لعيون الينبعاويات تعالو شوفو تجاربي بعد شبكة خيتو

CENTER] السلام
الحمدلله تمت شبكة اختي على خير
الله يوفقها قولو امين خ
حبيت اكتب لبنات ينبع عيوب ومزايا الناس اللي اتعاملنا معاهم
ومابغى الا انكم تدعولي بكل خير -بس مو بالزواج بالخير وبس ههه-
1
بالصراحه احلى
اولا شغلهم حلو
زحمة من الصبح
استغلالين لدرجة اني ماجبت معاية اكسسوار شعر واشتريت من عندهم وردة ب50 ريال
شغل رانيا وابتسام زية زي شغل بقية عاملات المشغل كله حلو بس على طلبك طبعا
العروس سوولها رانيا وابتسام
امى سوتلها ميساء
انا سوتلي سلمى
كلة حلوو
بس هما بيسو دعاية علشان الزبونه تدفع اكثر
وتخيلو اني انا وامي كنا حاجزين مع رانيا ولمن شفت الزحمه وغيرنا على سلمى وميسا مارجعت الفرق ؟؟؟؟
ويكونو معاكي بوجه وبعد ماتدفعي بوجه ويقولولك رح تطلعي بدري والكوافير ماعنده احد بس تحاسبي وتروحي للكوافير تلاقي البلد كلهم عندها؟؟؟؟؟؟؟؟؟
2
المسكة من ضياء القمر في الحنان
اللي طلبناه شي واللي سواة شي ثاني
علشان كذا اللي يجيب المسكة لازم يكون فاهم انتي ايش تبغي علشان ينشبله
3
الدي جي
دي جي الشرق ابو محمد
اسلامي
طلبته بنفسه يجي لانو قالولي الحرمه مو حلو شغلها وتجلس بالاب توب عالكوشه
شغل ابو محمد روعه
4
التصوير
حجزنا اول شي وحده اسمها منى قبل الشبكة بشهرين وهيا محلها بجده -محل اختها- وهيا هنا وكل مانقولها تعالي بنشوف الالبومات تصرفنا اخرها قالت بجيكم والوقت الفلاني وماجات
وحجزنا
لمسات
جلسو يصورو من 8ونص الى 12ونص
وتقوللي اختي خلوهم يسو حركات روعه
والصور طبعا لسى ماطلعت
بس عيبهم انو ماعندهم تنوع بالالبومات للعرايس
عندهم البوم معفن ب1800 والبوم حلو 3500 والبوم واو 6000 والبوم روعه ب7000
والفيديو ب2000 يجو يصورو القاعه بدري وهيا فاضيه ويجلسو لبعد الزفه طبعا
5
البخار
ام محمد المغربيه
كويسه -عادي -مي بطاله خ
بس عندها قناع كولاجين عجبني تسوية لكي مع تنظيف البشرة ب150ريال
6
الحنا
ام رامي
اختي طلبت ناعم وكان حلو
7
التوزيعات
جبنا تولات من نسايم للعطور
ووفواكة مجففه من بنجور كانت واو
حجزت كب كيك من فلفت بكري ولمن كلمتها قبل الشبكة ب10 ايام قالت انها مسافرة والله يحييكي بأي وقت
8
الفساتين
من اليمامه ولمسات بجده تفصيل طبعا
9
الكوشة وتشريع القاعه وطاولات الاستقبال
حجزنا عند اشراق-مدام جيهان-
سوتلنا كل شي ب11الف و400 طبعا القاعه كلها ورد والضيافة عليها الشوكلاته من انستال والمكسرات من النقلي والمعجنات من البرنس كلها احنا اخترناها
بس انها ادميه ثرثارة وبس تمدح في نفسها اللي يروحلها لايديها وجه
ويكون واضح فاللي يبغاه
واهمم شي يخليها تكتب بالفاتورة كل شي بالتفصيل وبالعد
ويوم المناسبه خلو احد معاها فاهم انتو ايش تبغو حتى لو انه رجال عادي لانو العمال معاها
تخيلو كذا شي اتفقنا عليه ماسوته
حتى مر الكوشه ماسوته
وانا بسبة بالصراحه طلعت متأخرة فما قدرت اسوي شي
0الجاتو
جبنا من الحازمي للاسف
مرة طلعت صغيرة ولا كأنها جاتو عروس
3 ادوار بس صغيرة
1القهوجية والمباشرات
فرقة ام عبدالرحمن
مااقول الا انهم بيضو الوجه
2الزفه
سويناها عند ليالي العمر ب130
عادي الاغاني اللي نبغاها حطها خ
وفي النهايه طلعت الشبكة مع كل المصاعب واو