كل وحده زوجها مسافر او بسافر تدخل تساعدني

1. مرحبا يا خواتي بدي مساعدتكم بترجاكم قاعدة على نار


2. طبعا المشكلة الي صارت رح احكيلكم بعضها 0

مرحبا يا خواتي بدي مساعدتكم بترجاكم قاعدة على نار

انا زوجي مسافر ع دبي صار اله 6 شهور طبعا كان يحكي اولها كل يوم بعدين صار كل يومين بعدين كل اسبوع المهم انا اتعودت انه كل اسبوع يحكي معنا وانا طبعا كل شيء بصير معي بخبره على طول اول بأول 0
حتى لو صار معي مشكلة بخبره بس بلاحظ عليه كثير بنزعج مني لما اخبره وخصوصا اذا كنت ببكي وبس يسمعني ببكي بيعصب علي وبقلي انا بغربة المفروض تحكي معي حكي حلو مش مشاكل وبصراحة انا بزعل من كلامه وصدقوني ما بحكيله الا المشاكل الكبيرة الي ما بعرف اتصرف فيها علما اني ساكنه عند اهله طابق لحالي بس علاقتنا مع خوانه وخواته ومرت ابوه مقطوعة نهائيا من زمان وما بنحكي مع بعض مع العلم انه امه وابوه متوفيين وبصراحة اكثر مشاكلي مع سلفتي والله انا بحالي بس في ظروف بتجبر الانسان ان يتعامل معها انا عارفة اني طولت بالحكي بس عن جد بدي حل لمشكلتي مع زوجي 0

طبعا المشكلة الي صارت رح احكيلكم بعضها 0

الخط الرئيسي للمجاري اغلق وفاضت المجاري ببيتي ولما جبت مواسرجي عشان يحل المشكلة ما في مجال يحلها غير من ورا بيت سلفتي ولازم المواسرجي يدخل بيتها عشان يدخل ورا البيت طلبنا منها المفتاح لانه زوجها مسافر وعلاقتنا معهم قبل ما يسافر زوجها نوعا ما ماشي حالها بس عمرها ما كانت هيك معنا وطبعا هي مقيمة عند اهلها لانه اهلها جيرانها قالت مفتاح بيتي ضايع طبعا انا متأكدة انها كذابة وما بدها تعطينا المفتاح لاني بشعر انها كثير بتغار مني وما كان في حل غير يقفز المواسرجي على سور بيتها عشان يحل المشكلة إجت معصبة وبتصيح وفتحت بيتها ( سبحان الله لقت المفتاح ) طبعا ودخلت على المواسرجي ورا البيت وقالت رح ابلغ الشرطة عنكم وما في إتصلحوا المجاري وطبعا احداث كثيرة صارت فانا خبرت زوجي بالقصة وعصب وزعل 0
شو اعمل كوني مكاني بيتي مفروش سجاد وموكيت وكله صار نجاري و اشياء ثانية مش قادرة اكتبها بس أكيد افهمتوا 0
فانا مش عارفة لازم اخبره كل شي ولا ما اخبره 0
مع العلم صار اله 9 ايام ما حكى معي ولا ارسلي رسالة بس انا كل يوم ببعثله اكثر من رسالة 0
شو اعمل مشان الله ساعدوني انا صح ولا غلط لازم احكي معه حكي حلو ولا شو اعمل 0
انتظر مساعدتكم لي ومشكورين 0