قصه مضحكه

1. النشبه


2. "ما ابغى اروح خلاص مالي نفس وتأخر والوقت."


3. "قلتلك امشي وبلا دلع لا تخليني اعصب عليك."

النشبه

كانت هديل بنت جميله وطيوبه حالها حال نفسها ما تحب المشاكل والقيل والقال،وكانت مشغوله بزوجها وولدها ما عندها وقت تجلس فيه مع نفسها 5 دقايق.ما بين طبخ وتنظيف البيت وتكشيخ لأبو الشباب والجري وراء عبودي الصغير ماتصدق ينامون عشان ترمي نفسها فوق السرير وتنام
جاء الويك اند واتصلت اخت زوجها الكبيره ندى.
"كيفك يا اخوي الصغير وش اخبارك وشلون زوجتك وشلون عبودي حبيبي(طبعا مجامله قدام اخوها)؟اشتقنالكم وينكم ما تجونا وما نشوفكم الا بالحسره."
"والله مشغولين انا مع الدوام وهديل مع عبودي تعرفين رجة البزران."
"وش رجة البزران انا ما شاء الله عندي تؤام ولاقلت رجه وما رجه يا حبيبي اللي مو قد العيال لا يجيب احسن له المهم انا وابو ماجد نبي نجيكم اليوم عندكم شيء؟"
"لا الله يحييكم اذا ما شالكم البيت تشيلكم عيوني يا خيتي."
"هديل!هدوله!"
"نعم حبيبي وش عندك تناديني باعلى صوتك؟"
"حياتي اختي وزوجها يبون يجونا اليوم طيب."
"يوه يا قلبي وعدتني توديني السوق اتسوق بعدين انلعب عبودي،تدري اني ما احب الزيارات المفاجأه."
"عبودي يلعب مع عيال خالته ما عليكي منه."
سرحت هديل بافكارها(عيال اختك السوسه بس يأذون ولدي حبيبي وينكدون عليه كل مره واختك تنكد علي بانتقاداتها وتلميحاتها السامه.)
"يا ربي الحين لازم اروح اسوي شعري والبس واتمكيج وارتب البيت واسوي قهوه وشاي وعصير."
"الله يقويك يا زوجتي.احبك!"
"ايه.ايه. وانا بعد."
جهزت هديل نفسها والبيت وعبودي الحليوه.
دق الجرس.
"اف الله يعيني على هالليله."
"كيفك يا خوي وش اخبارك؟"
"الحمدلله انا بخير وش لونك انتي؟"
"زعلانه منك."
"افا ليش الحلوه زعلانه؟ معليش سامحينا على التقصير."
"ايه انشاالله."
"ادخلي الصاله هديل تستناكي."
"وينك يا هديل؟"
"هنا بالمطبخ،كيفك وايش اخبارك شلون ماجد وحامد؟"
"بخير.على قد ما تقعدين بالمطبخ برضه حايس."
"لواتصلتي يا ندى من امس الله يهديكي عشان اقدر اجهز نفسي،والله انا كنت مخططه اروح السوق باشتري اشياء والعب عبودي شوي بس عشانكم بطلنا."
"ما في مشكله يلا نروح."
"لا نصوري اخوكي ما رضي."
راحت ندى لمجلس الرجال وغطست هناك شويه الا وناصر دخل للمطبخ.
"يلا هدول اتركي اللي بيدك وامشي بنروح السوق."
"وش غير رأيك كذا فجأه يعني عشان ندوي توافق وانا ام عيالك ما لي خاطر عندك،وش فيها لو قلتلهم من الاساس اننا نبي السوق."
"يلا يا شيخه امشي وبلا كلام فاضي."

"ما ابغى اروح خلاص مالي نفس وتأخر والوقت."

"قلتلك امشي وبلا دلع لا تخليني اعصب عليك."

دمعت هديل الدلوعه النعومه بس ما بينت لزوجها وانتظرته يطلع من الغرف الا بكت من قلبها "دائما تدوس عليا هالسوسه وانا لازم اكون الكبيره واتحمل طيب ليش ما هو ياخذني على قد عقلي انا ما اعاملها الا بكل ادب واحترام وهيا على طول تجرحني."
قامت هدول ولبست ولبست عبودي الجزمه واخذت عربيته وركبوا السياره.وهديل مره متضايقه وزعلانه من زوجها بس ما تبي تبين عشان تبغى تكون احسن من اخته اللي دايما تحاول تستفزها ماتدري على مين طالعه امها وابوها زي العسل واختهم الصغيره مدى هادئه وخجوله ومع خجلها دمها خفيف "طيب ندى وش فيها حاطه دوبها من دوبي كل اهل زوجي كلهم يحبوني هيا ليش ما تحبني."وقعدت هديل تفكر اذا كان هي سوت شيء ممكن يكون سبب هذا الكره من ندى بس ما لقت شيء.
وصلوا السوق ونزلوا من السياره ودخلوا للسوق.
"ناصر انت وابو ماجد خذوا العيال وروحوا وانا وهديل نتسوق مع بعض."
"لا يا ناصر انا ابغى عبودي معايا عشان ابغى اشتريله اشياء وبقيسها عليه ."
"خلاص حنا ناخذ عيالك يا ندى وخلوا عبودي معكم."
"لا،لا خلاص انا كمان باخذ ماجد وحامد معانا."
بدأوا يمشون بالسوق الا ندى شافت محل عجبها.
"امشي ندخل هالمحل يا هديل."
"لا ما احب اشيائه انا ابغى ادخل نكست عشان فيه ملابس لي ولولدي وملابسه مره تجنن.هذا عبودي مو أي واحد لازم يكون احلى ولد."
"طيب ندخله بعد هذا."
"خلاص انتي ادخليه وانا بادخل نكست باقي ساعه وتقفل المحلات وابغى اشتري ملابس عشان العزيمه اللي بكره."
"لا خلاص بادخل معك."
ودخلوا نكست وقعدت هديل تتفرج على الملابس وكانت ماسكه بلوزه وتفكر وش يمشي معاه اكسسوار وكيف تسوي شعرها . الا تطالع على يمينها الا ندى تشيل البلوزه وتقول
"وش رايك بالبلوزه تناسبني؟"
"ايه تجنن عليكي."
وراحت هديل تدور شئ ثاني ولقت فستان ناعم وحلو اخذت مقاساها وراحت للكاشير تحاسب.وبعد ما حاسبت وخلصت جاء دور ندى مشتريه نفس الفستان ونفس بدلت عبودي.
الحين عرفت السالفه تغار منها عشان دائما الناس يمدحون اناقتها وجمالها.ومحد يعبرها الحين عرفت وش سبب كرهها لها.
"طيب يا ندى اثنين يقدرون يلعبون هاللعبه."
بدأت المحلات تقفل وراحوا هديل وندى لازواجهم وقعدوا على طاوله يفكرون وش يتعشون.طبعا ناصر سأل ندى قبل أي احد وقالت
"انا وعيالي ناخذ فاست فود."
"وانتي يا هديل؟"
"انا ابغى صيني ليا ولعبودي هابي ميل من ماكدونالدز."
"حاضر أي شئ ثاني؟"
"سلامتك."
"ناصر!ناصر! انا كمان زيكم عيالي هابي ميل وانا صيني زي هديل."
"طيب وش تبون من عنده."
"انا زي دايما حبيبي."(تبغى تتوه ندى).
"وانتي يا ندوي؟"
"جبلي وجبة الرز."(توقعت هذا طلب هديل لانها اخر مره طلبت من الصيني طلبت رز.)
جاء العشاء وكل واحد اخذ وجبته وبدأوا يأكلون وبنص العشاء لما خلاص قربوا يشبعون ويخلصون قالت ندى:
"ليتني طلبت المكرونه."
"خذي من حق هديل يا ندوي ترا ما راح تخلصوا."
"لا،لا خلاص شبعنا."
خلصوا العشاء وراحوا يلعبون عيالهم بالالعاب شوي.بعدين كل واحد راح على بيته.
اليوم الثاني راحت هديل لزوجها وقالتله:
"ضروري نروح للسوق حق امس الحين."
"ليش؟"
"الملابس اللي اشتريتها ما طلعت كويسه واليوم العزيمه الله يخليك قوم بسرعه هو محل واحد."
"طيب ما عندك شيء بالدولاب ما شافوه عليك؟"
"لا ما عندي."
"طيب بسرعه ما عندنا وقت."
راحوا السوق وبدلت هديل القطع اللي اشترتها،ورجعت البيت ولبست وتكشخت.وراحوا للعزيمه،ودخلت هديل مع عبودي بكامل اناقتهم وصارت ندى تطالع فيها من فوق لتحت،وهي لابسه الفستان اللي شافت هديل تشتريه.
"واو وش الاناقه هذه كلها يا هديل،وعبودي يا زينه وش الكشخه ذي."
جلست هديل جنب ندى وندى مقهوره مره .وهديل في قمة الفرح عرفت السر في التعامل مع هالسوسه بذكاء وانبسطت بالعزيمه من اولها لاخرها.