قصيدة حبيب لزوج حبيبته

القصيده,,,,,,
وصيه من حبيب لزوج حبيبته::
أبد .. ما جيت ابارك ولكن جيت باوصّيك
على الله ناوي ٍ تدخل بها الليله .. مُعذّبْتي
ترى لولا الظروف اللي عطتْك وحدّت محاكيك
قسم بالله ما تدخل عليها لو علىرْقبْتي
ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي
كذا شاءت بنا الأقدار تحرمني لجل تعطيك
كذا لازم عشان تفوز إنت .. أخسربتجربْتي
تراها غاليه جداً .. وتكفى .. والله يخليك
تدللها .. تدلعها .. تنسّيهامصاحبْتي
أنا من كثر ما اغليها أحس اني بديت اغليك
ولا تسأل بأيّة حق ولا ّ وش هي مناسبْتي
لإنك لو بتسألني بتسمع شيء مايرضيك
لذا ياخوي لا تسأل ولا تسمع لأجوبْتي
واذا هي مالها خلقا..ولا تضحك ولاتسلّيك
تحمّلها وإسألها: يا عمري ليه عصّبْتي؟
وبالك اسمع انّك يوم تضربها وهي تشكيك
مايحتاج اورّي لك بفن الضرب موهبْتي
صحيح انك بتملكها ومعك الصك بالتمليك
وانا عارف حدود الله ومن حقك معاقبْتي
ولكن قلّها المجنون وصّاني وهويعنيك
يقول انّه بينتظرك ولو شيّب وشيّبْتي
وانا مجنونها اللي ما نساها وانت مايمديك
تغطّي ذكرياتي في هواها.. وربْع تجربْتي
أحساني تماديت بكلامي.. والغضب حاديك
ولو انّك في مكاني ماتفكّر في محاسبْتي
كفاك اني تركت الليله اشغالي عشان اجيك
دخلت القاعه برجلي ولا ادري ويش عاقبْتي
واناما جيت اخرّب عرسك الليله ولا أذّيك
أنا جيتك عشان اخاطبكواسمع مخاطبْتي
توصّى..وانتبه..واحرص عليها والله يهنّيك
ترى كل الكلام اللي طلَع من ضيقيَ وكبْتي
ولكنما قدرت انّي أقوله وانت مايخفيك
أخاف انّي إذا قلته تقوم وتقطع رْقبْتي
أخير حبايبي
شفته وغصب عني ,, ن ق ل ت ه ,, لكم