قصتي مع سلفتي

تدرين إنتي أحسن منها بكثير ومحترمه وأثبتي لهم إنك إنسانه عاقله وتخافين ربك وتسمعين كلام زوجك أهم شي وخبريه إنك كسرتي الشر وطعتيه عشان تكبري في عينه
من ترك شي لله عوضه الله خير منه..والله يوفقج ويستر عليج...

انت صاحبة العقل واللي تصرفتيه صح واكيد هي بيجيها يوم وتشعر بتأنيب الضمير
خليكي اكبر من هيك سخافات هي رح تنقهر لانك اثبتي للكل انك احسن منها وخاصة اهلها
الله يردلك زوجك بالسلامة

اختى العزيزة قرات موضوعك مبين على سلفتك قويه وشايفه حالها ربنا يعينك على جيرتها هى وصارت فى وجهك امر واقع بقى اختصرى الطريق وربنا بيعينك ما تعملى مشاكل خليكى اصيله واحسن منها

مرحبا فراشاتي 000
بدي اغلبكم واحكيلكم مشكلتي مع سلفتي وبتمنى تردون علي وتساعدوني 00
هي القصة شوي طويلة بس اتحملوني وخلو صدركم واسع 0000 ومشكورين 0000
طبعا انا جوزي مسافر من ثلاث اشهر شغل وسلفتي اسمها (هديل) جوزها مسافر مأموريه شغل للجيش على دولة افريقية لمدة ستة شهور وصار إله مسافر (3) اسابيع طبعا بعد ما سافر جوزها بأسبوع حكيت معها عشان اطلعها مع بنتها واولادي على الالعاب عشان نتسلى ونغير جو وفعلا اطلعنا وكثر كنا فرحانين بس انا بصراحة كثير حذره في تعاملي معها لانها بتنقل حكي كثير واي شيء بتحكيه على طول بتنقله يعني نمامه المهم000
انا ما بحكي الا الشيء الي ما بيضر حدا ولا بيضرني 0000 وهيك لازم اكون معها ومع غيرها 0000
بدأت القصة بعد سفر زوجها باسبوع 000 ورح احكيلكم بالتفصيل عشان تعرفوا الموضوع وتعرفوا كيف رح تساعدوني 000
طبعا انا وجوزي بنشتغل وعنا سيارة بنروح وبنيجي فيها على الشغل 000 هي قاعدة بالبيت وجوزها بشتغل ثلاث ايام عندها واربعة ايام بالجيش وهي بتقضي وقتها عند اهلها لانهم ساكنين بجنبنا جيران إلنا بس انا الصراحة ما بحكي ولا مع اي حدا من الجيران وهديل ساكنة الطابق الارضي وانا الطابق الثاني بس هي حاليا عايشة عند اهلها عشان جوزها مسافر وعشان توفير بالمصروف بدل ما تصرف ببيتها وتشتري اغراض فهي اختصرت الموضوع وصارت عند اهلها تنام وتوكل وتشرب 0000
طبعا ظلت ورا جوزها حتى اشترت سيارة بالرغم من انه عليهم ديون كثيرة من زواجهم بس المهم عندها تشتري سيارة وطبعا جوزي حكى لاخوه حرام تشتري سيارة وإتصفها بباب البيت على الفاضي اشتري قطعة ارض استفيد منها احسن الك او بنشترك انا وانت بمشروع احسن لانك بدك اتسافر ستة شهور ورح إتظل السيارة محلها لحتى ترجع والله حرام السيارة بدها مصروف وراتب ثاني وانت راتبك على قدرك 000 وهذا الكلام الصحيح 000
بس هيه حاطه براسها بدها سيارة المهم اشترت سيارة وبعد فترة صار جوزها يشعر انه السيارة بتصرف فعرضها للبيع بسعر غالي بده يسترجع المصاريف إلي دفعهم عليها 00000 طبعا ما حدا اشتراها لانها ما بتسوى هذا المبلغ المطلوب 000
وبعد ذلك سافر زوجها 00000
طبعا في مكان انا بحط سيارتي فيه عشان أمان طبعا الامان بالله بس يعني هذا المكان كثير كويس طبعا انا بحرك سيارتي كل اسبوع مرة عشان اذا بدي اغراض للبيت بروح اجيبهم وصارت لما إتشوفني حركت السيارة على طول بتخلي اخوها يصف محلي طبعا بس رجعت من مشواري ما لقيت محل اصف سيارتي صفيتها محل سيارة ابوها لهديل 000
في اليوم الثاني زارتني اختي مع اولادها وطلبوا مني يروحوا على الالعاب ركبنا بالسيارة ورحنا على الالعاب وبس رجعنا صار ابوها لهديل صاف سيارته 000
ما لقيت محل اصف سيارتي فكثير كنت معصبه فرحت صفيت سيارتي قدام محلهم ( محل غاز ) طلع علي العامل بيقلي لا إتصفي هون هذا محل بنزل وبنحمل اسطوانات الغاز فقلتله شيلوا السيارة الحمرا ( سيارة هديل) عشان اصف سيارتي وإطلعت عالبيت 000000
وبعدها نسينا اغراض ما جبناهم فرجعت إنزلت مع اختي عشان اجيبهم 000 ولما اركبنا السيارة 0000 اجت هديل لعندي وسلمت على اختي 000000 لحد هون ما شاء الله عليها 0000
بعدها قالتلي هديل 000000 انت ما عندك احترام لسلفك مسافر وشو يعني اذا صفينا السيارة مكانك 0000
قلتلها : وانا جوزي مسافر كمان 00
هديل : احنا ما بنحرك السيارة الا كل اسبوع 0000
انا : وانا كمان ما بحركها غير كل اسبوع 00000
هديل : انا قلت لاخوي يصف محلك فكرت انك طالعة مشوار عند اهلك ورح اتنامي عندهم ( طبعا انا اهلي ساكنين بمحافظة ثانية ) 00 عشان هيك صفيناها وانا بدي اظل اشوف السيارة بخاف تنسرق 000
انا : طيب دخليها لجوا وبنسكر عليها انا واخوكي ( نسيت احكيلكم المكان الي بصف فيه اخوها لهديل بصف بجنب سيارتي لان المكان يتسع لسيارتين ) 000 وطبعا هي مش مستعدة توخذ مكان اخوها 000000
هديل : اذا بتدخل لجوا ما بشوفها وبخاف تنسرق 0000او تدحل خلص انت صفي اي مكان ودبري حالك 000
انا : ما بدي اصف غير مكاني او بسكر باب محلكم بالسيارة 0000
هديل : اذا ما بتشيلي السيارة من باب المحل رح انكسرلك السيارة 0000
انا : الي بدك إياه اعمليه 0000
هديل : شكرا لادبك واخلاقك 000
انا : تركتها ومشيت اجيب اغراضي وكثير كنت معصبة 00000
وبس ارجعت صفيتها بباب محلهم مرة ثانية 00000
اطلعت عالبيت وحكيت مع جوزي وقلتله الي صار بالزبط 00000
قلي : خلص ما بدنا مشاكل خلص صفي أي مكان 00
قلتله ليش ما عملت هيك غير لما سافر جوزها ولما كان جوزها ما عمرهم اجو مكاني ولا صفوا مكاني شو مفكريتني حيطه مايله 000
قلي جوزي هذا باب رزق وحرام انك إتسكريه حرام روحي شيلي السيارة وصفي أي مكان ثاني وخلص اختصري الشر 000
طبعا انا عصبت على جوزي وقلتله ما بدي اشيلها ورح اخليها محلها وخليهم يكسروا السيارة ورح اخبر الشرطة عنهم 00000 وانتهت المكالمة 0000
طبعا انا عارفة ليش جوزي حكى هيك لانه خايف علي وما بده اوقع بمشاكل بغيابه 0000
بعد شوي حسيت بتأنيب الضمير 0000 كلام جوزي صح باب رزق 0000 حرام اسكره 000000
وصرت افكر شو بدي اعمل 0000000 لحتى دق الباب 0000000
كان اخو جوزي صغير (14) سنة عمره الي على الباب وقلي بيقلك ابو هديل شيلي السيارة وصفي محلك (اي مكان السيارة الحمراء ) فقلتله ماشي بلبس وبنزل اشيلها 000000
وبس انزلت لقيت ابوها واخوانها بالشارع بستونوا أحرك السيارة 0000
طبعا اجا ابوها لهديل عندي وقلي انت زي بنتنا واحنا لازم نهتم فيكي 0000
قلتله : انا بصراحة حكيت مع جوزي وقلتله الي صار ومدح فيكم وقال دار ابو ماجد ما في زيهم ناس محترمين ما بعملوا هيك ( طبعا انا ما حكيت لجوزي هيك بس كذبت وجاملته ) وقلتله هديل بدها اتكسر السيارة وانا بحملكم المسؤولية اذا بصير للسيارة أي شيء رح ابلغ عنكم الشرطة قلي هذا حكي فاضي وحكي نسوان وما في منه 0000 وقلتله انتوا هون (100) عين عشان تراقبوا السيارة الحمرا اما انا ما في حدا يراقبلي السيارة ويدير باله عليها قلي كلامك صحيح ونادى على هديل عشان تعطيه مفتاح السيارة عشان يشيل السيارة الحمرا عشان اصف مكانها طبعا طلعت ووقفت على البلكون وصارت اتصرخ ما بدي اعطيكوا المفتاح وما بدي اتصف مكاني وإتدق راسها بالحيط وصار ابوها واخوانها يصرخوا عليها بدون فائدة تذكر 000وصوتها طبعا كثير عالي 000000
فلما شفتها هيك شلت السيارة من باب المحل وصفيتها بالشارع واختصرت الشر وقلت حسبي الله ونعم الوكيل فيها 0000
اذا ابوها واخوانها مش قادرين عليها بدي اقدر انا 000000
شو اعمل ؟؟؟؟؟؟؟

بصراحه قرات كلامك بس مااشوف انها مشكله ابدا لاتخسري جارتك علشان حاجه مثل كذا انت خليها على راحتها ولاتتحرشي فيها وسوي اللي قالت عليه ومع الوقت راح تخجل منك وتعتذر لك

شكل المسأله فيها غيره
هي تغار منك؟؟
لأن الموضوع بسيط ومايحتاج انها تسوي كل هذا
خليك اكبر منها عقل واسفهيها يعني لا تردي لها خبر