كلكم أزواجكم زي زوجي

زوجي طيب وحبوب ولله الحمد
بس يتصرف تصرف غريب ماني لاقيتله تبرير
لمن نكون في مكان عام زي السوق أو مطعم أو سوبر ماركت أو مكتبة مثلا ( زي أمس ) ويشوف أحد من أصحابه أو أحد يعرفه على طول ينحرج ويقولي يالله نطلع
آخرتها أمس كنا في مكتبة جرير وشاف واحد من زملائه وصار يقنعني نخرج ونرجع وقت ثاني مع اننا ما أخذنا إلي نبغاه ؟؟؟
قالي أنزلك مرة ثانية أو نروح فرع ثاني مع ان زميله شافنا خلاص يعني اش الفائدة ؟؟
أنا اتضايقت وسألته اش سبب تصرفه ؟
قالي جواب ما أقنعني يقولي أغار عليكي
طيب يغار من ايش وعلى ايش
قلتله أنا الحمدلله حجابي كامل ومتسترة يعني لو شافني زميله ماراح يشوف ظفري حتى ليش الغيرة
يقولي ما أدري أنا كذا
نفسي أعرف كلكم أزواجكم كذا ولا بس زوجي ؟؟
وتتوقعوا اش السبب ؟؟ أنا تجي في بالي أفكار كثير بس أتعوذ من الشيطان بصراحة ما شفت أحد كذا ؟
أنا لمن أخرج أكون مرتبة ومتحجبة وعبايتي ولله الحمد على الراس ياليت أحد يفسرلي تصرف زوجي