قصه حقيقيه واقعيه شوفوا الصبر والتحمل

السلام عليكم ورحمة الله
حبيت أروي لكم قصه حقيقيه وهي منذ فتره بسيطه ................. ( أسمعوا القصه بالله )
طبعا قبل جم شهر كان فيصل الشاب الملتزم الوسيم أبن ال 27 سنه يبي يتزوج طبعا ,
لعلمكم جنسيته سعوديه بس مواليد الكويت
ويبحث عن زوجه المهم كان يبي ياخذ وحده دكتورة علاج طبيعي عمرها 23 سنه ,
ملكة جمال أدب وأخلاق وكانوا موافقين على فيصل بل هم يبونه لأنه شهم جدا ,
وكل شي فيه حلو المهم فجأه اهل فيصل كانوا يجيبون طاري بنت يتيمه بس امها
عائشه مطلقه والان بدوله اخرى قدامه فحن فيصل
وانكسر خاطره عليها مع أنها ليس بجميله مع انه كان يبي جميله بس تنازل عن شروط كثيره
لأجل حور العين بالجنه وقال حرام يتيمه باخذها المهم تزوج فيصل البنت كانت أول أيامها شكلها زين
وأخذها وداها وسافر فيها لكذا مكان المهم أولا البنت فشت بعد العرس يعني كانت متفوخه ,
لاحظ عليها فيصل أن عيونها فيهم شي وحركات ايدينها قال لها فيصل انتي معاقه فزعلت وقالت لاتجيب
هالكلمه على لسانك ومرت الايام والبنت تتكلم بعبارت خايسه على زوجها وتقل أدبها ومشكلة زوجهاا
أنه قمه بالرجوله ومستحيل يمد ايده على بنت المهم كان ينصحها اشهر كثيره البنت تضرب الاطفال
وقال لها زوجها انتي الله مايرزقج بعيال لأن معاملتج للأطفال موزينه وفعلا ماحملت بعدين حملت وطاح اللي في بطنها
كان كلام زوجها صحيح المهم عذبت زوجها تغلط على خوات زوجها تغلط على زوجها تضرب الجهال
فاهيه خايسه وتدررون غير هذا شنو
أعترفت بعد 5 شهور من عرسها انها معاقه وسوت فلم على زوجها المسكين
وقالت له أعترف لك بكل شي بس توعدني انك ماتطلقني واعترفت انها معاقه وقالت بكيفك تزوج علي سو اللي تسويه بس لاتطلقني
صارت نفسيته تعبانه هو ماوده يظلم وتعبت نفسيته اهله يقولون له بكيفك لعلمك طلعت بعدين أن أمها أيضا
فيها خلل أمها الان في دوله ثانيه يعني الامر وراثي واهل فيصل خايفين أنه يجيب عيال ويصيرون نفس الشي
وفيصل يقول حق اهله حرام اخاف اظلمها واهله قالو له بكيفك هذي حياتك وانت حر
الرجال أكثر شخص يضحك ومبتسم ومحب للسفر والطبيعه وحالم شاعر يبحث عن الشي الحلال والحب
وشوفوا شنو صار فيه كان بيحتسب الأجر فيها ومازال ساكت ................ أنا عايشه قريب منهم وشايفه الوضع على الطبيعه وهو مسكنها بشقه بروحها
فيصل يقول ( حررام أخاف أظلمها طيب هم ظلموك وغشوك وخايف تظلمها )
أهل فيصل يقولون حق فيصل ( أذا فيه شي عاجبك فيها خلها عندك وهو يقول ماحبيت ولا شي فيها ومافيها شي زين وفوق هذا يقول حرام )
والأن فيصل يبحث عن عروس بس يقول أنه هالمره بختارها بنفسي عشان ماأتندم على شي
طبعا موصيني أنا وموصي شخصين غيري يبحثون له عن بنت بالمواصفات اللي يبيها وأن لقاها يخلي أخته أوأمه تتواصل معاها لين يعرفون هل يقدرون يتفقون على كل شي وهل راح يعجبون في بعض شكليا وأخلاقيا ..................................
البحث جاري أما من الكويت أوالسعوديه .....................( شرايكم بالقصه الحقيقيه )