قصه عمق القلووب

1. بيت ابو خالد:


2. بيت ابو رامي:


3. ابو رامي**جمال** متزوج من ام رامي**غاده**


4. ابو جابر**هادي**متزوج من ام جابر**بسمه**


5. عندهم ولد وبنت


6. لجين: بس شنوو


7. رهف:انا اخوي جايني يعني لو عايدي عندك تعالي معانا


8. رامي: ايش فيه؟؟


9. في الجهه الاخر


10. وانصدمت هيا نفسها من فين طلع ذا.......


11. رندا:احسن فكه


12. رندا ما اهتمت لأختها وقعدت تحوس بأفكارها

عمق القلوب ... (قصة باللهجة السعودية(
للكاتبة: عاشقةالامارتيين
شخصيات القصة :

بيت ابو خالد:

ابو خالد**منصور**اب الاسره والي قريب بيصير جد وام خالد**ناديه** ام خالد من الرياض وعايشه في جده مع زوجها وهي اصلاً من لبنان وامها لبنانيه بس والدها سعودي......المهم عندهم ولدين وتلات بنات

• خالد ابنهم الكبير وعمره27 سنه ولد وسيم ويشتغل طيار والكل يحبه ويحترمه وخصوصا اخواته لانهم يخافو منه لانه شوي عصبي بس هو حنون وخفيف دم لكن محد يدري عنه ويمووت في صديقه ماجد الي اصغر عنه بكم سنه بس يحبه ويموت فيه ((ماجد عمره 23 سنه ويدرس بالجامعه طب))وخالد تزوج قريب بحبيبته نهال وعايش في بيت ابوه وهادولا الاتنين عايشين اجمل قصة حب وبيرزقو عن قريب بطفل...
• مي البنت الكبيره بعد خالد عمرها 25 سنه بنت حلوه وجمالها مناسب واحلى شي فيها انها ام عطوفه ومتفهمه والكل يستشيرها لان عقلها كبيرر ومتزوجه من ولدعمها رائد الي حبته طول عمرها بس محد يدري عنهم ولا عن قصتهم وعندها ولدين يجننو احمد 5 سنين وفهد ولدهم البكر وسموه على جده فهد وهو اولى ابتدائي يعني عمره 7سنين...
• منى بنتهم التالته وتؤم لأخوها امجد وعمرها17 سنه وهي ثالث ثانوي وعندها صديقتها الي لاصقه فيها ومن هم في الابتدائي**رهف رهف هادي قد منى ثالث ثانوي وبنت رقيقه وجمالها طبيعي وتحس البرأه في وجهها الطفولي بس ما شاء الله عليها اخلاق وادب والكل يعجب بها**منى بنت هاديه ويقولو عنها الي دمها بارد بس رقيقه وعطوفه لأبعد درجه وهي بنت حلوه وجمالها اخااذ والكل يحبها برغم برودتها...
• امجد ثالث ثانوي تؤم منى بس ما يشبها بس حلو ومملوح وجماله يجن روعه البنات يتخبلو عليه لانه يشبه امه فشكله صاير زي اللبنانين بس هوا ما يعطيهم وجه وماعنده حركات الاولاد الي زي عمره يحب دراسته ومخلص فيها وعنده خطط مستقبليه عظيمه...
• ورندا اختهم الصغيره اخر العنقود على قولتهم الي ثالث متوسط عمرها 14 سنه وهيا كمان اخده جمال امها وطالعه زي اللبنانين حتى بدأت تتكلم زي امها وهيا اكبر ملقوفه في العيله ويقولو عنها الساحره لانها تعرف كل شي بدون محد يقولها بس محبوبة العيله ودلوعتهم وصديقتها المفضله**مها اكبر منها بسنه اول ثانوي بس مقربه منها كتير واسرارهم عند بعض**ورندا الكل يعجب بشخصيتها القويه وهي معجبه بولد عمتها رامي تقول عليه يجنن متل جواد<<<ايه هادا الي مقطعكم يالبنات جواد وطقته...بس تقريبا بدت تنساه لانه صار لها زمان ما شفته

بيت ابو محمد:
ابومحمد*فهد* رب هالاسره متزوج من حبيبة قلبه ام محمد*نهى* برغم من كبر سن هالاتنين الا انهم متل العشاق ويموتو في بعض المهم
عندهم ولد وبنت

• ولدهم الاكبر رائد ومتزوج من بنت عمه مي وعندهم ولدين كما سبق ذكره رائد حلو وجماله مناسب وهادي ومتفهم متل زوجته ويمووت عليها وما يقدر يبعد عنها يوم...

المهم

• وبنتهم التانيه لمى وهاذي جمالها مو طبيعي وجذابه وورقيقه والكل يعجب فيها بس يقولو عنها مغروره لانها دايما منطويه وما تخالط الناس كثير وهي عمرها 16 سنه وهي تاني ثنوي...

بيت ابو رامي:

ابو رامي**جمال** متزوج من ام رامي**غاده**

وعندهم ولدهم الوحيد رامي ولد حلو ويجنن الكل وخصوصا اولاد عمه برغم من انهم اغلبهم حلوين الا انه احلى واحد فيهم لكن ما كان الكل يحبه لانه شوي مغرور المهم رامي عمره 21 سنه ويدرس بالجامعه هندسه وهو اقرب شي له خالد ولد عمه...
بيت ابو جابر(ابو جابر اخو ام خالد وساكنين بالرياض(

ابو جابر**هادي**متزوج من ام جابر**بسمه**

عندهم ولد وبنت

• جابر ولدهم الكبير بالجامعه عمره25 سنه اخر سنه حاسب آلي ولد عادي هادي وحبوب والكل يحترمه بسبب اخلاقه العاليه
• منال بنتهم الوحيده وهي اول سنه جامعه عمرها 19 سنه تدرس شريعه بنت مرجوجه عكس اخوها بس حبوبه واجتماعيه وصديقاتها كتير وهي ساكنه بجده في سكن الجامعه لظروف دراستها واذا عندها اجازه ترجع الرياض او تروح عند عمتها ام خالد تقعد عندهم وهي تحب وتموت في منى الي مو مره معطيتها وجه...
• &*الجزء الاول*&*

رندا:يلا عاد اتأخرنا على الاختبار بسرعه منووي <<<عندهم الاختبارات الشهريه
منى: طيب طيب جايه اصبري دقيقه
رندا: مافي حيبدؤ امشي قدامي يلا
منى: الي يسمعك يقول الاوله على المملكه امشي يلا بس
رندا: اوف منك قويه في التحيطم امشي وانتي ساكته يلا
منى: دا وانا اختك الكبيره اجل لو اصغر منك ايش كان سويتي
رندا: ام اظن بعطيك كف زي محا اسوي دحين لو ما مشيتي
منى: يالطيف سكنهم مساكنهم يلا يلا مشينا
وصلت منى رندا وراحت مدرستها مع السواق حقهم
ودخلت المدرسه متأخره كالعاده ووقفت في طابورها
منى: هاي بنات هاور يو
البنات: هايات...بدري...ياهلا<<ردود متفرقه
رهف وهي تنغز منى وبصوت واطي: كان اتأخرتي شوي حرام عليكي مره جايه بدري
منى: لا ياشيخه تستخفي دمك تدري رندا هلكتني هيا الي تأخرني<<<ايه ايه هين دحين رندا هي الي تأخرك
رهف: اي والله كيفها هالبنت وحشتني تصدقي
منى: اقول بس عن البكش دحين رندا وحشتك وكل ماتجي عندنا مضاربات وهواشات وصوتكم يوصل اخر الشارع اس بس اس ابغا اراجع والله صعبه الماده اليوم
رهف: اووف والله انك ماتنعطي وجه طيب بسكت حتى انا براجع
منى تبتسم وتكمل مراجعتها ويختبرو ويخلصو حصصهم وتجي الصرفه
منى: ها ايش سويتي في الاختبار
رهف: والله الحمدلله ماشي الحال وانتي يا حضرة الدافوره
منى: احم احم ميه بالميه دافوره انا
رهف: هيهيهي صدقت عمرها المسكينه
لجين:اقول بنات
منى: بسم الله من فين طلعت هاذي
رهف: بشويش بشويش فجعتينا
لجين:هههاي اه ياقلبي على الرقيقات اقول من منكم تتشطر وتوصلني...!!
منى: والله ياحياتي انا ما اقدر انا بروح اخد اختي رندا وانتظرها ساعه عشان تطلع فاذا تبي تجي تنتظري معايا تعالي<<<بكااشه اصلا رندا تطلع قبلها وتجي تاخدها
لجين:لالالا شنو انتظر ساعه والله مافيا خلاص بروح مع رهف...!!
رهف قالت في نفسها ايش هالبنت اللزقه ايش اقول لاخوي دحين يالله امرنا لله
رهف: اوكي اوكي تعالي معايا بس....

لجين: بس شنوو

رهف:انا اخوي جايني يعني لو عايدي عندك تعالي معانا

منى ارتجفت يوم سمعت طاري اخو رهف وماتدري ليه السبب بس كان نفسها تشوفه زمان ماشفته وكانت تحمله بعض المشاعر بس تقول مشاعر مراهقين ودحين تلاشت وهوا حاول معاها كم مره زمان بس هيا وقفته عند حده دايما تقول عايدي هوا زي اخويا فمن يوم ما سمعت الاسم قاعده تقول في نفسها زمان ما شفت هالادمي.....احس انه وحشني....لالا ايش هالكلام بس....اكيد احلو زياده.....هو كان اصلا حلو....يلا وانا وش دخلني خلني اروح بيتي وابعد هالافكار البايخه...
منى: يلا بنات مع السلامه
رهف: استني فين طايره نخرج كلنا مع بعض
لجين: دقيقه اجيب شنطتي
رهف:طيب طيب بسرعه بس ...اوف للزقه هالبنت
رهف: اقول منوي اليوم بمركم العصر
منى :تعالي حياك ولو انه مانبي نفتك من وجهك
رهف: ايش طيب اجل خلاص بطلنا ماني جيتكم
منى: لا والله ياحياتي امزح دنتي حتنوري البيت والله
رهف: تسلمي حبيبتي اجل خلاص اتفقنا
منى: اقول يلا اقلبي وجهك لا ياكثر
رهف..!!:دوبنا ياحياتي وش فيك قلبتي
منى: ههه والله ابغا اطلع ومأخريني حضرة جنابكم
رهف:هاذي لجون الله يرجها هي السبب
منى: ههه الله يعينك عليها يلا يلا لجين اتأخرنا
لجين: يلا امشو
ولمن طلعو شافت منى رهف ولجين يدخلو السياره بس ما قدرت تشوف اخو رهف ماكان باين حاولت بس ماقدرت... المهم ركبت السياره
رندا: ايش دا ساعتين وانا استناكي اوف خدامة ابوكي وانا ما ادري
منى...........ساكته كان نفسها تشوف اخو رهف
رندا: هي انتي اكلمك انا
منى: اقول اسكتي الله يرحم والدينك تعباانه وواصله حدي يلا راجو روح البيت
رندا: ااوف تتأخر وكمان لها وجه تتكلم....يلا راجو امشي
راجو:زين ماما
رندا: ماما في عينك انا اجيب واحد قدك امشي وانت ساكت
منى تبتسم في نفسها وتسكت وتكمل افكارها
وراحت البيت وعلى طول على غرفتها واخدتها نومه مانامت من زمان مظبوط مع هالاختبارات.....
ام خالد: ها رندوو حبيبتي شو عملتي في اختبارك
رندا:الحمدلله يمه والله كان سهل مره<<<البكاشه خبصت بس تكذب
ام خالد: وين اختك منى ما اشوفها
رندا:اوف منها بنتك هاذي يمه هلكتني بس تتأخر كل يوم....خلاص خلو السواق يوصلني وبعدين يرجعلها....
ام خالد: لا شو ترجع مع السواق لحالها لاخليك استحملي هاذي اختك
رندا ومبرطمه يعني زعلانه: يصير خير
ام خالد: طيب وينها الحين
رندا: والله مدري بس اكيد نايمه في ساابع نومه
ام خالد: الله يعينها بنتتي مسكينه حبيبتي متعبه عمرها مع الدراسه وماكانت تنام ايام الاختبارات الله يهديها
رندا:هي اقول ترى انا اغار اانا بنتك حبيبتك وبس
ام خالد: ههه الله يقطع ابليسك والله انك حبيبتي ونص كمان بس يلا لا يكثر تعالي معي خلنا نسوي الغدا من شان ابوكي اخاف يجي واحنا ما خلصنا.......
رندا:طيب يلا
وتروح رندا مع امها
ويدخل البيت شخص غير منتظر......رامي ولد عم رندا والبنات وهوعند الباب الرئيسي للفله
ابو خالد: ياهلا والله هلا بالغالي ولد الغالي هلا رمووي حبيبي شخبارك
رامي وهو يبوس راس عمه:هلا بالطيب هلا بعمي الغالي تمام الله يسلمك كيفك انت..
ابو خالد:بخير بشوفتك
رامي: عسااه دووم ياارب
ابو خالد: الله يسلمك اقول حبيبي عندي مشوار اروح وارجعلك ادخل حياك البيت بيتك تدل الطريق كلها ربع ساعه وراجعلك اوكي
رامي:خلاص براحتك انا ادخل ادل الطريق استناك لاتتاخر
ابو خالد:الله يسلمك ياوليدي يالله مع السلامه
رامي:الله معك
رامي يروح للبيت ويدق الباب بس محد يرد فدخل....
رامي:سلام يا اهل البيت هو ايش دا مافي بشر هنا
ويدور رامي بالبيت يدور على احد..بس مافي فايده البيت هادئ...
قرر يروح يشوف له تلفزيون في غرفة الجلسه وينتظر عمه ودخل وما كذب خبر قعد يتفرج ويحوس بي هالقناوات وفجئه تدخل رندا الغرفه عشان تحط الاكل لأبوها وتنصدم من وجود رامي وهو كمان انصدم
اتجمتد البنت من محلها ماهي عارفه ايش تسوي بس بعد ثواني استوعبت الوضع وطلعت تجري
رامي في نفسه !!!!!! من هالملاك؟؟؟؟؟؟
استغرب رامي من هالبنت لانه في الاصل ما يشوف بنات عمه وما يجي هنا دايما بس جننه شكلها الملائكي والروعه اخدته الافكار فحاول ينسى الموضوع ويكمل تفريجه الا وينط عليه خالد
خالد:ياهلا بولد العم هلا توه مانور البيت
رامي وهوا يسلم على ولد عمه ويحضنه:هلا فيك حبيب قلبي واحشني موت
خالد:وحشتك العافيه بس لو وحشناك تجينا تمر علينا تسأل فينا ولا بس فالح في الكلام
رامي وبصوت واطي ساحر:ههه والله اشغال يالغالي
خالد:اوه اوه ايش فيك ياولد الي يشوفك يقول مسحور ههه
رامي: لا والله ههه..رامي في باله((الا خبلتني هالملاك الي كانت هنا من شوي))
خالد وهو يجلس:المهم اخبارك واحوالك ياولد العم
رامي:الحمدلله ماشي الحال انت شخبارك
خالد:نحمده الا ايش الموضوع مشرفنا اليوم
رامي:استحي على وجهك احد يقول كدا يعني ماتباني يلا انا خارج
خالد وهوا يمسك رامي من يده: هيهيهي يازينك وانت تتمصخر اقول اقعد بلا بياخه
رامي:لا والله تعال اديني كف احسن
خالد:بكل سرور.......
وفعلا يعطيه كف بس على خفيف شوي
رامي وهو مقهور:من جد قليل ادب
خالد: ههه اقول مو انت الي طلبت انا مالي دخل
رامي وهو ناوي ينهي الموضوع: طيب طيب اسكت بس
خالد: ايش فيك ياولد العم شكلك مضايق لاتكون زعلت
رامي:لا ايش شايفني ازعل لا بس ابوك قلي ربع ساعه وبيرجع وانا صارلي اكثر من نص ساعه هنا شكله نسيني يلا مو مشكله انا بروح واجيكم مره تانيه
خالد: لا والله احلف انت بس

رامي: ايش فيه؟؟

خالد:مافي روحه بتتغدى عندنا من متى ماجيتنا بالله غداك اليوم عندنا انتهى...
رامي:ههه الله يهديك انت وهالتسلط كل شي تقرره انت ماتخلي للواحد فرصه يتكلم بس يلا انا اصلا جوعان وابغا اكل<<<كذاب بس لمن شاف ديك الملاك ماسكه الاكل قال اكيد هيا الي مسويته ويبغا ياكل من يدها وقال يمكن اشوفها تاني
خالد:هي ابو الشباب فين رحت امشي معايا يالله
رامي:ها ايش تقول
خالد: لا والله انخبل الولد فين وصلت
رامي يبتسم ويقول بصوت واطي:للقمر
خالد:اوه اووه قمر وحركات اقول بلا غباء امشي قدامي بوريك شي
رامي:ايش هوا
خالد:انت تعال وبعدين تشوف
رامي:اوف خلاص طيب امشي
ويطلع خالد ومعاه رامي للحوش الخلفي
رامي: اوف اوف ايش كل هالزين
خالد: ها ايش رايك حلوه مو كدا
رامي: الا تجنن من فين جبتها يابن اللذينا
خالد:شفت كيف مالي يومين مشتريها<<<يتكلمو عن سيارة خالد الجديده
رامي:يالله تتهنى فيها ياعم مين قدك
خالد:احم احم يلا عقبالك لمن تشتري وحده احسن منها
رامي:لا ياعم اانا حقتي عاجبتني ومو ناوي اغيرها ماكلمت تلاته شهور خليني اتمتع فيها
خالد:اها اوكي الله يهنيك بس انتبي على نفسك ترى سرعتها خطيره
رامي:ادري مو عشان سرعتها اصلا اشتريتها
خالد:طيب اقول امشي نجلس هنا تحت المظله نشرب لنا عصير عبال الوالد ما يجي
رامي وهو يجلس على الكرسي:اهوه قعدنا
وخالد جلس قدامه وقال:اقول ابو الشباب فين رايح اليوم بالليل
في ديك اللحظه لمح رامي من الطاقه بنت جالسه على الكنبه وبتكلم بالتلفون وانصدم لمن عرف انها نفس البنت الي قابلها قبل شوي قعد يطالع فيها وهو مو مصدق اشوف هالملاك مرتين باليوم فينك عني من سنين......
رندا:الو
:ايوه نعم
رندا:مها؟؟؟
مها:ها رندوي ايش تبي
رندا:ايش دا من زمان ما كلمتك كدا تتقوليلي
مها:لا حبيبتي بس نايمه اكلمك بعدين اوكي
رندا:اووف طيب باي وتقفل الخط......

في الجهه الاخر

خالد لاحظ شروده:هي انت ايش صار فيك اليوم بس تسرح والله حاله اقول انا رايح اجيب العصير واجي
رامي:ها ها طيب سوي الي تبي وقعد يطالع في هالبنت الي دخلت مزاجه بقوه برغم ان البنات ما يعجبوه كلهم راميين نفسهم عليه فجلس يقول في نفسه مين هاذي ياترى....باين عليها انها صغيره...وقعد يسأل نفسه الف سؤال الين ما قامت من محلها وجات عند الطاقه انصدم رامي وغير تجاه نظره بسرعه خاف تشوفه

وانصدمت هيا نفسها من فين طلع ذا.......

رندا في نفسها ايش الحكايه اليوم اشوفه مرتين بعد غياب سنتين حاولت تروح بس قالت في نفسها تلاقيه مو منتبه ليا خلني اشوفه زمان ما شفته هالحليو بس انتبهت لنفسها وقالت بلا غباء وقامت تبي تمشي سمعت اخوها يناديها؟؟؟
رندا:ها نعم خاالد انا هنا
خال:فينك انتي انهلكت وانا ادور عليكي
رندا ماعرفت ايش تقوله بالله تقوله بتفرج على ولد عمي قالت بسرعه:هنا بكلم صحبتي
خالد:اها اوكي قومي جيبي كاستين عصير
رندا بستعباط:ليه لمين الكاسه التانيه
خالد:ولد عمك رامي هنا
رندا بستعباط ازيد:اها اوكي دحين اقوم اسويلك
خالد:طيب بسرعه وارسيليه مع تيتا<<<هاذي شغالتهم
رندا:ان شاء الله
وتروح تجري على المطبخ وضحك خالد على خبال اخته وراح عند رامي ولقاه سارح في افكاره وقال بسوي عليه رزاله
خالد:هو
رامي:بسم الله الله يكافيك فجعتني
خالد وهوا فاطس من الضحك على شكل ولد عمه:ههه والله انك غبي شوف كيف شكلك الي يشوفك يقول عاشق ولهان ههه
رامي انفجع واخد كلمة عاشق ولهان بجديه: ايش تقصد والله انك غبي اعشق مين واوله على مين صج انك ماتستحي
خالد وهو متعجب!!: ايش فيك يابني قلبت علينا بمززح حرام عليك لا اكيد فيك شي اليوم مضيع
وفي دي اللحظه جا ابو خالد
ابو خالد:ايش فيكم يا اولاد صوتكم واصل اخر الشارع
رامي وهو مضايق مرره:والله شوف ولدك قاعد يعملنا حركات صبيان كأن عمره عشره سنين
خالد وهو يبوس راس ابوه ويغمز لرامي يقول: اخصرك منه يا ابويا قاعد يدلع
رامي حس نفسه يبغا يقوم يضرب خالد بس مسك نفسه قدام عمه فحب يغير الموضوع وقال:ايه صح عمي ليه اتأخرت
ابو خالد:السموحه يابوك والله الطريق كان زحمه قولي ايش اخبار ابوك
رامي:تمام يسلم عليك وهو الي ارسلني ليك
ابوخالد: الله يسلمه يارب واها يعني مو جي تسلم علينا جي عشان ابوك قلك تجي....
رامي:لالالا ياعمي جي اسلم عليكم وجي كمان عشان اعطيك هالظرف الي يقول الوالد انه في اروق مهمه يبغاك تشوفها وقال يمكن يتصل عليك الظهر في مسأله تخص العيله
ابو خالد وهو ياخد الظرف:مشكور ياوليدي يعطيك العافيه
رامي:الله يعافيك
ابو خالد:يلا انا داخل اغير ملابسي والله الدنيا حر ادخلو انتو كمان انا اجيكم على الصاله و ترى يارامي غداك اليوم عندنا
خالد:ايه قله يابويا انا قلتله وهو مو راضي
رامي:ياكذااب والله رضيت عمي سيبك منه هو انا في ديك الساعه لمن اتغدى مع عمي حبيبي واكل من يد عمتي ام خالد ياعيني عليها تؤبرني هيا والفتوش بتاعها بيعقد<<<<بقلد اللبنانين
الكل:ههه
خالد :ايه ايه علينا يا نصاب
ابو خالد:انتو على اي شي تتناقرو الله يهديكم يلا لا تقعدو هنا كتير مع السلامه
خالد ورامي:ان شاء الله
وراح ابو خالد وجات الشغاله بالعصير وتقول لخالد:بابا خالد خد هاذا اصير
خالد:هاتي ياشيخه اصير في عينك وبعدين فينك ساعه اتأخرتي
تيتا:بابا هاذا ماما رندا قول لازم هيا سوي اصير جديد عشان انت مافي يبغا اصير حار
رامي انتبه ماما رندا.....؟؟
خالد:طيب طيب هاتي وروحي انقلعي تبينا نشرب اصير حار الله يقرقك
ههه ها رامي تشرب اصير<<<يتريق على تيتا
رامي:هات يبويا مدام من ماما رندا<<<يتريق مايدري من ماما رندا
خالد:لا والله ماما رندا
رامي:ام يا سلام رهيب العصير....ايه مو هاذي الحرمه تقول كدا..الا صح من هيا ماما رندا هاذي
خالد:احلف انت بس
رامي:ايش فيه
خالد:ماتعرف رندا مين
رامي:لا والله
خالد:اختي ياغبي كيف ماتعرف بنت عمك
رامي انشرق لمن عرف مين رندا هادي وقال معقوله تكون هيا
خالد:بسم الله عليك ايش فيك
رامي وهو يمسح العصير الي انكب على ملابسه:لا ولا شي بس من جد اختك اسمها رندا
خالد:والله ما الومك ماتجينا الا في السنه مره بس برضو لازم تكون عارف اسماء بنات عمك والله انك مخرف ياشيخ
رامي:اقول بشويش اكلتنا انا اعرفها اصلا<<ايه ايه صاادق
رامي:بس كنت بمزح معاك ما صدقت على الله تلاقيلك تهزيئه انت
خالد:اها على بالي بعد ماتعرف بنات عمك
رامي:الا رندا الكبيره مو
خالد:لا رندا الصغيره الي في تالت متوسط
رامي:اها الله يخليها لكم
خالد:امين وبعدين ايش دخلك في اختي اهمد يالله واشرب اصيرك على قولت تيتا عشان ندخل للوالد والله حرينا مع هالشمس
رامي: انت الي مقعدنا فيها محد غيرك يالله خلصت مشينا
واتغدى رامي مع عمه وراح البيت ورندا قاعده في غرفتها على السرير تفكر في الي صار معاها اليوم شافت ولد عمها الي ما شفته من سنتين وكل ماتفتكر شكله وهو مصدوم لمن شافها تموت من الضحك
منى:ها رندو شو فيك<<<متأثرين بلغة امهم
رندا...........
منى:انتي يابنت!!
رندا انتبهت لها:اوف نعم ايش تبي
منى: ولا شي بس ما جات صحبتي رهف او ما دقت تلفون
رندا:لاء لو جات كان عرفتي ولو اتصلت كان قلتلك يلا فارقينا ايش جابك غرفتي....
منى وهيا ماده بوزها شبرين يعني يعني انها زعلانه:طيب وانا اختك حبيبتك تسوي فيني كذا الله يرحم ايام زمان لمن كنتي تترجيني ادخل غرفتك....وتمد لسانها وتطلع من الغرفه

رندا:احسن فكه

رندا ما اهتمت لأختها وقعدت تحوس بأفكارها

منى تطلع من غرفت اختها وتروح غرفتها وتقعد على الطاقه تتفرج على المسبح حقهم والخضار الي في بيتهم وكأنها تشوف بيتها لأول مره ويقطع سكونها وتأملها السياره الكشخه والرهيبه الي توقف قدام البيت شافت واحد نزل منها كأنه قمر يقول للقمر قوم وانا اقعد مكانك وخرجت من الباب التاني بنت كأنها مألوفه قالت مين هاذي او من دا اصلاً....
شوي وافتكرت اكيد هادي رهف ياغبائي وراحت تجري تغير ملابسها طالعت في المرايه شافت نفسها مبهدله والشعر كشه منفوشه قعدت تظبط في نفسها وتتشيك ونزلت وهيا ونازله في الدرج شافت رهف في الصاله مع امها
ام خالد:هلا ببنيتي رهف منوره البيت يابنتي
رهف:مشكوره خالتي النور نوركم
ام خالد:كيفك وشو اخبار امك
رهف:بخير الله يسلمك والوالده تسلم عليك
ام خالد:الله يسلمك ويسلمها وانا كمان وصليلها سلامي
رهف:ان شاء الله يوصل..ام الا فينها منى
ام خالد:والله يابنتي مدري فينها بس هلاء بروح اندهلك هيا
منى:لا مايحتاج انا هنا
رهف تصفر وتقول:اوه اوه ايش هالشياكه ياعيني
ام خالد:بسم الله من متى وانتي هنا
منى:من ساعه وانتو مو منتبهين ليا
رهف:ههه بنتك هادي مصيبه ياخاله
منى وهي تسلم على صحبتها وتغمز لأمها:بس مو انصب منك
ام خالد:ههه الله يسعدكم يابنات يلا انا بدي اروح ارتاح لو تبو شي في عندكم تيتا انا رايحه مع السلامه
رهف:الله معاكي ياخاله
منى:اقعدي الله يرجك متى جيتي
رهف:من ربع ساعه تقريباً وبعدين تعالي تعالي هنا فين رايحه مع كل هالكشخه
منى:ولا محل بس اتكشخ واتشيك لصحبتي حبيبتي ولا ما يحقلي
رهف:لا يحقلك ونص كمان ههه
منى:ههه جيتي مع مين<<<تستهبل
رهف: مع مين يعني مع السواق
منى؟؟؟؟!!!:قولي والله
رهف:ايش فيكي انصدمتي كدا لا امزح مع اخويا
منى:اها قولتيلي....اخوكي مين
رهف:وانا كم اخو عندي تدري ان اخواني مسافرين ومازن هو الوحيد الفاضي والموجود
منى:اها
رهف:وليه كل هالتحقيقات مو بالعاده
منى