ل بنآت الطايف البرنسيسآت السنعات والذربات والكشخات والذويقات

1. لاتحرموناا من تواجدكم ومن ردودكم السنعه اللي تفيدنا

السلام عليكم ورحمه الله وبركاته
سالفتنا عن الفساتين الرايقه والذوق والكشخه من وين تشترونها بالطآيف لاتقولون البرج والدولي وتوب تاتو
لان كل يوم اجي هالمولين صراحه عاديه ... واغلبها استرتش ساده مافيها ولا شي مو معقول انكم تاخذون كل الفساتين
استرتش اكيد تنوعون ...
وللاسف هالتنويع ذا مالقيته بالطايف
ثاني شي لابغيتوا تسون او تصممون لكم فسآتين بالطايف وين تتجهون
لأن المشاغل مالقيت فيها تصميم بس تفصيل تجيبين القماش والموديل ويسونه لا وبعد ليتهم يطلعونه مثل ماطلبتي
ثالث شي يابنات صراحه فساتين الاعراس بالطايف صراحه مافيها من الذوق ذره معقوله
كلكم يابنات تفصلون فساتين الاعراس ... لان الجاهز مو ذوق وقديمه مره الظاهر من عام الف واربع ميه وحطبه
وذا انتم تفصلون فساتين الاعراس بالطايف وش اسم المحل اللي يطلع لك الفستان توب مثل ماطلبتيه او اذا انكم تستاجرون وش اسم المحل اللي فساتينه جديده مو قديمه
وبعدين يابنات الدراعات ابي مني دراعات وين احصلها لان اغلب المحلات دراعات طويله ومي حلوه حتى اليشمك ياربي درعاته للاسف مو حلوه بالفرع اللي بالطايف
ووليتها على فساتين وبس العبايات ومادراك مالعبايات للاسف المحلات الموجوده كلهم نفس البضاعه وذا نزلت عبايه جديده تحصلينها بكل محلات البرج صراحه شي يقهر
لاوبعد اذا شريتي عبآيه طلع موديلها عآدي يعني ماعمري شريت عبايه وقلت الفلوس مو خساره فيها
وذا فصلتي عبايه طلعت من جنبها وكنك يابو زيد ماغزيت على قوله المثل
أخيرا
مو تدخلون الموضوع وتقرون وتطلعون بنات نبي ناخذ ونعطي نبي نستفيد من بعض
ياليت اي وحده تدخل من بنات الطايف تعلق عن اي شي يخص
جديد الفاشن سواء جاهز او تفصيل
او محل حصلت عنده شي يفتح النفس يناسب تلبسينه بمناسبات حفلات او سهرات او عزآيم الله الله يابنات خلوا الموضوع يكبر والموضوع مايكبر الا بتواجدكم ....

لاتحرموناا من تواجدكم ومن ردودكم السنعه اللي تفيدنا

وأي وحده تدخل وترد تحتسب الاجر انها ساعدت اختها المسلمه وفرجت عليها تدرون مرات الحفلات تجي فجأه فأخذنها من بآب وسعتي وفرجتي على اختس المسلمه من ضياع وقتها بالسوق وممكن خسارتها بشي تاخذه ماينساب ذوقها .... تاخذه بس تمشيه حال << ياكثر مامشيت حالي يعني اني شاريه جديد
لأرواحكم الطاهره والنقيه اكليل من الورد