لكل آلعروسآت تجهيز شنطة شهر آلعسل أغرآض آلصيدلية

1. قطع الذهب والساعات افضل تكون بشنطه اليد


2. ..~


3. 5/شاحن الجوال .

مسآئكم جوري يآعسولاآت
تقبل الله صيآمكم وقيامكم وجعلنآ من عتقآئه من النآر
كيفكم مع آلتجهيزآت اللي مآتخلص ..؟
المهم ياحبووبّآت ’’ لقيت مجموعة موآضيع محفوظة بجهآزي عن آلتجهيز قلت آحطهآ تستفيدون منهآ
مااذكر والله من اي منتدى آخذتهآ ويمكن تكون مكررة بس حبيت آجمعهآ بموضوع وآحد عشآن العروسآت يستفيدون
وآتمنى من المشرفآت مايحذفونه بحجة آلتكرآر
انا عروسة وآعرف الحوسة لمآ اجي آدوّر على موضوع متكآمل بآلنت
بحطه لأني شفت استفسآرات كثير عن اغرآض الصيدلية وتجهيز شنطة شهر العسل وهييك
نبدأ بسم الله ~
اولاً : أغرآض الصيدلية
مهم لكل عروسه اغراض لها مهمه في الصيدليه
ف السؤال الآن : وش تشتري العروسه من الصيدليه .
أكيد بعد الزواج ماراح نكون بكوكب آخر بس شي حلو انكم ما تنسون أبسط الأشياء لأن كل شي بنحتاجه وشخصياً أرتاح اذا كل شي حولي وحوالي .
وأنتو بتكونون مرتاحين بالسفر وأول الشهور اذا كل شي شاريته كثيره أنا صح ؟
1 / مناديل ديتول المعقمه : مناديل صغيره كلكم تعرفونها ,
بتحتاجونها صدقوني اشتري 2 كفايه , وحده حطيها بشنطة السفر , الثانيه لبيتك اذا رجعتي , مانبي 3 لأنهم ينشفون مع الوقت.
2 / مناديل ازالة المكياج : أفضل الأنواع الي أفضلها شخصيا مناديل جونسون , هذي أشتري 2 بعد , وحده معك للسفر مع أننا ماراح نستخدمها لازالة المكياج فقط ,
لكن لتنظيف اليد أيضا أثناء وضع المكياج <=== تحسب الناس حوسة مثلها . والمكانه الثانيه أفضل مناديل p h 5
كلهم بنفس الدرجه , ابتعدي عروستنا عن مناديل مكياجي تنشف بسرعه , وما تزيل كويس .
ولا تنسون تنظفون وجهكم بعدها طبعا .
3 / مناديل كلينكس / فاين , صغيرة الحجم " تباع في السوبر ماركت غالباً "
أبعدوا عن مناديل أبو ريالين , تجي ثلاث أرباعها مناديل والربع الثاني غبار
ما نستغني عنها بالشنط . كل شنطه ارمي فيها واحد وانسيه .
4 / غسول صغير معقم لليد , أحلى شي ممكن تحطينه بشنطتك وتستفيدين منه ,
بروحات المطاعم والتمشيه العاديه في وقت شهر العسل وبعده يفك أزمه وحجمه صغير ومناسب لكل الشنط .
اشتري برضو 2 . وارميهم بشنطتينك الي تطلعين فيها بشكل يومي , انتي عروسه وبتنوعين بالشنط لكن مو من المنطق نعبي كل شناطك أغراض .
4 / اسيتون " مزيل المناكير " ابتعدو عن المناديل الجاهزه في الاستخدام , لأنها مضره بالأظافر .
أشترو علبتين . علبه مع مكياجك الكامل الي بيروح لبيتك , وعلبه صغيره معك بالسفر , ممكن تعبينها بعلب صغيره اذا مو حابه تاخذين الكبير معك
, ولا تنسين تاخذينه معك بأغراضك الي بتروح للأوتيل أول يوم , كثير عرايس ينسون هذي النقطه وتصلي الفجر بمناكيرها .
5 / مقص أظافر : ما راح نحتاج الا واحد , دوري على الكبير أفضل . وأختاري النوعيه الي تجي قوي وأبضاي , وجيبي ثاني صغير بقولك وش نسوي فيه بعدين .
6 / مبرد للأظافر : الشله كلها تبع العنايه بالأظافر ,
اهتمي عروستنا بأظفرك والعنايه فيها كل كم يوم , اشتري المجموعه كامله ومتواجده بكل مكان وأفضل مكان لها الصيدليه .
7 / معجون أسنان + فرشاة أسنان + غسول مطهر للفم واللثه : المعاجين اختاري النوع المناسب لك , واشتريأفضله للسفر وللبيت أيضا ,
لا تنسين تشترين غطا للفرشاة لحمايتها من التلوث من جو الحمام أكرمكم الله , أحرصي على تنظيف أسنانك بالتفريش واستخدام الغسول
× أمر صحّي : نزيف اللثه أثناء التفريش بين فتره وفتره ,
خصوصا لو لثتك تعبانه لأن الدم بيكون فيها فاسد + أنصحك بمعالجة مشكلات أسنانك قبل الزواج لأن مترتب عليها أمور عظيمه .
8 / ملقط : أبد هذا الشي ما ينحقر , راح تحتاجونه عروساتي الموسوسات في البدايه كثير ,
شعره طلعت , شعره ودها تطلع , يتفاهم معهم لتكوني مرتاحه على الآخر وكلكِ ثقه .
× ابعدو عن الملاقيط الي في السوبر ماركت , طريقة صنع الملقط هناك خاطئه
كلها بمستوى واحد ! بالتالي يطلع حبوب أشتروه من الصيدليه .
9 / مقص صغير : يسعف بشكل ما تتصورونه ,
ضروري تشترون أكثر من واحد . ومن الصيدليه تحديداً , المقصات هناك تشبه مقصات الجراحه وقوية وبكل الأحجام , أشترو 3 .
0/ أمواس حلاقه : الي عاملين ليزر بكل جسمهم لا يقرون هذي النقطه , عروستي الحلوه , سوا كنتي تحفين بالواكس
, أو بالحلاوه , أو بالمكينه , ما الضير لما تشترين كيسة أمواس حلاقه جيلت الورديه للبنوتات الحلوات وترمينها مع جهازك ؟
حتى لو كنتو من الي يكرهون الموس , ما ننكر فضله علينا جميعا , ونحتاجه بكل الاوقات .
1/ أقراص بندول اكسترا : الأقراص اللطيفه هذي , تجي مقسمه كل حبتين لحالهم , وانتي تتفرجين على التلفزيون فكي كل حبتين لحالها والعبو لعبة الشنط
, عارفين لعبة الشنط يا حلوات ؟ وما ننسى نحط باقي الكرتونه مع أغراضنا الي بتروح البيت , اشتروا كرتونين , ماحد يعرف
( زعلك زوجك , قرفتي منه وصدع راسك , امه قالت لك كلمه ضيقة صدرك وجابتلك صداع ) كل شي معك متوفر ولا للصداع بإذن الله .
2/ أعود أذان : يا لطيفه يا نظيفه , التصرف الصحي لإنسان الصحي ,
زيارة الطبيب المختص مره كل 6 أشهر لتنظيف الأذن , ومع ذلك , بعد الاستحمام تتخمر الاذن شوي وتفرز بعض الشمع ,
لا تنسون تنظفون اذانيكم فقط بعد الاستحمام لأن المنطقه وقتها رطبه وسهلة التنظيف بدون استخدام العنف .
3/ كرات القطن : وش أقول عنها بس ؟ شهادتي بتكون مجروحه فيها . متعددة الاستخدام , وأعتقد ما نستغني عنها . ينقسم القطن لقسمين ,
الأولى عباره عن شرائح مدوره والثانيه كرات , بالنسبه لي أحتاجهم كلهم , وانتم .. على حسب الحاجه تقدّر مسألة شرائها من عدمه .
4/ فوط صحيه للاستخدام اليومي : رائعه جداّ ,
تستهلك في الغالب في السفر لطول المشاوير وصعوبة الرجوع للفندق كل كم ساعه , لذلك اشتري منها كثير , كرتونتين مناسبه .
5/ فوط صحيه للاستخدام المش يومي . أنا أستغرب من الي تسافر وتقول ماكنت أحسب اني بحتاجها
! تحسبين والا ما تحسبين تاخذينها معك لازم , اشتري عدد مناسب لحاجتك على الأقل ل 3 شهور قادمه .
6/ فازلين + جلسويد : الفازلين ماشاء الله عليه مافيه شي ما يسويه ,
والجلسويد بتمر عليك رجليك كنها خشنت شوي ووقتها تبغين حلول سريعه للتنعيم ورجوع الماء لمجاريها .
7/ حلاو مص : ما أوصيكم عليه هذا بالصيدليلات الي موجود أغلبه لالتهاب الحلق
, لذلك أنصحكم بهونز معروف : متواجد يا بالصيدليه أو بالسوبر ماركت بألوان متعدده . طعم وريحه حلوين . وبولو طبعا ما ننساه .
بولو اشتروه من السوبر ماركت يجي كيسه كبيره فيها اكياس صغار , حلوه للشنط وجنب الكمدينه وبكل مكان في بيتك .
8/ مسحه طبيه : طلعت لك حبه انجرحتي بتاخذين جرعة الهروين تخيلو مدمن ويمسح بالمسحه قبل مدمن اتيكيت . المهم بنحتاج المسحه الطبيه كثير .
9/ مضمد جروح : بكره في علم الغيب <== ؟؟
0/ قطره للعين : العين تحب تكون ظريفه أحيانا وتصير زي لون هذا > . والقطره تخليها زي الحليب بأسرع وقت وتخفف هيجانها ,
سوا أثناء استخدام المكياج أو بعد الاستحمام أو أي ظرف ممكن تمرين فيه , أشتري وخليها معك .
1/ شرائح النعناع : مطهره للفم .
ان شاء الله تستفدوون من النقاط المهمه
دعواتكم بليز
22/حبوب للمغص+ بروفين
..~
ثانياً: شنطة شهر آلعسل
تجهيز حقيبه السفر
بالاول شنطه اليد الخاصه فيك
تحتاجين فيها
شنطه ميك اب صغيره فيها اشياء بسيطه تنفع لمكياج على الطاير
بوك ( محفظه) والا وشوله مسافره !!
عطر
مصحف صغير
سجاده الجيب
مناديل عاديه
مناديل معطره
نظاره شمسيه او طبيه حسب حاجتك
كاميرا ديجيتال او كاميرا فيديو بس انا مااعندي ولا وحده منهم الله يخلي جوالي
مرايه
بنادول
الاذكار
كريم يدين
قلم ونوته صغيره
وصله جوال
كوتكس الغيارات اليوميه
مناديل مزيله مناكير لو جا عليك فرض ولازم تعيدين وضوئك
مسحه طبيه
لزق جروح
وكوفر للحمام وانتو بكرامه
مرطب شفايف لابيلو
واكيد شنطه المكياج
بعدها نحطهم بشنطه اليد
ونجي لشنطه السفر
يعني انا احب تكون شنطتي منفصله عن شنطه زوجي ومايكون معاي الا ولدي
والسبب بسيط
ان ولدي ماراح يحوس الشنطه ويخرب ترتيبي لها
اما زوجي
فاكيد بلقى كل شي بمكان عشان يدور مششط على الاقل
المهم
الشنطه على حسب طول الرحله
بحتاج طبعا ملابس الخروج لازم تكون مريحه جدا
لذلك افضل الجينز
لفيتهم رول مع البلايز زي ماتشوفون بالصوره لاحقا
فوطه للجسم برضو رول
وبجي للاشياء الخاصه
بجيب شنطه صغيره
بحط فيها الاتي
مزيل رائحه العرق
بودره
كريم للوجه
كريم للاقدام
شنطه العنايه بالاظافر
مشقر حواجب اللي مالي غناه عنه واكيد انتو كذلك
كرتون لزق جروح
كرتون مزيل مناكير
فرشه اسنان ومعجون
طبعا شامبو وبلسم وجل عنايه بالجسم بس ماعندي احجام صغيره الان للاسف
كره تدليك الاقدام
بخاخ للوجه
مشط
اعواد اذان
شاحن
كوتكس اليوميه
بعدها بجيب شنطتين بحط في الاولى الملابس الداخليه العلويه والسفليه في الثانيه
>>>>>>>>>> اخس يالادب
وماانسى الشرابات وحبذا لو قصيره
وشراب الكوتش القصير للحفاظ على القدم من التعرق
وكلوتات بلاستيك للضروره
بعد كذا
نعلق اللانجري هنا عشان مايتكرفس لو كان حرير او غيره
وهالاكياس تجي مع الشنطه وحده خاصه نحط فيها الملابس الوصخه
والثانيه للجزم وانتو بكرامه
طبعا شبشب البيت شي اساسي وماننسى ناخذ شوز احتياطي وحبذا لو كوتش اريح في المشي والمشاوير الطويله
ماننسى ناخذ عبايه كامله مع الغطا والنقاب للضروره
وحبذا بعد مانوصل نحط النقاب الاحتياطي بالشنطه لاي ضرف يصير
بالكيس اللي زي هذا نحفظ الملابس اذا كان عندنا شي مهم وخايفين عليه
او ثوب او اي شي
وبعدين نصفهم بالشنطه كذا
وطبعا الكيسه الموف فيها الاستشوار اللي يتحول 110 \220
وكوتكس العاديه للضروره
شنطه صغيره للاكسسوارات العاديه

قطع الذهب والساعات افضل تكون بشنطه اليد

..~

أول شي نشوف البلد الي بنروح له , جوه كيف ؟ لا تدربلين راسك وتعبين الشنطه وانتي ماتعرفين وش الجو الي مقبله عليه وتذكري : سوا كان دافي أو بارد , بنحسب حساب للجو الثاني لكن حساب شوي مو كثير يعني حتى لو عرفتي ان الجو هناك مش بارد , خذي معك جكيتين , للاحتياط , اذ جو السعوديه يستهبل ويقلب كيف هناك ؟ واحتمال تروحون مدينه ثانيه , واحتمال بالليل الجو يبرّد , احتمالات كثير , لا تقولين ما قلت
بخصوص الملابس كل وحده براسها وتعرف خلاصها رجاء لا تكررين اللبس أكثر من مرتين في حالة ان سفرتك اسبوعين . ملابس النوم البجامه تلبس يوم الى يومين فقط حتى لو تحممتي بالنص , وبعدين تتغير , بلخص الاشياء الي لا تنسونها بالشنطه .
1 / شرابات , حطيها وما جاك علي .
2/ علبة خياطه : عباره عن علبه صغيره فيها ابره وخيط وكذا شي . مع ان انا عندي احساس اننا صرنا بعصر مانبي نسوي شي , يعني لو انقطع زرارك ممكن ترمين كل لبسك وتغيرينه .
3/ نظارات شمسيه : 1 أو 2 أو 3 . على حسب طبيعتك .
4/ مكواة صغيره .

5/شاحن الجوال .

6/ شنطة الصيدليه : خمني احتياجاتك وحطيها بشنطه صغيره ولا تنسين الفوط . نصيحه خذي اغلب الاغراض .
7/كاميرة تصوير . وهنا أحط مليون خط . اشتري كاميرا لو ما عندك , ديجتال طبعا , وميموري لزيادة سعتها , ولا تنسين الشاحن تبعها .( صوري كل اللحظات الحلوه بهالسفره وياليت الصور تكون بالتاريخ ولما ترجعين جيبي البوم صور كبير ومرتب وفي البومات خاصه لشهر العسل وثقي فيها كل شي علشان يشوفونها عيالك لا أمزح أقصد تتفرجون عليها سوا بعدين )
8/ شنطة صغيره فيها : الصابون + الشامبو + شاور جل + بدي لوشن + باودر . بمعنى خذي لك طقم كامل للاستحمام .
9/ روب واحد للاستحمام + روبين أو أكثر للجلسه بالغرفه + مناشف " فوط صغيره للوجه " .
0/ بما ان مافيه أحد يشقرلك حواجبك هناك لا تنسين المشقر لو تستخدمينه كلها أسبوع أو 10 أيام وتطلعين على حقيقتك , تداركي هذا الأمر .
11/ فواحه معها زيوت معطره للجو .
2/ الشي الي يتركب على الجدار للنامس يمكن يكون شهر عسلك بجزيرة أو بمنطقه حاره ورطبه وتكثر هذي الأشياء هناك .
3/ نفسه الي يتركب فوق لكذا هذا معطر للجو , ركبيه بالحمام علشان ما تتأزمين وقت استخدامك للحمام , وراح يعطر لك الجو ويقوم بالمهمه .
14/ كريم وقايه من أشعة الشمس .
15/ عطرين أو ثلاثه + الديودرنت + بودة للجسم أو زبدة أو أي شي من هذا القبيل أشتريتيه وقت التجهيز , خذي معك طقم كامل من الكريمات ومعها عطرها , ولا تكثرين من المجموعات , 1 أو 2 كفايه .
16/ نوته صغيره وقلم : يمكن حابه تكتبين شي للذكرى , يمكن بتكتبين له شي , يمكن ويمكن, خذيها وبس .
17/ بالفنادق غالبا يكون موجود غلايه للمويه الحاره ومعها شاي وسكر فقط , لكن مافيه مشكله لو أخذتي معك مغلفات قهوه من النوع الي تحبينه لو مسكت معك قهوه ومو وقت طلب أو طلعه .
18/ خذي سليبر معك تدورين فيه داخل الفندق مع البجاما أو القميص , خذي معك من 2 الى 4 أعتقد يكفي.
19/ يباع في الصيديلات كلوتات الاستخدام اليومي الي ماتعرفها هذا كيلوت شبه ورقي تلبسينه مره وترمينه بالزباله , أفضل انكم تشترون مجموعه تلبسينها وقت الطلعه وترمينها بعد ما ترجعين .
0/ سجادة وشرشف للصلاة + كتيب أذكار المسلم + قرآن صغير .
وهنا أبي أنوه على نقطه , فيه سجاجيد صغيره بحجم كف اليد بلاستيكيه تنحط بكيسة صغيره تلقونها ماعرف وين حلوه تاخذينها معك بشنطتك وقت المشاوير الطويله الي ما تقدرين ترجعين الفندق علشان ما تأخرين الصلاة .
21/ هذي النقطه لفمك أرجوك , لازم يكون أنظف شي بالعالم وأحلى شي بالعالم
لا تنسين الشنطة الخاصه فيه ( المعجون والفرشاة + الغسول المطهر + العلوك والحلويات
+أعواد أسنان )
2/ أكياس فاضيه , مش شفافه , وحجمها مناسب .
عروساتي الحلوات , بين كل لبس في شنطة شهر العسل بنحط
أوراق معطره من ستي بلازا , موجوده بأكثر من ريحه
وتخلي ملابسك
طقم الشنط يكون 3 أو 4 قطع , شنطة وحده ما تكفي
بناخذ معنا الشنطه أكبر حجم , والصغيره , الصغيره مش الي تنشال باليد
لا الي تنجر