قهوة التنحيف خل التفاح ريديكتيل ابر تنحيف

السلامُ عليكم ..،
صباحُكم شوكلاتة إن كنتم صباحاً ..،
ومسائكم رذاذ إن كنتم مساءً ..،
مالكم بالطويله < مخليه الفلسفه للمنتديات الأدبية ..
،
انا وخالتي نبحث عن طرق تنحيف سريعه بدون صك للخشه ( الفم ) < بطريقة علمية ..
حالياً أستخدم الخلّ .. واقول عسى وعلّ ينفع ..
وخالتي الموقرّه تستخدم ريديكتيل وتقول نحفت كيلو < ايه هين بس .
وانا وخالتي نفكر نشتري قهوة دينا سفلت لكن للأسف كل ماكلمت على صيدلية نفخ علي وقال ماعندي .
وخالتي تستعمل القهوه التركية على الجسم ، وانا اقوله خلي عنك بس هالشحم مايبي له الا منشار يشيل ثلاث ارباعه ، لكن خله تجرب ونشوف وش يحصل معه .
وانا افكر اسوي الأبر الي بمركز التداوي الي تنحف 15 كيلو ب 40 يوم ..!
ولكن ماجزمت الين اشوف خبرتكم بكل الأشياء الي فوق ...!
الي استعملت شي تقول استفادت منه ولا لا ..!
مو لي فقط ، ولا لخالتي الموقرّة ، ولا لكِ أنت كَ عضوة ، بل لنا جميعاً كَ أخوات .
تكفون انا فدا ذا الخشش ان تقول كل وحده وش جربت ووش استفادت ..!
بس يرحم والدينكم لاحد يقولي استخدمت بذرة الكتان ولا معمول بالزنجبيل ونحفت ..!
ولا ريجيم الفاكهه ترا ملينا من هالأشياء العالم تطور وصاير ينحف عن طريق المراسلة وحنا للحين نصك خششنا ...!
،
والله ينحفنا جميعاً ويجعلنا ذخر للأمة الإسلامية ..
منب قايله الي مهب راده لا تمر ، ولكن الي عنده فايده لا يبخل به علينا ...!
هذا ولكم جزيل الشكر والعرفان ..
معلمة الصف الأول ابتدائي < تخرجي انتي بعدين صيري مدرسة .
برايفت :
ماتلاحظون ان خالتي داخله بكل السالفة !
لكن وش نسوي جبر الخواطر صار معنى حضوري وقلت خل اشهر اسلامه <بتنجلد ،اقصد اعلن انه نحفت كيلو وانه متحمسة للرشاقة .
وأيضاً عشان ادعم نفسي واقول فيه احد معك يا بقايا انسانة ..