كلكم معزومين عندنا في البيت لا أحد يصرف لايفوتكم بيتنا خيال

بسم الله الرحمن الرحيم
السلام عليكم ،، ورحمة الله وبركاته
خطرت على بالي فكره
قلت ليش ما أعزم بنات المنتدى في بيتنا
طبعا بيتنا ما شاء الله بيآخذكم كلم
وأبيكم قبل لاتشوفونه تقولون ماشاء الله
طبعا بالنسبة لي انا أبتولى امور العزيمه
وبجيب كل شي معي
واللي بتجيب معها شي مهيب شينه
تعالوا اول شي نفرجكم على البيت من عدة زوايا
وش قلنا قولو ماشاء الله
هنا البيت من الجهه الخلفيه
تشوفون ترى فيه سحاب عادي لو احد بينحاش والا اللي بيصرف احد والا حاله طارئه
هذي الصوره من بعيد تخيلو شكلنا وحنا متواجدين قهوة وشاهي وبساكيت وحلى وعلوم سفره
طبعا اللي تدوخ من المرتفعات انصحها لاتجي
ترى فيه درج والبيت معلق فوق
وتكفون اذا فيه وحده سمينه لاتجي
مالها داعي يطيح البيت
قولو ماشاء الله
ترى المكان وسيع مره
وعشانه وسيع الغدا بالدور يعني يتغدون خمسه ويطلعون ويالله اللي بعدهم
اول خمسه يدخلون أول شي عشان يصلحون الغداء
بس الله الله في الفلفل
واذا خلصتو من العلوك لاترمونها على الكراسي
هنا البيت من داخل
طبعا لا احد يجي ويقول افرشو السماط
االدعوه صحون وملاعق
واللي ماتعرف ماني قايله لاتجي
بس تتغدى في بييتهم قبل لاتجي
وش رايكم بموقع البراده خيالي صح
اللي قصيره وماتطول الله يعينها تلبس كعب
واذا الكعب مايوصل تجيب من بيتهم مطاره بس لازم تعبيها مو تجيبها فاضيه
ترى البنات عندهم مقالب يحطون فيها شطه والا فيري
هذا الميكروويف
هذا اللي بنزهب فيه الغدا
الله يعينكم شكله بيصير محترق
بنقعد نسولف عصيرات جلكسي وشاني على شاني
هذي جلسة المصاراحات يعني احد يبي يفضفض
محظورات
ممنوع الحظور بالسيارات الفارهه ( يعني تعالو بددتسن _ تكسي _ سيكل _ مشايه )
ممنوع المزح الثقيل ( البيت رفيع والمستشفى بعيد وطريقة اسعافه " نحطها بصحن الددتسن ونطير بها يعني ماتوصل المستشفى الا وهي رايحه فيها " )
ممنوع اصطحاب اللاب توب وطقة الاجهزه كلها حتى الجوالات لاتجيبونها
في الاخير
اترك لكم اقتراحاتكم وش تبونا نسوي بعد
اللي عندها فكره تطرحها
ونشوف نوافق عليها والا لا
واذا عاجبكم الاثاث والا لا
انتظر اقتراحاتكم
للأمانه منقول