لعنبوها قبايل

1. المهم ان الموضوع تقفل وكذا ونسيت السالفه


2. :059


3. ابي شوركم وهل اعلم اخوي انه ماخذ رقمي منه ولالا احس اني مقهوره منه


4. بنات بليز ابي شوركم ورايكم هو وش قصته وش يفكر فيه وانا وش اسوي

السلام عليكم يابنات
انا بقولكم عن شي مكبوت بقلبي وصدري ولا ادري وش الحل احيان الانسان لازم يشاور غيره اكييد ان احد عنده حل وبعضكم ماشالله عاقلات و
المهم السالفه ومافيها انو لاخوي صاحب طيب فكان دايم يجينا البيت وكذا وكان كل مايجي يطلب جهازي الاب توب ويقوم اخوي ياخذه ويقول يبيه يبي يحمل منه اشياء وعادي كنت اعطيه
فيوم من الايام تفاجئت كاتب كلام لي يقول انه يبي يخطبني وانه يحبني وهو ماشافني ومن هالكلام
ويقول كلمت اخوك عنك وكذا وقال ماظن الاهل يوافقون لان صعب حنا نزوجه لانه من قبيله عندنا هينا بسعوديه ماقدر اقولها بس معروف ان هالقبيله يقولون عنهم صلب
قمت انا علمت امي برسالته وعلمنا ابوي رفض ابوي رفض نهائي والولد كلم ابوي ورفضه قال لا
والسبب على كل هاذا عشانه صلب زي مايقولون مع ان الولد اخلاق ومؤدب وطييب وعارفه لو خذته بعيش بسعاده بس اتفائل اني اعيش بسعاده

المهم ان الموضوع تقفل وكذا ونسيت السالفه

ومن اسبووع جت رساله منه على جوالي استغربت قريت الرساله لقيته كاتب انا فلان معليش اخذت رقمك من جوال اخوك وهو مايدري مالقيت طريقه اكلمك فيها الى هالطريقه فارجوك ردي علي ولاتعلمين احد اني اخذت رقمك انا طنشته مارديت عليه وسكتت مابي اسوي مشاكل بينه وبين اخوي المهم تركته بعد كم يوم رجع وارسسل
انه يبيني وانه يبي يتزوجني مهما كان ومن هالكلام كثير وكل شوي يرسل ويبي مني رد انا ابيه ولالا والله يابنات الولد ماعمري كلمته ولا شي لكن ارسلته عشان اوقفه عند حده ومابيه يرسلل قتله حتى لو ابيك ابوي مش موافق مابيدينا شي لاانا ولا انت وخلاص ولا عد ارسلت وهو كل مايجي يجيب هدايا لي ويعطيها اخوي الصغير ويقول ودها لها وكان يرسلي مسجات حلوه حب ومدري ايش وانا احبك والله ومن هالكلام وانا كنت مارد علي احقرره لاني انا ماني من هالنوع من البنات فقام ارسلي قالي بحاول ا تزوجك من الحين لين بعد كم شهر اذا ماقدرت شوفي نصيبك ومن هالكلام سكتت مارديت عليه بعدها قام يرسل يترجاني ارد عليه ومارد لكن ارسلي رساله وصخه انهبلت يوم قريتها
ماله داعي اقوله لانه هالكلام ماينقال الى بين زوج وزوجته وش حقه قعد يقولي هالشي وصخ احس انه طاح من عيني بعد ماقال هالكلام قمت قتله عييب عليك تقول هالكلام قالي عيب لو قلته لوحده غيرك انا ابيك ومدري وشو
ورجع يرسلي ابي اكلمك ردي علي قمت ارسلته قلت مستحيل اكلمك واغضب ربي وانا ماني من هالنوع الي يكلم لو اييش
قام ارسلني رسايل من جد احس انها غصبه بقلبي قام يقولي انتي ماخذيت منك شي لا كلمه حلوه ولا تكليم مافيه وحتى الرسايل مافيه ولا تردين علي وانتي وانتي وقام ييرسل وانا ساكته بس احس انه لو قدامي صفقته والي قهرني اكثر انه كلامه فيه تناقض اول كان يقولي انتضريني لين شهر الفلاني وبحاول اتزوجك ومدري ايش ويوم رفضت اكلمه ولا سايرته ولا قتله كلام حلو قام يقولي انا مسخره حب وانا استاهل المفروض اتعرف على بنت تسليني وانا ضيعت وقتي وقتك وخلاص شوفي نصيبك لاتنتظريني
لكن انا مقهوره ليه يسوي كذا ليه يعني معقوله كان يكذب علي يقولي احبك وهو نصاب بس عشان يكلمني عجزت افهم تفكيرره
وبنات ماكذب عليكم كل شوي افتح جوالي واقرا رسايله الحلوه احس اني مياله له ومدري يمكن اكون حبيته او شي لكن مستحيل ابوي يوافق انه يزوجني اياه مهما كان
وهو بعد بعد اخر رساله يوم قالي خلاص انسيني ومدري وشو معد ارسل لين الحين
بنات ابي حل هو يحبني صدق ولا يتسلى هل اتحدى ابوي عشان اخذه هل صحيح يحبني ولالا

:059

ابي شوركم وهل اعلم اخوي انه ماخذ رقمي منه ولالا احس اني مقهوره منه

ودي ارسله الحين رساله اقوله انت نذل وحقير وتحسبني من هالبنات الي يتسلون تبي تتسلى معهم رح شفلك اي بنت ساقطه ولا عد ترسل والله ان رسلت مايحصلك طيب وليه تقولي ابحاول اتزوجك يوم رفضت اكلمك قلت خلاص لاتنتضريني واني مسخره حب واني واني سوا نفسه هو الضحيه هل اذا ارسل بعد اهالكلام وش اسووي هل ارسله ولا اهاوشه ولا اعلم عليه اهلي ؟؟؟؟؟؟؟؟؟؟؟؟؟؟؟؟؟؟؟؟ظ

بنات بليز ابي شوركم ورايكم هو وش قصته وش يفكر فيه وانا وش اسوي

علما اني كم مره انخطب ولايحصل نصيب على اني بنت مايعيبني شي بس حظي ردي ماني متوفقه لاوظيفه ولا حتى زواج الي عمري كلهم تزوجوا انا عمري 26 سنه وكم مره احد يتكلم عني بس ينحاشون مدري ليه انا لو فيني عيب او اني شينه ا و او كان اقول معهم حق لكن سبحان الله الحظ اذا ادبر ادبر
:059
تكفون ادعولي بتوفيق وان الله يرزقني بزوج الصالح عاجل غير آجل الي يحبني ويشيلني من الارض
والله انا في معاناه ؟؟؟؟؟؟؟
شوفي الموضوع وردوا علي تكفوون