كلمة دريم جننتني

السلام عليكم كيفكم فراشات انا حابه اكتب لكم مشكلتي وياليت تساعدوني لو سمحتو
انا مشكلتي بدة تقريبآ من 6 او 7 شهور وهيه انو زوجي المصون جاب رسيفر يجمع تقريبآ
القنواة مثل الشوتايم واوربت وقنواة الكوره والاخبار طبعآ في البدايه كنت معارضه الفكره
بس يعدين رضيت لانو كان مصمم انو يجيبه وعذره الوحيد انو يتابع الكوره لان زوجي مجنون
كوره طبعآ جابو وحطه في مجلس الرجال من ناحيه ما احب الكوره ومن ناحيه زوجي كمان يحب الافلام المصريه موت وانا عكسه تمامآ في البدايه زعلت بعدين رضيت قلت مدام انو في البيت احسن من انه يطلع برى بس شويه شويه صار يقضي اغلب وقته في المجلس
واحنا بس يمر مرور الكرام اقصد في الصاله وصار يتابع الافلام المصريه بكثره والاجنبيه كمان
انا مابقولكم اني مره ملتزمه بس ما احب الافلام وخاصه المصريه والاغاني كمان ما احب اسمعى زوجي عكسي ما راح اضلمه لانو اوقات لما اكون جالسه معاه يخفض الصوت اذا
فيه موسيقى وكمان اذا جا لقطه مو حلوه معى انو متاكده مليون في الميه انو اذا جابو
لقطه مو كويسه وهو جالس لوحده ماراح يقلب بس قدامي مسوي نفسه المهم انا كنت مطنشه بلعربي استسلمت خلاص الي خلاني ازعل واشك قريت قبل فتره فيه وحده من الاخوات كاتبه مشكلتى انو زوجى جايب اوربت والشوتايم وسالت اذا هي كويسه ولا لا
معى انو مافيه افلام كويسه ردت وحده من الاخوات اذا فيه مكتوب كلمة دريم على الرسيفر
تعرف انو ماهي حاجه كويسه انا طبعآ توني اليوم اقرى لقيت مكتوب على الرسيفر دريم بتقولو وينك نايمه بس وش اسوي المهم ياليت الي تعرف وش يعني كلمة دريم ترد عليه لاني مره متضايقه ومعصبه لاني خايفه يكون يتابع اشياء بايخه وانا نايمه في العسل ادري طولت عليكم بس من الحره الي فيني بليز ردو عليه ولو بدعوه انو ربي يصرف زوجي عن الرسيفر هذا ويرميه وافتك منه