كله الا زعلك يالغالي

ان زعلت برضيك
وكل عمري فداك
والزعل
ماازعله
يالغالي عليك00
لوتامر بروحي
تلقاها
تراضيك
لوتطلب
عيوني في
لحظه تجيك00
ف ي الزواج قد تحصل مشاكل وكل طرف يرى انه على صواب بس لازم حد يتنازل ويبدا بالمصالحه
زوجك زعلك زعلتيه
لاتستنجدين بالاخرين
الاخرين ماعاشو مع زوجك
انتي الي عايشه معه وتعرفين مخارجه ومداخله
وتعرفين كيف ترضينه
يمكن غيرك يعطيك حل يزيد مشكلتك
دائم عودي زوجك بوقت الزعل ع الاعتذار والمبادره
حتى لو كنتي انتي المخطيه
هذا زوجك الي راح تكملين معه نص عمرك
اذا ماسعيتي ورا رضاه وش تكسبين
لاتعودينه ع القلب القاسي والعناد
انك ماتقبلين عذره الابعد وش
او ماتعتذرين له الا بعد فتره
طيب انتي يوم تزعلين او هو يزعلك
وش تحسين فيه
ماودك تراضينه وتغيرين نفسيته للاحسن
ماودك الزعل يبقى بينكم
شوفي يالغاليه ياما تزاعلت انا وزوجي وياما تراضينا
واحيان نزعل ع اشياء تافهه
وزوجي ياما تلفظ علي وقت الزعل ويسمعني كلام اتجرع مرارته
انصدم ان الكلام ذا يطلع منه
بس عمري ماحسبته ع كل كلمه قالها لي بوقت الزعل
الانسان بوقت الزعل لايشعر يتفوه بكلمات غير مقصوده
انتي لو سمعتي منه كلام جارح انتبهي تردين ولا تلفظين مثله
لان لو تلفظتي يمكن تودين نفسك بداهيه
الرجال مو مثل البنت
اي كلمه تنساها
هو ماينسى يقعد يحاسبك عليها خصوصا وقت الزعل مايفوت شي وده يزيد النار حطب
الي بقوله يالغاليه
=لاتحسبينه ع الفاظه وقت الزعل
=حاولي تلزمين الصمت الا في شي هو يسئلك عنه ومحتاج اجابته
وجاوبي بهداوه وحاولي تمسكين اعصابك للاخر
=ويتلفظ او يصارخ عليك حاولي تهدين منه بالفاظ حلوه الكلمه الحلو تكسر كل شي
هد من نفسك ياعمري وماراح يصير الا الي يرضيك
صح كلامك ياعمري انت تامر
ادري ياعمري انك زعلان حقك علي
امر تدلل وش الي يرضيك
ادري اخطيت وانت قلبك كبير وبتسامحني واوعدك ماكررها
ليني قلبه بكلمات حلوه
ادري ياروحي زعلتك وانت مرهق ريح نفسك وان شالله مايصير الا الي تبيه
الحين ماراح نتفاهم بهالطريقه وانت معصب وقالب الدنيا
ريح نفسك وحاولي تمسكين يده وتقولين له كلمات حلوه تجبر بخاطره
مسك اليد وقت الغضب وزعل يهدي من الاعصاب
ياقلبي انا مالي غيرك ان مارضيت علي وش لي بالدنيا وبوسيه
وروحي اتركيه بمكانه
وجيبي له كاس عصير بارد او اي شي بارد ونزليه واتركيه مع نفسه
واطلعي
واذا هو المخطي
لاتقلبين الدنيا
واجهيه بخطاه
وقولي له كلمات تحسسه بضميره
وشلون تسوي فيني كذا
ماتوقعت اسمع منك كذا
انا ادور رضاك وراحتك ومارضى يصير لك شي بسببي وشلون ترضى هالشي
وشلون يافلان تقدر تزعلني منك
ماكنت متخيله اليوم الي تزعلني منك
كنت اتوقع ازعل من البشر الا انت
يرضيك زوجتك وام عيالك ودلوعتك زعلانه منك
وروحي واتركيه
وشوفيه يركض وراك
واذا جاء يراضيك
اقبلي عذره ع طول ولاتعاندين وتغلين عليه وتكبرين السالفه يكفي انه جاء لعندك
وطيبي خاطره برضاك عليه وتفاهمو وتناقشو بطريقه مرضيه
مو تقعدين تحققين معه هو ماجاء يراضيك الا حاس بذنبه
انتي لارحتي تراضينه ماودك يرضى عليك بسرعه وترتاحين
هو نفس الشعر يبي يرتاح
دوري راحته مثل ماتدورين راحتك
=دائم خلو الاعتذار مبدا لكم
لاتكبرين ع زوجك وتمادين بزعلك ماراح ينفعك تماديك بزعلك الا بيزيد همك هم
وش فيه احلى من تزعلين وتراضين زوجك بنفس الوقت
ولا تجلسين كم يوم وانتم متخاصمين ولانك عارفه وش تسوين وكيف تراضينه
كل ماطالت فترة الزعل كل ماصعبة الامور اكثر
تعوذي من الشيطان واكسري الزعل
لاتخلين الشيطان يبعدك عن زوجك
بادري بالاعتذار
تسابقو ع هالصفه
عوديه ع الاعتذار
مهما كان هذي حياتكم ولازم تبنونها ع شي لمصلحتكم
الاعتذار مايطلب منك شي
ممكن بوسه ترضين زوجك
ممكن بكلمه وحده يرضى
ممكن بتصرف عفوي منك يرضى
ممكن بابتسامه منك يرضى عليك
اقبلي لزوجك بابتسامه وانتي بااحسن منظر واجلسي بجنبه
وشوفي وش نقظة ضعفه الي تقدرين ترضينه بها
مثل وهو جالس تعالي اجلسي جنبه وبوسيه حتى لو صد او ماتكلم
وقولي له
بدعابه
شف الشباك بصوت مفجوع الدنيا ظلام بزعلك
اضحك خل الدنيا تضحك لنا
يرضيك حالنا
يهون عليك فلانه متضايقه وزعلانه
اشتقت لضحكتك وبوسيه
متى اسمعها
اضحك نعنبو من لامني بضحكتك
يازينك لارضيت علي قاعده اتخيل شكلك وسوالفك وضحكتك
والله اشتقت لافلان هذا ابو ضحكه وابو سوالف مو ذا الي زعلان<صدقيني راح يضحك او يبتسم بس انتي زودي شوي بالكلام
يعني انتي وشطارة اسلوبك والله بكم كلمه ترضينه وبكم كلمه تسحرينه فيك
انت امر تدلل قلي وش يرضيك اسويه الحين لعيونك والله ماقدر ع زعلك
كم عندي فلان
=لاتخلينه ينام وهو زعلان
وقولي والله ياعمري ماانام لين ترضى علي يرضيك مانام
انا وش لي بالدنيا اذا مارضيت علي
ارضى علي ياعمري عسى الله يرضى عليك طول العمر
الله يرضى لي عليك ماابيك تنام وانت زعلان مني وبوسيه وراضيه واعتذري
ترا والله يالغاليه مافيه احلى من الاعتذار وطيبة الخاطر
لاتبخلين ع زوجك بالاعتذار
= دائم لاتكبرون المشكله لازم واحد يمتص غضب الثاني ويهدي منه
ولو تسمعين كل شي دخليه مع اذن وطلعيه مع اذن ولاكنك سمعتي شي
واذا قالك انا اسف جرحتك بكلام وقلت لك كذا
قولي لا ياعمري ماقلت شي والي قلته ماحاسبك عليه لانه وقت غضب وزعل وانت كبير بعقلك ومايطلع منك الا كل حلو<اكسري مجاديفه بالكلام اللين صدقيني بتكبرين ويحس ان وراه حرمه عقلها يوزن بلد
ماهو لاقالك وتاسف قلتي الا جرحتني وقلت وقلت<هنا بتكبر المشكله وبيقول وقت غضب ومدري ايش وبيقعد يقنعك وانتي بتكبرين راسك
بكذا بتخسرين اشياء كثيره
لاياحلوه طولي بالك عليه وقت الزعل ولاتاخذين بكلامه حتى لو سبك وذمك انا وربي اسمع كلمات بس اسوي نفسي ماسمعته احاول اطول بالي للاخر
عودي نفسك ع طولة البال امسكي نفسك عن التلفظ والزعل لازم تحكمي بنفسك والفاظك اذا ماتحكمتي بنفسك ماراح تعيشين
اغصبي نفسك ان تعودين مثل ع مزاج زوجك
اغصبي نفسك انك ماتعزعلين من اي شي
تحلي دائم بطولة البال
تصنعي طولة البال بالبدايه بس بعدين بتصير فيك عاده
وهنيئالك هي عاده حلوه
حاولي تسيطرين ع نفسك قدامه
الزوج لاشاف زوجته ضعيفه وماتحمل اي كلمه
ماهو ملزوم فيها يبي له زوجه وسيعة بال وشخصيتها متزنه
انتي لاشفتي زوجك شخصيته ضعيفه ومايتحمل اي شي مو تتضايقين
هو نفس الشعور واقوى
=لاتتناقشون امام الاولاد اوزوجك يقعد يصارخ ويتلفظ حاولي تروحين للغرفه وهو راح يلحقك وسكري الباب
وتفاهمو
ودائم قولي له مشاكلنا مو لازم عيالنا يشوفنا وحنا نتهاوش او نتزاعل مانبي نبين لهم شي انت تعرف وش راح يصير لهم بتنكسر خواطرهم
الله يرضى لي عليك خلنا نتفاهم بينا
=ان كنتي المخطيه اعترفي بخطاك فالاعتراف بالخطا فضيله
ياقلبي انا اخطيت عليك وانت قلبك كبير وابيك تسامحني
واوعدك ان مايتكرر خطاي
ادري اني اخطيت وانت ماتستاهل الي صار لك انت مالك الا طيبة الخاطر قلي وش يرضيك وابشر بعزك يالغالي
حببي زوجك فيك وقت الزعل
بطولة بالك وبتحكم نفسك وبرجاحة عقلك وبكلامك اللين
وبرضاك وقبول عذره
ابحثي عن رضى زوجك وسوي الي يرضيه
لاتمادين بالزعل
ولاتدخلين احد بزعلك انتي وزوجك
الناس ماراح تنفعك يمكن تضرك
والي تقولك ازعلي لاترضين
عشان يحس ولاتعتذرين
خلي عندك كرامه
وش كرامه هذا زوجك مابينكم كرامه
اكسري كل الحواجز لرضاه
وتذكري حديث الرسول صلى الله عليه وسلم
( أيما أمرأة ماتت وزوجها عنها راضي دخلت الجنة ) رواه الترمذي ...
اعتذري له وبيني له انكسارك واعتذارك بكلمات حلوه
وحسسيه ان رضاه عندك هو كل شي
هو اختارك وانتي قبلتي فيه محد جبرك عليه
ترضين حياتك يصير فيها شي بسبب زعلكم
انتي اخترتيه وهو اختارك فحافظي على حياتك وعلى زوجك
واذا فعلا تحبينه وشاريته
دوري ع رضاه ولاتسمحين لزعل بينكم
كلنا نزعل ومافيه حياه تخلي من الزعل
لاكن عيب الزعل لاطول وقعد الطرف الثاني يعاند بالرضى
حلاوة الزعل لاجاء بتراضي
ارضي واضحكي وانبسطي مافيه شي يدوم ع حاله
هذي الدنيا زعل وتراضي
يعني لو طولتي بزعلك وش تكسبين الا بتحسرين وتمنين انك رضيتي من اول ماطيب خاطرك
وانتي لاشفتيه زعلان
لاتقعدين تكابرين
وش تستفيدين لاكابرتي ع زوجك
اعفي عنه واصفحي
واكسبي الاجر
لاتغيرين من نفسيتك وقت الزعل
وتصيرين جافه باسلوبك
وماتهتمين بشكلك
لاتخلين الزعل يكشف فيك اشياء
خليك فلانه الي متعود عليها خلي اسلوبك حلو وشكلك مرتب
واذا ناداك مو تجين مكشره
وتردين بنعم او هلا
لا ماعليك
ردي باسلوب حلو
نعم ياعمري هلا قلبي
عيون فلانه
لبيه يالغالي
امر ياعمري
اذا طلع زوجك من البيت وهو زعلان
روحي ونظفي البيت ورتبي شكلك وبخري بيتك
خليه من يدخل يشم البخور والعطور وله اثر ع النفس
ويلقاك مرتبه وشكلك يفتح النفس
يمكن يلين ويرضيك
ااما يجي يلقى البيت مو مرتب والزوجه مو مرتبه وهو النفسيه عنده واطيه راح يزيد توتر وزعل
الانسان دائم يدور ع اماكن الراحه والاسترخاء
وانتي وفريها لزوجك
عند الاعتذار لزوجك
بيني له انكسارك له
وانك ماتقدرين ع زعله
وتدورين ع رضاه
ونتي قادره تعيشين بسعاده وراحه وهو زعلان منك
وان زعله يهمك
وصفي له حالتك بزعله
انك مو مبسوطه وماتعرفين تعيشين بدونه
واخذي بالكلام الحلو
راح يلين لاشاف انكسارك وخضوعك له
وبوسيه وقولي ابي من الدنيا الارضى الله والديني ورضاك
لاتحرمني من رضاك يالغالي
ان من لي بالدنيا غيرك عساني مانحرم منك يابعدهم كلهم
ابعثي له مسجات عن الزعل
وانك تحبينه
وستغيرين من اجل رضاه
وسوف ارفش لك الارض ورد وحرير لاجل ترضى عني
ثم افرشي له الارض ورد
من المدخل الى غرفة النوم
اعمليها ع شكل ممر
وحاولي تاخذين لك ورده او باقة ورد
اذا موجود عندك بالبيت سلة ورد اقطعي منها
واول مايدخل
قولي له تفضل
ياعمري الورد للورد بترد خاطري وماتاخذها لازم تاخذها عشان خاطري الله غفور رحيم وانت ماتبي تغفرلي ع خطاي وترضى علي
وطيبي قلبه بكلام حلو
وحاولي تراضينه
او اكتبي بورقه كلام عن الرضى لو مسج بسيط
بورقه
وعطيها ولدك الصغير يعطيها ابوه قولي رح لبابه وقل بابه خذ
واذا عندك ولد كبير ويفهم خلي ولدك يقول له بابه لقيت الورقه ذي اقراها
وخليه يفتحها ويعرف انها منك
او اخذي لج كرت احمر حلو واكتبي فيه عبارات حلوه تراضين بها زوجك
ونزليه بمكان جلوسه
او اكتبي ع مراية الحمام او المغاسل عباره تراضين فيها زوجك
يعني خلي لرضاك مواطن مو بس بالكلام عشان يعرف ان رضاه يهمك
راضي زوجك وابحثي عن اي شي يرضيه لاتكبرين عليه وتقولين ماراح ارضيه ولاراح ابحث وراه اذا شافك مو مهتمه برضاه راح يعرف قيمته عندك وانك مو مهتمه فيه الرجال يحب الاهتمام
حسسي زوجك باهتمامك فيه وسعي لرضاه
خليه يحس من اهتمامك انك شاريه زعله وتبين رضاه
اذا رضى زوجك عليك وتراضيتو
ضميه وبوسيه
وقولي له
الله لايحرمني منك
شفت وشلون الدنيا صارت حلوه يوم رضيت
وروحي جهزي له الاكل واضحكي معه وسولفي عليه
الي يزعلك يزعلني
والي يرضيك يراضيني
اذا اخطيت عليك لاتاخذ بخطاي وتزعل خلك احسن مني وصحح خطاي
وانا لاشفت الخطا منك بغفر لك واصحح خطاك
رضاك بالدنيا ومن غيرك أرضيه.
مآبه أحد غيرك يساوي حياتي
اختكم : بنت العتيبي