لاحلى شفايف لايفوتكم

مرحبا كيفكم
كلنا نحلم بشفايف ناعمه ووردية
ونحب لما نحط الروج او ملمع ماتبرز التشققات و ماتبين ..
جبت لكم معلومات وكم طريقه تفيدكم ان شاء الله
~~~~أول شي ~~~~
تتكون الشفاه من طبقة رفيعة ورقيقة من الجلد ، كما أنه ليس للشفاه غده دهنية خاصة بها ، وهذا يعنى أنها أكثر عرضه للجفاف والتشققات خاصة فى الاحوال الجوية السيئة فيجب عليك أن ترطبى شفتيك باستمرار ..
طرق العناية بالشفايف
1- الترطيب
وعندنا اكثر من خيار ومنتجات كثيره للترطيب ابرزها منتجات لابيلو
اللي بالكرز روعه ويعطيك لون كأنه قلوس وريحته تجنن
يصلح للدوام الصباح او الطلعات الخفيفه ..
ومرطبات بودي شوب حلوه مره
2-تقشير الشفايف
عندك برضو اكثر من خيار فيه اصبع تقشير يباع في بودي شوب هذي صورته :
تبللين شفايف بشوية مويه وبعدين تمررين الاصبع على شفايف بشويش وبتشوفين
القشور تطلع بعد ماتخلصين من التقشير ادهني شفايفك بشوية فازلين ..
وايضا تقدرين تستخدمين السكر وزيت الزيتون للتقشير مره خطير
طريقة الفازلين مره روعه اللي هي تدهنين شفايفك بفازلين وتاخذين فرشاة اسنان
وتدلكين الشفاه بتلاحظين القشور على الفرشاه وبتورد شفايفك لحظتها
~طرق لتوريد الشفايف
1-الكركدية اما تطحنينه او تغلينه وتحطين معه فازلين تحطينه في علبه وتمسحين شفايفك
قبل النوم .. تقدرين بدل الكركديه تستخدمين العكر الفاسي (دم الغزال)
2-تفركين الشفايف بعصير الليمون مع محاولة دعكها بالقشره ايضا يعني تقريبا 3 دقائق
وبعدين تشطفينها بمويه دافيه وتمسحينها بشكل خفيف بموية ورد .. بعدين تحطين
مرطب او فازلين ..
3-العسل يورد الشفايف بس صراحه يزهق جربته وماقدرت استمر
نصائح
1-لعق الشفايف باللسان يسبب جفاف لان اللعاب يسبب جفافها لانه مو مرطب ..
2-استخدام ارواج من ماركات معروفه لان الارواج الرخيصه تسبب سواد للشفايف مع الايام
3-لاتحطين روح وشفايفك جافه بيطلع شكل شفايفك مو حلو <-- مجربه من جد كنت اعاني
قبل تحطين الروج ادهني شفايفك بشوية فازلين
4- شرب الكثير من المويه يساعد على ترطيب الشفايف بشكل دائم
بالنهاية
اتمنى لكم شفايف ناعمة ووردية وكلها حيوية