كنت احسب لوحدي اتاري اغلب البنات هنا زيي

1. صباح الخير


2. كيفكم يا احلى الفراشات والصديقات

السلام عليكم ورحمة الله وبركاته

صباح الخير

كيفكم يا احلى الفراشات والصديقات

انا اليوم اول مرة ادخل واشارك هذا القسم دايما اشوفة واتعداه ولا اقرا شوية وامشي قلت ليوم خليني اتعمق لما دخلت وشاركت في بعض المواضيع بصراحة حسيت ماشاءالله فية اخوة وحماس وردود حلوة والي هذا الي خلاني اشارك
بدخل في الموضوع زيي زي اي وحدة هنا اتمنى اتزوج وانا بصراحة ماني صغيرة بس ليش احس اغلب البنات مهمومين حتى لو تاخرتي في الزواج او مطلقة في حلول ومواضيع حلوة بقلك يلا روحي جيبي ورقة وقلم اكتبي وشخمطي على كيفك كل الي في قلبك طلعية في ذي الورقة تعرفي انو كان السلف الصالح الله يرحمهم يخصصو لرمضان دعوات يلحون فيها طوال شهر رمضان في السجود وبعد الصلاه وقبل الفطور واحلى شي كانو يقولو فوالله الذي لا اله الا هو لا ياتي رمضان القادم الا وقد اعطانا الله جميع حاجاتنا شفتو كيف والله كلام جميل يلا نبد ا نكتب ونتفائل اكتبي مثلا زواجي في شهر كذا من فلان ولا حتى اكتبي الصفات الي تبغيها مو حرام ولا عيب اذا طلبتي هذا من ربي طبعا ما تنسي الدعاء في جوف الليل مع اكثار السجود قراءة القران صيام الاثنين والخميس الصدقة الاسغفار والصلاه على نبينا محمد صلى الله علية وسلم ودعاء في ظهر الغيب اكيد ذي الاشياء كلها عارفينها وكمان في شي حلو اليوم عرفتة الي هو كفالة الايتام والله امور كثيرة وحلوة الحمدلله اني لقيت اخوات زيكم ندعي لبعض ونفرح لبعض ونشكي لبعض وان شاء الله ربي يرزقني ويرزقكم باللازواج الصالحين وكل الاخوات الي هنا بالذات ترد والي ما ترد ان شاء الله >> امزح والله ان شاء الله برضو ربي يرزقها .يارب ارزقنا جميعا يارب وفرحنا جميعا يلا ان شاء الله مايجي رمضان الجاي الا كل وحدة حركات ان شا ءالله انتو قدها وكلنا نروح لقسم ههه امين يارب