لا تبخلوا علينا براي سديد او وجهة نظركم يا فراشات

1. بسم الله الرحمن الرحيم

بسم الله الرحمن الرحيم

الحمد لله رب العالمين ... والصلاة والسلام على اشرف خلقه وخاتم الانبياء والمرسلين نبينا حبيبنا محمد عليه افضل الصلاة واتم التسليم...
يا اهل الخبرة والمشورة يا حبيباتي الفراشات ارجو المشورة عليه في هذا الموضوع .... ماراح اطول عليكم اكثر من كذا .. السالفة وما فيها انه حصل بين ام زوجي وبيننا (انا وزوجي ) مشكلة كبيرة لا لشيء الا اننا عندما سافرنا الى المدينة التي يسكنونها اهل زوجي استاجرنا شقة مفروشة نبات فيها وخلينا شغالتنا عندها ...
وحنا من قبل كنا نبات عندهم لما نسافر لهم لكن دايما اتعب في التعامل مع ام زوجي لانها صعبة حيل وسريعة الغضب ولما تغضب لا اسلم من تجريحها واهانتها لي امام اخوات زوجي وسلفتي بالرغم من اني لا احاول ان ارد عليها بكلمة غلط او اغلط عليها يعني صابرة (والنفسية زفت) ..
المهم بعد اخر زيارة عندهم تعمدت اهانتي وتعندت لبنتي الصغيرة والشكوى لله ..واشتكت مني لزوجي ظلما وبهتانا اني ما ساعدتها وربي يعلم انها ظالمة ..
المهم قررنا انا وزوجي انه الطلعة الجاية نستاجر ونروح لهم بعد ما نصحى ونتغدى يعني نفارقهم وقت النوم تقريبا ورحنا لها بالهدايا واشياء وصتنا عليها ولما عرفت انه حنستاجر قلبت الدنيا علينا وقالت انتم ماتبغوننا ولا تحبون تعيشون معنا وزوجتك ما تبغانا والمفروض ما تطيعها وجلست تدعي علينا وما خلت كلمة تنكد علينا ما قالتها ..
وكل يوم واحنا نروح لها ونجلس معاها ما هي راضية ترضى ورفضت تاخذ الهدايا والصراحة ما خلينا شي ما سويناه ما هي راضية ...حتى الشغالة حقتنا نكدت عليها وجلست تبكي تبغى تسافر ديرتها قلت لها انتي جالسة عندي ماهو عندها وكل جلستك يوم ولا يومين بالشهر وقلت لها اذا ماتبغين تجلسين عندها قولي لا ..ا
الحين المشكلة انا اقول لزوجي خلاص بعد هذي السالفة ما ابغى اروح لهم تبغاهم روح لهم من غيري انا وشغالتي قال انه اذا رحت لحالي امي راح تكبر المشكلة اكثر وتقول ابي اشوف عيال ولدي والمشكلة الثانية الشغالة لوما تجلس عندها المشكلة راح تكبر وهو يعرف امه ....وانا ما ابغى اخسر شغالتي او تحقد علينا وعلى عيالي...(وما حد يقدر يدبر لها شغالة لان ابوهم ماهو موافق.)..
شوروا عليه مابغى المشاكل تزيد علينا اوتؤثر على علاقتي بزوجي...