كل العرايس يدخلون اجباري قولي لنا كيف انخطبتي

الله موضوع فلته
متابعتكم

تسلميين فوفو
ونتظر مشاركات الفراشات _*_*_

موضوعك حلوو ومميز أكيد الكل بيقول ويعبر عن هاليوم المميز
هههااي
أنا ببدأ
كان الوقت العصر وكلمت وحده من عائلتنا على أمي وقتالت بجيكم وتقهوى عندكم
قالت أمي أوكيه حياك لأنها ما شاء الله دايم تجي مو أول مرة
وأنا دايم اللي أطلع للحريم خواتي الكبار معرسات وكلن ببيتها
وكنت أجهز القهوة والشاي مع الخدامة بالمطبخ دخلوا وسلمت ورحت أجيب القهوة ما دريت إلا اللي تجي من وراي وتبوسني وتضحك تقول مبرووك جاين يخطبونك
أختي اللي أصغر مني كانت برا وتتسمع للسوالف خ
وأنا أعصب عليها وأهاوشها وقلت بلاسخافه خ
<< ما جاء على بالي أبد أنهم يخطبوون
وأروح وأتصل على أختي قلت تعالي عندنا حريم
وأروح وأسوي عمري ما أدري عن شي واقلط القهوة والحلى واقهويهم وأروح وأجي
والله وبطني أنواع المصارعات
خووف حياء مدري اللي هو خ
ولما جت أختي تركتهم ورحت ولا عاد دخلت بعدين قالت لي أمي وقلت بأخذ رأي أبوي وأخواني
قالت ليه هم يبون يتزوجون ولا أنتي خ
من الحياء والله مدري وش أقول
وبعدها كل خواني مدحوه وأبوي ولا عليه كلام الرجال وصليت أستخارة
والحمد لله بعدها وافقت وتمت الملكة
واللحين أجهز للزواج
ووبس
وبالتوفيق لكل البنات يارب
..
.

يله انا اول وحده اقولكم.....
كيف انخطبت ؟؟؟
مرة كنت في بيت صديقتي وصديقتي متزوجة ماشاءالله.. وكنا نتكلم عن الزواج وكذا.. وبعدين من سواليف البنات سألتني الحين لو كان بيديك انتي تروحين تختارين زوجك على كيفك من تختارين؟؟ زي الذكية قلت لها سمير.. وضحكت .. لمن سألتها وراها ضحكت قالت ترى سمير يصير اعز اعز اعز اصدقاء زوجي وعاد وجهي تحول الوان...... وسكت قلت لها نغير الموضوع... قالت لا لا لا خلينا الا قامت تسألني كم سؤال ورجعت للبيت... وبعده بكم يوم امي دخلت غرفتي وقالت سمير جاي يشوفك؟!؟! عاد سمير الله يخليه معروف عندنا في المجتمع.. وامي سبحان الله كانت دايم تمدح فيه وتقول ياحظ الحرمه اللي تأخذه .. لأن ماشاءالله تبارك الله معروف بأخلاقه وكل شيء فيه... ((قولوا ماشاءالله))
وش كان شعوري يوم امي قالت لي انه بيجي يشوفني؟؟
اول شيء كنت فرحانه لأني تمنيته نصيبي... <<< سواليف البنات... ونفس الوقت بغيت اذبح صديقتي علشانها كلمت زوجها بدون ما ادري.. ونفس الوقت وربي دمعت عيوني علشان فرحت... فدخلت غرفتي ودقيت على صديقتي على طول وقلت لها سمير اليوم جاي يشوفني.. وقامت تصارخ وقالت ادري ادري ادري زوجي قال لي وانا شوي واجي عندكم!! قلت لها لا تكفين بعدين تعالي................
يوم الشوفة.....
والله يابنات ذاك اليوم يوم ما انساه.... انا علشاني توني صغيرة ((18)) تعودت دايم اسوي اي شيء مع امي ((الله يحفظها)) فأقولكم شيء يضحك.. خلاص لبست وكل شيء وابوي دخل عندنا وقال لنا يله سمير مستعد يشوفك.. عاد انا وقتها خلاص حسيت كأني ابموت.. اول مرة ادخل عند رجال غريب ويأخذ حريته ويطالع!! المهم قلت ماني داخله الا مع امي.. وامي وابوي ضحكوا.. وصار لنا ساعة وانا حالفة ما ادخل من غير امي << وش جابها امك تدخل معاك.؟؟ هي اللي بتتزوج ولا انتي.؟؟؟
المهم في الاخير يوم شافوا اني جلست وماقدروا يقوموني << وشو ابوي بيشلني غصب ويجلسني عنده..؟؟ لا طبعا
المهم ابوي راح لسمير وقال له معليش بس مرأتي بتدخل معها والله ابو الشباب ماهمه اهم شيء في شيء اسمه شوفه!! عاد امي لبست عبايتها ومشينا لمجلس الرجال.. وانا ماسكه في عبايتها << زي البزارين اول يوم للمدرسة..
عاد تخيلوا وصلنا خلاص دخلنا وانا لحد الان ماسكه في عبايتها,... الا صارت تمشي في المجلس علشان افك ايدي.. والله واقسم بالله بنات اني مشيت وراها وماسكها في عبايتها.... وبعدين جلست وجلست جمبها.....
وابو الشباب ماشاءالله تبارك الله ماشال عيونه!! << ياخي نزل راسك دقيقتين حتى انا ابشوف!!!
المهم بعد ذاك اليوم الحمدلله تم الموافقة والحمدلله مملكين ل 4 شهور و19 يوم... وباقي على زواجنا شهرين و23 يوم اظن بعد........
والله يخلي لي عصفوري ولا يحرمني منه ويتمم لي كل شيء على خير يارب...

موضوع ختير
الله يوفق عرايس منتدانا الحبيب
ويسعد المتزوجه
ويرزقني ويرزق كل الي مابعد جاها نصيبها اللهم آآآآمين
تصدقون يابنات من تخرجت من الجامعه اكثر من سنتين ونا ماطلع من البيت يعني للمناسبات الا نادرآ كذا طبعنا لان ماعندنا اقارب كثير مدري شلون ابنخطب ادعولي يابنات الله يوفقكم ملينا من العزوبيه

الموضووع يجنن ننتظر بااقي البناات
عقبال كل البناات يارب

أهلين مووضوع حلو
انا عن نفسي الحين مخطوبه بس سبحاان الله أنا تقريبا ولله الحمد كل ماأروح تقريبا مناسبه كبيره الا أنخطب فيها وكثيير اللي خطبوني بس ماكان يحصل نصيب
وسبحان الله جااوني نااس ماكنت ابدا ابدا أتووقع انه من هالعائله راح يوم يخطبووني لانهم ماالهم صله فينا ابدا و الصرااحه مانعرف كيف عرفونا وأهله ماكان يعرفوني يعني أقصد كشكلياً م
والنقطه الثانيه اللي هي شعووري لما قاالت لي أمي رفضت على طول وأصريت اني رافضه كم يوم بس بالأخيير اقتنعت لان الكل يمدحوه وكل شئ زين <<<<بس أنا ليه كنت رافضه مادري ليه لا تسألوني هع هع
** وشعووري بكل صراحه جتني ضيقة نفس مخلووط مع خوف<<< وش قاالو كرريم خ
وسلامتكم

8888888888
على شان كذا أقول لدلوعه ماركه مو شرط المناسبات يعني نصيبك حيجيك بإذن الله
بس أدعي انه يكون الأخير والأصلح لك<<<<<<<هذا اهم شئ والا ياكثر اللي تزووجو وحياتهم بعد الزوااج ماووذااك الزوود
الله يوفق الجميع

واو
موضوعك حماس
بس عنوني توجعني أبي أنام
ولي عودة إن شاءالله بتفاصيل خطوبتي والشوفة