لا تحرموني من افكاركم

حرام عليكم هذا وانا طالبه فزعتكم
اطلعتم على موضوعي ولا وحده عطتني رد او فكره لكن بنتظر اعرف فراشات المنتدى متساعدات
ماراح اعجز عن الانتظار لكن لمدة 3 اسابيع لان النقل اكيد ان شاء الله
تكفو ون

شلونك يا هوى أبها .. ما نرضى على زعلك علينا عاد
أولا ألف مبروك الشقه الجديده ومنزل مبارك انشالله وعقبال ما تنتقلين لبيت العمر انشالله
ثانيا اقتراحاتي هي:
- اذا كانت الشقه حجمها كبيره وواسعه يعني ما في مشكله بالفرش انشالله وراح يكون في مكان ، اما اذا كانت المساحه صغيره فانصحك بالأثاث اللي يكون ما ياخذ حيز كبير من الغرفه مثلا الفراش اللي يصير كنبه وخصوصا للأبناء أو الفراش اللي يصير دورين. ايضا في خزانة الملابس اللي يكون معاها مكتب الدراسه .
- وطبعا حاولي ان يكون لون الفرش فاتح عشان يعطي صوره للمكان انه واسع اما اذا كان عندك اطفال فهذي حاله ثانيه
- اما بخصوص غرفة النوم فنصيحتي انها تكون غرفه خشب من النوع القوي حتى انها تدوم معاك عمرطويل انشالله وان صار ونقلتي لبيت العمر تقدرين تستخدمينها وماراح تحتاجين تشترين غيرها
- اذا كانت بشقتك القديمه عندك اثات ومتحسفه عليه تقدرين تلبسين الكنبات اللي عندك بخامات جديده او تضيفين هم قطع زياده مثل الكراسي الجانبيه او الطاولات للزوايا
- اما المطبخ فانصحك يكون من النوع القوي اللي يتحمل وما يتكسر عليك او يتأثر بالماء من اول اسبوع - وطبعا ابتعدي عن الخشب واستخدمي الستيل او المعادن اللي تكون مضاده للماء والحرائق . واحرصي انه يكون من ضمن الديكون مكان للثلاجه - الفرن - الميكرويف - المغسله - ...
- لازم نحرص على التناسق بين الألوان في كل البيت
- اذا كان في مكان في بيتك حاولي تحطين غرفة طعام عشان تستخدمينها انتي وابو العيال وعيالك لان الطاوله تنظم المكان وتنظم طريقة الأكل
- احرصي انك تختارين اقمشه او الوان للسجاد او الفرش بشكل عام سهل التنظيف او انه ما يبين في الوسخ بسهوله، مثلا درجات البيج او درجات الرمادي وانتي وذوقك
- برأيي الشخصي يفضل ان تكون ارضيات البيت سيراميك او رخام بالتنظيف وايد احسن
- وبعد في فكره انك تلبسين كل جدران البيت ( الصالة - غرف النوم - ....) ورق جدران من النوع الممتاز وان يكون تلبيسه أيضا طريقه ممتازه لان ورق الجدران يحفظ الجدران من التلف، سهل التنظيف ويعطي للبيت صوره حلوه اذا كان يمشي مع الوان الأثاث بالاضافه الى انه يكون عازل عن البرد. بس نصيحتي خللي اللي يركب لك الورق يكون شاطر وما يغشكم بالصمغ وبعدين تلقين الورق طايح بعد كم يوم.
اذا في شي زياده ببالك حابه تعرفينه اسألي حتى لو بمسج او ايميل وانا بخدمتك
.
.

رهام صانعة الاحلام
يعطيك العافيه افدتيني كثير يا عزيزتي
فعلا عندي كنبات وفكره حلوه تلبيسها بلون زاهي شوي
بغيت اسأل تنصحيني بالتعتيق انا حابه اعتق غرفة النوم وغرفة الجلوس؟؟

التعتيق حلو ليش لا .. بس اختاري الناس الشاطره بالشغل هذا

جزاك الله خير ياغاليتي
اشكرك ولا تحرمينا من نصائحك