لتقل خيرا أو لتصمت اقتراحي لبعض الأخوات

السلام عليكم ورحمة الله
كيفكم يافراشات ..
عندي كم كلمة وحبيت تشاركوني رايكم فيها هل انتم تأيدوون كلامي او تعارضونه .. ؟
كلامي اللي بقوله محدد لبعض الفراشات الله يهديهم
يعني مو عام ومابي احدد اسامي لأن الكل عارف (( اسلوبه ورده )) بالكلام
وعنوان موضوعي يختصر كلام كثير بقوله .. علشان كذا بجيب المفيد وبقول لبعض الفراشات
لما تدخلي موضوع وفيه وحده كاتبه او عارضه صور لمكياجها وما اعجبك
رجاء رجاء رجاء
بدون تجريح بالكلام اذا ماعجبك اطلعي ومو لازم تعلقي .. او اذا انك حابه تكتبي تعليق اكتبيه بحسن
اسلوب من دون (( يمه يخوف ’’ مو حلو ’’ ماعجبني ’’ ....... الخ )) عاد ماشاء الله بعضهم مايكتفون
بهالكلمتين لا يعبرون الشدو كذا والكحل كذا والحواجب كذا يعني مايخلوا شي ومانقدوه
طبعا اكيد بتقولوا حرية شخصيه و بس انتي حطي نفسك مكان اللي كاتبه هالموضوع ومصوره وتعبانه فيه
وتخيلي انك متحمسه للردود وتجي تلقي كم وحده راده عليك برد مو حلو اكيد بتزعلين
لان النقد او النصيحه ماتجي بالاسلوب الشين .. الواحد يجي بالكلمه الزينه يعني بالاول والاخير
اذا ماعجبك الموضوع (( لاتعلقين ))
اكتبي مشاركتك وقوليلها اول شي مشكوره لأن اللي مايشكر الناس لم يشكر الله
ثانيآ ابدي اكتبي تعليقك عليها بأسلوب مقبول وعلميها اخطائها بالمكياج علشان هي تتقبل وماتحبطونها
طبعآ انا ماحطيت هالموضوع الا لما شفت كثير من البنات تنتقد بدون مراعاة لشعور اللي كاتبه الموضوع
وهالشي مو بس بقسم المكياج لا حتى بالحياة الزوجيه يعني تجي الوحده كاتبه مشكلتها وتبي النصح
وتجيك وحده مو حاسه فيها وتكتب لها انك تطلعين اسرار بيتك وانتي وانتي و طيب هي طلبت
المشوره اوما ساعديها او اطلعي من الموضوع من دون تعليق
وانا وحده تعرضت لهالموقف بموضوع من مواضيعي عن الصبغات وقصدي لما حطيت الموضوع التنبيه
لبعض البنات اللي ماتسوي اختبار حساسيه او تشتري الصبغه ومنتهي مدتها وماتنتبه
وحده الله يهديها جت وقالت وبلبلت كثير وقالت ان الموضوع لازم ينحذف لأنه بس يخوف من الصور اللي فيه
والصبغات مشهور .. طيب اذا انتي ماتحسستي من هالشي فيه غيرك يضره وبحالات نادره مانقول الكل
وغريبه تطلب انه ينحذف وانا ماغلطت بشي بموضوعي لا بديني ولا بمنتداي
ادري طولت بالحكي .. بس مجرد فضفضه وحبيت اشوف ارائكم
تذكري بالاول والاخير (( ردك يعبر عن شخصيتك وتعاملك مع الغير ومدى احترامك لهم ))
احترامي للجميع