كرهت زوجي جنني هالرجال

1. بسم الله الرحمن الرحيم السلام عليكم ورحمته الله وبركاته

بسم الله الرحمن الرحيم السلام عليكم ورحمته الله وبركاته

انا معروفه هنا بالمنتدى عشان كذا داخله بنك جديد وسامحوني لو كلامي مو مرتب
المهم انا متزوجة من سنتين ولله الحمد عندي بنت والثاني بالطريق الله يجيبه سالم ويسهل علي وزوجي طيب بس ينرفز مخه مدري وين حاطه ومايطيق اهلي مع انهم مايدخلون والسبب انهم ولله الحمد ماقول انهم اغنياء لا مستورين ساكنين ببيت ملك وكبير ويسافروا بس داخل المملكة طبعا في السنة مرتين الى ثلاث مرات مكه وينبع تقريب شهريا والجنوب كل سنة ويارب لك الحمد عايشين حايتهم انا تزوجته واكتشفت ان الاخ ولا قد سافر لا مكه بس تغير جو لا ومه ماتعطيه فلوس طلع الرجال ع الدنيا وسار مثل امه الحين ما قول مايسفرني لا يسفرني كل بين فترة وفترة ومومقصر علي بس مشكلته يخاف يعطيني فلوس واعطيها اهلي مدري مين مفهمه انهم محتاجينه ومو هذي مشكلتي اللي قاهرتني الحين لأني قدرت اسيطر ع الوضع وما اجيب سيرتهم ع لساني لا بخير ولا بشر بس المشكلة اللي جايبت لي القرف ما يحترمني وكل شوي يقول لي يابلهاء ليش حاطه هذا الشئ هنا واقوله عيب هالكلام واللي حاطه بنتك الله يحفظها وقت استكشافها مو مخليه شئ مكانه المهم هذي الفاظه علي يابلها ياغبية ونتهاوش وازعل منه ابيه يترك هالألفاظ ماني عافه واخرته اليوم قبل العصر بعد ما اخذ مني اللي يبيه قمت بروح للحمام وانتم بكرامه قالي جيبي اللحاف من غرفة الجلسة قلت له مقدر يقولي روحي واقوله مقدر لحظه اروح الحمام ما اطول واجيب اللي تبيه >>> عااد انتوا تعرفون ليه ماقدرت <<< المهم قام وقال لي تفو على وجهك قهرني حسيت من الضيقه اني بستفرغ المهم ارسلت له مسج عتاب واني ريحه بيت اهلي لين يعرف يحترمني هذا من غير انانيته والله سرت ما اطلبه اشياء لي من كثر مايقعد يمنها اذا جابها ااخر مرة طلبته حليب للبنت قعد يهاوش وانتي بس تحلين لها وبس تسوين لهاا خليها مرتين باليوم وبس مسكينة كيف مرتين وهي اللي تجيب لي الرضاعه تقولي بح ام ام لا تقولون حطي لها عصير لأن الثلاجه اغلب وقتها مصفره لمهم جاب لها ما قصر بس قهرني قلت له ابي لبسه وحده للبيبي لان خلاص على وشك ولاده اخاف اولد وهو ماعنده لبس قعد يهاوش احنا ماعندنا ناكل وانتي فاضيه هو صح كان الوقت قبل الراتب بيومين انا سكت وشوي يروح للمكتبة ويشتري له كتب للجامعه هو يدرس انتساب وطير حدود المية ريال قمت قلت له توك تقول منت لاقي تاكل ليش اشتريت الكتب الحين كان صبرت لين الراتب وبدا يرقع ويدافع عن نقسه مع العلم انه يدرس انتساب وباقي اكثر من شهرين للأختبارات بالله ايش ريكم فيه وكيف اتصرف معه ؟؟؟ اشتكي لأخته خاصة ع الثلاجة اللي دايم فاضيه >>> لا ويقولي سوي ايدام شئ ذبحنا الرز والدجاج قلت له اش تبي اسوي لك قالي ايدام بطاطس قلت له الحين اخلق لك بطاطس وطماطم وبصل واسوي لك احلى ايدام جنني هالرجال