تصارخ خلتني والله اصيح واموت من الصيااح تعاملهم زي وجههم استغفر الله الصراحه خلو الستاره الرايح والجاي يشوف عورات الحريم وانا اصيح وزياده علي اسمع صوت اللي يطلقون جاب لي اكتئاب مو طبيعي وبعد ماطلعت من غرفة العملياات ورحت للغرفه العاديه جلست من غير ماأتحرك لآن كلما اتحرك ينكب المويه وبعد يوم من نزع الربط جلست الصباح الا السرير كأنه في بول وانتو بكرامه والمويه ينزل كأنه نهر والله العظيم قلبي يعورني وانا اكتب لكم المهم واصيح وادق على امي وقلت لها المويه ينكب كثير مو عارفه شسوي والله حتى الممرضات ماعندهم اهتمام في المرضى المهم استنى امي هي ممرضتي ودكتورتي وانتظرتها للزياره وقلت لها شوفي المويه الا اشووف الدم نزل مع المويه نزيف قوي مع عوار بالبطن والظهر وزوجي كان مسافر الكويت للشغل المهم قلت لآمي قبل ماتروحين بخليك تساعديني بروح الحمام وانتو بكرامه وانا امشي والله حالتي مايعرفها غير رب العالمين ان رجولي ترجف مو قادره اوقف والدم لركبتي والدمووع تنزف وابغى امي تجلس معاي لآني اخذت موقف مع هذا المستشفى اذا امي جات ابتطلع اصييح كأني بيبي ابغاها لاكنهم مايرضون المهم بعد مادخلت الحمام وانا ابول وانتوا بكرامه الا ضغط بطني الحاله وطاح اللي ببطني والله العظيم ان شفت الدنيا بيضه مو قادره اشوف شي طاح بالمرحاض وهو كبير مو صغير وقطعت نفسي من البكا وامي حاضنتني وتصبرني والله شفت وجه امي تصيح على حالتي وانا مرميه على الارض في الحمام وجاو الممرضات وشالوني والجنين ينجر في الارض ولاصق بالمشيمه وانا اصارخ واصيح ومو قادره اصدق باللي سووه فيني الدكاتره مو خبره عندهم الشكوه لله المهم نيموني على سريري وانا مو متحمله نفسي وابكي وانادي امي كأني بيبي وابغى انام بحضنها بس حطولي طلق صناعي عشان تنزل المشيمه والله بغيت اموت الطلق الصناعي ساعتين فيني والمشيميه مو راضيه تنزل بعد ماقطعوا الحبل السري من الجنين والله تبهدلت احس شفت الموت بعيني والله من زود ماكنت اصيح على حالتي قمت ماركز حيل صارت لي صدمه لاكن الحمد لله على كل حال والله يصبر قلبي
...................... لي تكمله ان شاء الله بس برتاح اشوي
المهم مثل ماقلت لكم ان امي قالت لي افرازات وانتو بكرامه وانا اقص على نفسي مع اني اعرف الافرازات مو هالشكل وعوار في ظهري وبطني يروح ويجي بس قلت يالله افراز افراز وبعد اربع ايام ومع كثرة اتصالات الاهل وزوجي ماقصر وقف معاي وقفه اهو وأمي كل يوم يجون لعندي ويجلسون معاي لآخر الزياره المهم في رابع يوم الصباح جلست واشووف المويه كثر عندي وكلما اتحرك يكثر نزول المويه وانا قلبي مقبوض وخايفه ومش عارفه اتصر والدكاتره هاملين المريضات والله ماراح تصدقون ان اهمالهم ماقدر قد ايش اوصفه يعني من زود اهمالهم كأنهم مافيهم احساس الشكوه لله المهم جو لي 4 دكتورات يكشفون شنو فيني وانا تعبت الصراحه محتاره جالسه موب عارفه شنو صاير لي ولا قالو لي شنو فيني المهم جات الدكتوره وكانت متنقبه وقالت لي انتِ راح نفتح الربط ينزل عليك مويه من الرحم وراحت والله حتى ماقالت لي ليش ولاخلت فرصه أني اسألها وبعدين دقيت على امي وقلت لها راح يفكون الربط قالت لي لييش قلت لها والله ياأمي هذا مويه اللي ينزل مني ( اتوقع كانت امي عارفه بس ماتبغى تقول لي خايفه علي لآني بزيااده حساسه وخواافه ) المهم قالت راح اجي لك في الزياره وجات امي في الزياره ونزلت تسأل الدكتوره وقالت لها ان الربط التهب لآن بنتك عندها التهابات مهبليه ( وش دخل التهاب الربط في التهابات المهبليه !!) المهم وجات لي امي قالت لي ان التهابات في عنق الرحم من الربط وبعدها قام ينزل عليك مويه من الاتهابات وانا عارفه ان امي مو مقتنعه ولا انا مو راضي يدش في بالي وزوجي وامي والله زهقانين باللي صاير لي لآني ماتحرك بص امي تصبر فيني وزوجي المهم بعدين في اليوم الخامس دخلوني العمليه مره ثانيه بس بدون بنج بس فك الربط والله ان ودي اموت ولا اشوف نفسي في هالموقف تخيلو هالدكتوره ماتحس ابد واهي تنزع الربط تقولي اليوم او بكره بالكثير راح يطيح لآن مفتوح سانتي الحين واهي تصارخ خلتني والله اصيح واموت من الصيااح تعاملهم زي وجههم استغفر الله الصراحه خلو الستاره الرايح والجاي يشوف عورات الحريم وانا اصيح وزياده علي اسمع صوت اللي يطلقون جاب لي اكتئاب مو طبيعي وبعد ماطلعت من غرفة العملياات ورحت للغرفه العاديه جلست من غير ماأتحرك لآن كلما اتحرك ينكب المويه وبعد يوم من نزع الربط جلست الصباح الا السرير كأنه في بول وانتو بكرامه والمويه ينزل كأنه نهر والله العظيم قلبي يعورني وانا اكتب لكم المهم واصيح وادق على امي وقلت لها المويه ينكب كثير مو عارفه شسوي والله حتى الممرضات ماعندهم اهتمام في المرضى المهم استنى امي هي ممرضتي ودكتورتي وانتظرتها للزياره وقلت لها شوفي المويه الا اشووف الدم نزل مع المويه نزيف قوي مع عوار بالبطن والظهر وزوجي كان مسافر الكويت للشغل المهم قلت لآمي قبل ماتروحين بخليك تساعديني بروح الحمام وانتو بكرامه وانا امشي والله حالتي مايعرفها غير رب العالمين ان رجولي ترجف مو قادره اوقف والدم لركبتي والدمووع تنزف وابغى امي تجلس معاي لآني اخذت موقف مع هذا المستشفى اذا امي جات ابتطلع اصييح كأني بيبي ابغاها لاكنهم مايرضون المهم بعد مادخلت الحمام وانا ابول وانتوا بكرامه الا ضغط بطني الحاله وطاح اللي ببطني والله العظيم ان شفت الدنيا بيضه مو قادره اشوف شي طاح بالمرحاض وهو كبير مو صغير وقطعت نفسي من البكا وامي حاضنتني وتصبرني والله شفت وجه امي تصيح على حالتي وانا مرميه على الارض في الحمام وجاو الممرضات وشالوني والجنين ينجر في الارض ولاصق بالمشيمه وانا اصارخ واصيح ومو قادره اصدق باللي سووه فيني الدكاتره مو خبره عندهم الشكوه لله المهم نيموني على سريري وانا مو متحمله نفسي وابكي وانادي امي كأني بيبي وابغى انام بحضنها بس حطولي طلق صناعي عشان تنزل المشيمه والله بغيت اموت الطلق الصناعي ساعتين فيني والمشيميه مو راضيه تنزل بعد ماقطعوا الحبل السري من الجنين والله تبهدلت احس شفت الموت بعيني والله من زود ماكنت اصيح على حالتي قمت ماركز حيل صارت لي صدمه لاكن الحمد لله على كل حال والله يصبر قلبي
...................... لي تكمله ان شاء الله بس برتاح اشوي
الله يتمم لك على خير ان شاء الله
بس ياليت بلاش حركات الاكشن
لاني كنت متحمسه اسمع باقي القصه
على العموم الله يرزقك بارب
بس ياليت بلاش حركات الاكشن
لاني كنت متحمسه اسمع باقي القصه
على العموم الله يرزقك بارب
حبوب منع الحمل هل أترث على خصوبتكارجو المشاركة→