لتعطير الجسم من الشعر الى اخر صبعه في القدم تفضلي هنا

السلام عليكم
فإلي تشوف خلطاتي او نصايحي راح تاذيها .. فلا تسويها/]
فنسألكم ابراء الذمة قبل أي شيء وانا مو مسؤولة عن اي وحدة تجرب الي سويته وتلومني
اولا :
احبب منطقة في جسم المرأة هو شعرها ..وخاصة اذا شعرها كان حريري وجميل .. لدرجة انها اول امر تهتم فيه
تعطيري لشعري :
انا دائما استخدم شامبو هد اند شولدرز لانه صج رائحة عطرة ومفيد جدا لشعري
الي اسويه اني اغسله من الجذور حتى اخر نقطة في شعيراتي
وبعدين الفه لفة بسيطة
واذا دخلت غرفتي لابدا في تعطير نفسي
اشغل المروحة واخليه مفلول عشان ينشف بروحه ودائما اسوي مساج لرأسي
وبعدين لما ينشف
اقسمه نصفين
النصف الاول قبل ما امشطه .. احط فيه كريم . انا ماخذته من سوريا وله فوائد كثيرة في تكثيف الشعر و و و .. فاحط منه ورائحة عذااب
والنصف الاخر احط فيه كريم مغذي للمحافظة على اللمعان وغيره من الفوائد
وبعدين اجمع النصفين واخلطهم ببعض لتتوزع الرائحة في الشعر كامل
وبعدين اخلي رشة عطر في المشط
وانا امشط شعري من الاعلى الى الاسفل اقول
" بسم الله البديع "
" سبحان الله عدد ماكان وعدد مايكون وعدد الخلق وعدد السكون "
" اللهم صل وسلم على محمد وآل محمد "
" لا إله الا الله ولا حول ولا قوة الا بالله العلي العظيم "
وبعد تمشيطه .. ارفعه كامل على فوق .. واحط كريم " دوف " وشوية عطر وامسح على رقبتي الي تكون تحت الشعر وبعدين انزل شعري عشان تنتشر الرائحة
ورا أذني اخلي مخمريات وبعدين اخذ جزء من قذلتي الجانبية واحطها ورا اذني لتتشبع من الرائحة
" في مخمريات مثل " دلع بنات " للجسم والشعر رهيبة رائحته فتقدرين تحطين منه على شعرج بعد "
واخرشي اخليه مفلول شوي لتنتشر الرائحة حتى في الغرفة !!
وبعدين المه كامل وتعالو شمو الرائحة الرهيبة الي تطلع منه
نصائحي المتواضعه لنمو الشعر وتكثيفه والى اخره من الامور المفيدة:
1. خلي لج يوم من الايام تحطين فيه زيوت : مثل الخرووع : وحاسبي انج ريلج في هاليوم مايكون لاصق فيج لان عليه رائحة قاتلة
خليه من الصبح الى الليل في شعرج وفي الليل اسبحي وتعطري مثل الي اسويه
2. اكلي اللحوم ولو مرة في الاسبووع لانها مفيدة للشعر -]
3. لا تمشطين شعرج وايد لتجنب من تساقطه
4. حاولي اول باول تقصين شوي من شعرج من تحت ودفن الشعر
5. ظلي تستخدمين شامبو معين واحد ولا تبدلينه
6. دائما سوي مساج للراس
7. اذا تبين شعرج ينمو ويكثف وخاصة مكان الفرق الظاهر
يعني هذا الخط الي يطلع وسط الشعر
اذا تبينه يختفي
في اليوم الي تستخدمين فيه زيت الخروع زيديه في هالمنطقة ودائما زيدي الجيلةفي الكريمات والمغذيات في هالمنطقة ودائما عطريها لان اذا تهملينها تصير المنطقة اخس من مزرعه
الآن .. ننزلت تحت الشعر ومنطقة الوجه
وقت الاستحمام استخدم
صابونة دوف
وبعدين هذا المنتج الي فعلا يقضي على المناطق السوداء المخلفة من حب الشباب او آثار الدورة
اكثر منطقة يجب التركيز عليها هي ماحول منطقة العين
وخاصة انا
لان دائما احط كحل ومسكرة ومكياج
ولما امسحهم دائما يصير سواد ولون مختلف عن لون بشرتي وهذا الي يخليني اكره هالامور بجذي سويت حل نهائي
اولا دائما بعد الاستحمام
انا اضع كريم دوف على كامل وجهي وانا اضع الكريم دائما اسوي مساج لعضلات وجهي وامسح برفق
وبعدين آخذ كلينكس معطر وامسح الكريم كامل من وجهي ]
المهم وبعدين لما اسوي مساج كامل
استخدم ماء ورد اقطره في قطن واحطه على جفوني وجبيني واركز على انفي والمنطقة الي حول الفم
بعدين اوجه وجهي الى الاعلى عشان هوا المروحة يصيبه وتيبس المستحضرات وما تسبب لي لمعه والكل يكره هاللمعه حسباله البشرة دهنية ههه
على فكرة يمكن هذا الي اسويه ما يفيدكم لان انا بشرتي دهنية وقضيت على اللمعه بواسطة هالامور الي اسويها فيجووز افيدكم ]
الآن نأتي الى النصائح
1. اكثري من اكل الخضار لانها تعطي نضارة في الوجه
2. ابدا لا تلمسين حبة طالعه لج في ويهج .. خليها لين ما تروح افضل عشان لا يتبقع ويهج والوسخ الي في الحبة ينتشر بلقية الوجه وتطلع الحبوب في كل مكان
3. الماء ثم الماء ثم الماء لبشرة صافية ]
4. ابتعدي عن المستحضرات والمنتجات الكثيرة واستخدمي بس منتجين او ثلاث مثلا منتج لازالة الحبوب والبقع .. منتج للتبيض .. ومنتج مثلا الى الوقاية من الشمس
5. بعد المكياج احرصي على تنظيف البشرة جيدا .. لا تنامين وللحين في ويهج ميك آب عساها لو شخطة بوودرا
6. دللي وجهك بعمل مساج لا يكلفك دقيقتين
7. ابتعدي عن اماكن الابخرة وخاصة عند الطبخ ودللي نفسج بهواء المكيف والمرووحة وخلي دائما يتنفس
بالنسبة الى الرقبة وهي اهم جزء لانها اهيا الظاهرة واهيا الي تعطي جمال للوجه وتناسق الجسم
اذا كانت بيضاء طويلة خالية من الشوائب ونظيفة تماما
فتعالي اعلمج شلون تعطيرنها
للصق الرائحة ابدا ودائما في الرقبة
الي عليج انج تلمين شعرج كامل لفوق
وتتبعين الي اسويه
بس نذكر وننوه
ان بعض البنات عندهم حساسية من الكريمات الي استخدمهم او يجوز اذا اهيا استخدمتهم تصيدها حساسية
فلا تلوموني انا مجرد اكتب للفائدة لان يمكن في وحدة مثلي عادي وبشرتها مثلي بجذي احب افيدها وافيد الكل
المهم
انا لما ايي اعطر رقبتي
اولا احط كريم دوف
<< بلشتينا به
" بالنسبة لي " .. --=== كريم دوف من احلى واعطر وافيد الكريمات الي استخدمتهم لان عن جد رائحته عطرة وزكية وتثبت في الجسم وتجعل المنطقة ناعمة وتشدها اذا واصلتوو عليها
بس الحذر الحذر
استخدامه الي يزيد عن حده يعني بكميات وايد تتدلك على منطقة معينة تسبب وجود طبقة كريم فوق الجلد ومع الوقت يصعب ازالتها او حتى تقشريتها لان بتتشبع من مسام البشرة وبتثبت فيها
فلا تبالغون في استخدام اي كريم سواء دوف او غيره
نكمل ..
احطر كريم دووف على رقبتي من الاعلى الى الاسفل
وبعدين اخذ المخمرية دلع بنات الي حاطة لكم صورتها
اخذ مجرد مسحات واحطها على عظمات الحلق اذا لمستي رقبته بتشوفيهم بشكل طولي على رقبتج
هذي العظمات كلما بلعتي ريقج او شربتي او اكلتي او تكلمتي
فهيا تتحرك ويتحرك معاها الجلد بطريقة خفية وناعمة
فاذا تحرك بتنبض المنطقة وبتفوح الريحة الي حطيتيها عليها
[ يخزي العين قوية الملاحظة
بعد ما تحطي الكريم والمخمرية
حطي عليهم اي فوودر " بودرة " تحبينه
نسيت اسم الفودر الي احطه ههه لان رميته خلص بشتري لي واحد ثاني
بس اهو وردي وريحته جنان
حطي نثرات من الفوودر على رقبتج عشان يثبت فوق الكريم والمخمرية
استخدمت هذا المنتج قبلا
بس دايما ارجع للقبلي
واخيرا ليس اخرا
اخذي العطر ورشي بيدج اولشي وبعدين حطي يدج على رقبتج وكأنج بتزنطين نفسج ههه
ووجهي نفسج الى المروحة عشان يووصلها الهوا وتثبت الرائحه
نصائح بسيطة
1. جربي تحطين حلييب خالي الدسم على رقبتج وقت الاستحمام وبتحسين بالفرق والنعومة
2. ازيلي دائما الشعر الكريه الي يطلع تحت الذقن خاصة .. واذا طلع لج حب على طول استخدمي الي استخدمه مزيل الحبيبات
3. لما ترشين عطر لا ترشينه على رقبتج بتاتا
بل رشيه في يدج اول وبعدين حطيه على الرقبة
الآآآآآن نأتي لمنطقة الاكتاف والصدر