كوافيرة عرايس في الاحساء ممكن ساعدوني

في وحده تجي للبيت بس انا جربت صبغ شعر وهاي لايت وقص صراحه ر وعه ومكياجها شفته على وحده حلو ..لبناني ناعم مو مثل المشاغل المكياج الدفش ..
وانا بالاحساء ..
تبين عطيتك رقمها عالخاص وسوي بروفه جربي قبل ..

.هلا وغلا
شوفي بصراحه شغل الكوافيرات اللي في البيت مو حلو ابدا ابدا ابدا
يعني صحيح روحة المشاغل صعبه ومتعبه ولكن تطلعين بزينه حلوه قولي ليش؟
لان بالمشغل فيه امكانيات اكبر والكوافيرات يكونون بجو شغل مو زي البيت الكوفيره جايتك بشنطه صغيره فيها كم لون ومجلستك على كنب المقلط او كرسي تسريحة غرفتك وتبينها تبدع مستحيل
مهما كان المكياج فخم اذا رحتي للعرس تحسينه عادي قدام شغل المشغل بتقولين لي مو كل المشاغل بقولك صح
نصيحتي لهم يدورون على مشاغل السوق ويتفرجون على مكياج العرايس واذا عجبهم شي يسالون العروس من اللي حطت لك الميك اب ويسوون بروفه لان ممكن يطلع على وحده حلو والثانيه مايناسبها
الهودج مع احترامي الشديد ماعندهم سالفه ذولا يصلحون كوافيرات مهرجين او ممثلين مسارح يطلعون الوحده كانها سكني احسن وحده فيهم اللي تسوي تساريح اسمها ام ابراهيم هذي تسريحاتها واو سوت لنا تسريحات بعرس اخوي كلن انهبل عليها انا يوم شفت الوضع بالمكياج خبال قلت لهم بليز ابغا دخاني وناعم لاتخلوني سكنيه في خاطري
وحجزنا بملكتي الاحلام مشكلتهم تساريحهم وصلات والا شغلهم روعه وترتيب بالنسبه للعرايس طبعا
اما المكياج العادي عندك الخليجي مو حلو اما الدخاني وحده اسمها عواطف شغلها جنان ومرتب
مكياج العرايس عندك وحده اسمها ام مرتضى ذي فنا انه خليهم يطلبونها
والتساريح قوليلهم كريزي بوصله شقراء
وصدقيني اختك وخالتك راح يطلعون احلى عرايس (في حالة عجبهم وكان هذا الستايل المطلوب)
هذا اللي اقدر انصحك فيه ودعواتك لي
بالتوفيق

وانا اضم صوتي لصوت عانس بصراحه الهودج انا رحت مره احف وجهي عندهم كان في ناس متمكيجين صراحه وع مكياج يخرع مافيه من الحلا شي ..
ومريم العيد على ناس وناس ..
بس البيت اريح كثير من المشغل ..
انت قولي لها طلباتكم واكيد بتجيب الاغراض ومن بدري وعالاقل جايه لك لحالك مو كم وحده بالمشغل غير الزباين اللي جايين يبون شغل لهم ..

السلام
ترانيم حبيبتي انا اعرف ثنتين صراحه مكياجهم روعه وبالبيت
ابتسام الدالوي ساكنه بالسويق وقريبتها امل الحمد مشكلتهم بس انهم زحمه مره اذا بتاخذين موعد اخذيه قبل بفتره طويله
اذا تبين ارقامهم ارسلهم لك عالخاص

شكراً لكن بنات ..
بصراحة أفدتوني ..
أختي فطوم الحساوية ..
ممكن تعطيني الارقام ترسلينهم ع الخاص ..
نبي نشوف شغلها ..
اتمنى الرد بسرعه

مرحبا حبيبتي ترانيم كثرت المشاغل في الاحساء بس التميز موجود و
انا والله اعرف مشغل ممتاز وروعة في الاحساء أسمة
نصائف مكياجهم خيال وروعة
وخاصة الي اسمها هدى وام وسيم
روعة ياريت تروحين وتشوفين زينتهم الصراحة
بتدعين لي

نصائف نعرفه وشفنه زينته .
بس حيل دفش ومرة بعد
يعني تعودوا هن على الدفش
نبي نشوف أ[تسام الدالوي . بس فطوم الحساوية مو جاية تعطينا وجه ههه

ودي توصل مشاركاتي إلى 30 عشان اقدر ارسل لها