كونسيلر خافي للعيوب ماركة مكياجي لايفوتكم

1. مرحبا حبيباتي... حبيت انكم تستفيدوون مثل ما انا استفدت..


2. و بتلاقونه في محل مكياجي محل ماركه طبعا...

مرحبا حبيباتي... حبيت انكم تستفيدوون مثل ما انا استفدت..

طبعا ماكو بنت و ماتعرف الكونسيلر (( و هو خافي للعيوب )) هناك نوع يستخدم للعيوون بس..و نوع للحبوب أو الآثار بس اللي انا يايبته لكم واحد لكل شي .. و سعره 40 درهم اماراتي يعني رخيص و ماركه بنفس الوقت و مايطير الا لما تغسلينه بالصابون ...
بس اللي انا خذته خافي لكل العيوب و نوعيته ثقيله و يخفي الآثار على البشره و السواد اللي تحت العين و عند الشفايف و يطول الأنف اذا حطيتي منه الدرجه الفاتحه على انفج للي انوفهم مب طويله و يصغره اذا حطيتيه على اطراف انفج يعني ماشاء الله بدون مبالغه وايد حلو..و يجي شكله مثل الروج...و لونه من برى اسود..

و بتلاقونه في محل مكياجي محل ماركه طبعا...

و خذت منهم قلم للعيون لوونه اسود بعد وايد حلو..في انواع منه ال NUOBA بس ما انصحكم فيه بقولون لكم حلو و الكل ياخذ منه انا جربته بس صدقووني مايتم في العين عقب فتره يروح,,بس الشدوات اللي من نفس الماركه صج اتخبل و اتظل فترة بالعين..وفي نوع ثاني لقلم العيوون اسمه لاين و شدو بنسل من ماركة مكياجي نفس ماركة المحل و هذا احلا شي لقيته عندهم.. يعني ينفع لداخل العين و كحل و شدو بنفس الوقت...و مايطير حتى بعد ماتسبحين بدون مايمر الصابون على عيونج يظل فيها الكحل احسن من اي ماركه ثانيه و اذا بطيرينه بكريم..
شفتو انا شلوون اقتصاديه آخذ شي لكل شي ههه...الحمدلله !!
ودي احط لكم صورته بس المشكله ماكو موقع لهل المحل المهم..بعطيكم الرقم و اللي تبيه تاخذ منه و طبعا كل وحده و على حسب بشرته...
انا لأني بيضه خذت الكونسيلر رقم 3 و اسمه
Perfectt stick
ARTDECO
Cover stick
أما بالنسبه للقلم الأسود..
اسمه..
Line & shadew Pencil 01
من ماركة مكياجي Mikyajy
و ياليت اللي اتجربه اتقولي رايها...و ادعولي اذا عيبكم..
و صدقوني دلوعة ماتييب لكم شي الا و له ضمان اوكي.. و مجرب ..
تحيتي لكم..