قهوة المارس اللذيذه بطريقة حرم فهد باشا وبالصور

السلام عليكم
عندي لكم قهوة مارس وربي كل من ذاقها انجن عليها
لدرجة اخوان زوجي وعيالهم مرة تعشو عندي وسويت لهم قهوة المارس
وصارو بس هرجتهم هم لدرجة زوجة حماي قالتلي انتي وش مسويه بعيالي وابوهم
من يوم ماجو من عندتس وهم بس يازين قهوة ام يزيد
ومب بس هذولا .. واحد من خوالي < قدي ياحوبيله
لدخل معي ماسن يزعجني ابي قهوة مارس بس انا نذله احطها بصورة العرض واقهره
ادعوله بالوظيفه تخرج من التمريض ولا توظف
يالله بسم الله نبدأ
المقادير لكوب واحد فقط
مارس الصغير ابو ريال ونص
علبة حليب اي نوع الصافي المراعي ندى
ملعقة كبيرة نسكافيه
ثم تقطعين المارس قطع صغيرة في الخلاط..
بس هنا انا قطعت اكثر من واحد لاني مسويته لشلة اللي ببيت اهلي
ثم تسخنين الحليب ع النار حتى الغليان وتصبينه فوق المارس بالخلاط وتحطين ملعقة نساكفيه وتشغلين الخلاط وكوني حذرة
لاتملين الخلاط اذا كنتي مسويه كثير لانه بيفور عليك
وخليه يدور خمس ثواني فقط حتى تطلع رغوة ويذوب المارس .. بس لاتطولين تبرد
وثم صبيه بكوب وزينيه ببودرة كاكاو .. واستمتعي بالرغوة والقهوة الذيذه
\
وهنا اختي وحريم اخواني صجوني صوريه ونزليه ع بالهم بسوون اغراء خ
وبالنهاية ..
دعواتكم لي بظهر الغيب
ان الله يرزقني ومن احب بالجنة