لشعر حرير

حبيباتي الفراشات
شلونكم وشلون كششكم
حبيت استفسر عن فرد الشعر البحريني.. اللي يخلي الشعر روعة
أنا سمعت ان الممثلة أحلام البحرينية سوته وقبل لا ادري كنت اقول ياربي شصاير بشعر هالادمية؟؟؟؟؟؟؟
عن جد شفت فرق ... ولا تقولون لي استشوار وخدع .. لا اول كانت تستشور بعد
بس عن جد فرق.
المهم ما ابي اطول عليكم , فيه مركز تجميل بجدة اسمه ( اليجانس) وعندهم هالفرد والأخت اللي كلمتني تقول
أنه يخلي الشعر كأنه مستشور يعني ما يصير الشعر واقف مثل الدبابيس.. والمفاجأة انه يقعد طول العمر ما يروح
بس إذا بدا يطول الشعر (تبدأ الكشة بالظهور ) من الجذور يعني.. بس أسعارهم نار بصراحة.
هذي معلوماتي عن المنتج البحريني .. فاذا فيه وحدة منكم تعرف عنه شي أو شافت أحد جربه يا ليت تفيدوني
قاعدة أفكر اسويه بس خايفة يضر الشعر آجلا.