لا تخسريني

لا تخسريني
أصعب شي لا كنا ... نبيع إحساس
أصعب شي فهالدنيا ... قلوب هالناس
كيف نفهمها
وهي تجهلنا
وما نجهلها
كيف نرضيها
والرضا ما هو من معانيها
تدرين
وش أصعب شي على ابن أدم
لا صار يحب وهو نادم
مسكين
ما في يده حيله
مسكين
ما هو لاقي من يشتكي له
وتدرين
فوق هذا كله
إن همي ما يحله ... إلا أنتي
وإن قلبي ما يهمه ... إلا أنتي
بس للأسف فيه حاجز ... يبرر لحظات صدودي
ما هو إني شخص عاجز ... بس لأني أعرف حدودي
أنا عطيتك برضاي ما أبي منك أي رد
مهتوي أسبق خطاي أفديك بكلي ولو جاني منك الصد
أدري أني عنك بعيد
وأدري بعد أن دربي عن دربك يحيد
بس القلوب مين يملكها ... مين يقدر يحركها
غير رب العباد .. وغلاك بقلبي باقي ليوم الحساب
ماهو حب اللي حملته
ولا هو عشق اللي كتبته
كل اللي فيني لك إحساس ومشاعر .. ماني عارف كيف أشرحها
يكفي أني لجلك صرت شاعر .. سلاحه ورق عاند الكلمة وجبرها
صدقيني
نظره رضا بعيونك تكفيني .. دفى همسك يحيني
أرجوك
أفهمي هالزمان وأفهميني
أرجوك
لا تخسريني