لاتنامين وزوجك زعلان عليك فكره رومنسيه

1. السلام عليكم


2. تبين الحل ؟ ان شاءالله الحل الي عندي يفيدكم

السلام عليكم

اذا تخاصمتو يوم من الايام انتي وزوجك وكان زوجك معصب ويهاوش لاتردين عليه لانك اذا رديتي عليه بتكبر المشكله لين ماتوصل لحل فاشل يمكن يطلقك من دون شعور او يطلع من البيت (استفدتي شيء؟؟؟؟؟؟؟؟؟؟) لان الرجال مايحبون اي زوجه ترد عليه

تبين الحل ؟ ان شاءالله الحل الي عندي يفيدكم

اولا00 اذا كان يخاصمك ويحط كل اللوم عليك في وقت عصبيته اسكتي ولا تردين ولا تتكلمين اي كلمه لمصلحتك واي شيء يقوله قولي(ان شاء الله) حتى لو هو غلطان
ثانيا00 اذا هدت الامور وكل واحد راح مكان خليه الحاله بالغرفه يهدى شوي عشان تروح عصبيته كلها وان حسيتيه ارتاحت اعصابه روحي للغرفه الي هو فيها وبوسي راسه وتفاهمي معاه بكل احترام وادب واوعديه انك ماراح تعيدين هذا الشيء الي سبب عصبيته ومن هالكلام الحلو مستحيل يردك بالعكس تكبرين بعينه وبعدين اذا نام بالليل سوي له حركه عشان اذا صحى الصباح يلقاها وينبسط الي هي 000
عبي البانيو الي بحمامكم بمويه دافيه وانثري على المويه ورد مجفف يعطي شكل للحمام حلوو ورومنسي واكتبي ورقه اعتذار فيها اسف وكلام حب ورومنسي ولفيها وحطيها بداخل علبه مليانه ورد بجنب البانيو او عليها تطفو بالمويه فوق العلبه وصحيه من النوم بنفس حلوه وكلام حلو عشان يدري انك مو زعلانه وخليه يروح للحمام والله بيتفاجأ لان اذا صحى من النوم بتكون نفسيته شينه بس والله اذا شاف المفاجأه الي سويتيها بينبسط وبيكون عنده احلى صباح مر بحياته بيتنشط وبيتحمم وبيقرا الاعتذار وانتي روحي سوي نفسك نايمه
والنتيجه(بيشكرك ويبوس راسك بعد لانك كبرتي بعينه)
بتكونين احلى زوجه بعينه ومستحيل بينسى الي سويتيه له وبينسى كل المشاكل الي مرت عليكم
اتمنى الكل زوجه او زوج بعد مو للزوجات بس انهم يسوون الحركات الرومنسيه هذي لانها تعبر عن الحب الي بقلوبهم
لان الحياه الزوجيه اكثرها مشاكل والمفروض تنحل بالطريقه هذي
والله يوفقكم