لكل دبيه حاولت تقتل نفسها بأستخدام الفايتوشيب

اصبرو لاحد يرد خلوني اكمل قصتي

المهم اول ماسمعت عن هالبليه انخرشت وبدت الاحلام الورديه تدور براسي وخيالات ومقاسات وجنز وحالتي حاله
قلت بس مافيه الاهاالفايتوشيب هو الي بيوصلني احلامي الورديه وسمول سايز ..وسمعت ماقاله الدكتور جابر القحطاني وقلت بنفسي ايه هي بتجيب امراض اذا استخدمت مده طويله وانا ماراح استخدمها الاشهرين...وطنشت وقمت ابلعها
ورحت دورتها واشتريتها............لاحول ولاقوة الابالله
استخدمته شهر ونصف بالضبط والله على مااقول شهيد هذا الي صار لي
آلام في المعده
بواسير الله يعزكم وآلم شديد بالمنطقه
والان احس بوخز بمنطقة الكبد يارب تستر علي وتخليني لعين ترجيني
ووخز بمنطقة الكلى.........
لاتقولون لي روحي سوي فحص لاني من جد خايفه....
تركتها لاني بديت احس بهالاعراض الغريبه وحبيت احذركم
واستحلف بالله كل فراشه استخدمتها تقولنا ايش الاعراض الي حست فيها عشان نكون عضه وعبره لغيرنا
ااهم شي الصحه والعافيه لو نكون طول العمر ادببه........
شكرا لكم

مشكوره حبيبتي على النصيحه

بس انا مااعرف هذا الدواء ياليت بالتفصيل اكثر واشكرك جدا اختي الفراشه الدبيه على النصيحه...

الله لايحرمنا الصحه
انا بصراحه كنت من المعارضيين للي بيتكلمو عن سلبيات الدوا وشايفه انه كويس بس والله من بديت بالعلبه الثانيه وحسيت بالام في قولوني وانا اصلا عندي قولون عصبي اول يوم حسيت في الام وقفته ومااخدت ولا حبه من فترة والحمد لله الام اختفت وانا قولوني اتحسن وماعاد ابغى اخذ شي بلا ادويه بلا خرابيط
الطبيعي تخفيف ورياضه\
والله يستر علينا والله مافي احلى من الصحه والعافيه

الفيحاء الله يزيدك فيه جهل..........ماراح تستفيدين من المعلومات الي تخصه شي..
هو دواء للتخسيس من غير تصريح من وزارة الصحه...يوزع من قبل مسوقين....

مشكوره اختي على النصيحه والله لا يوريك مكروه صراحه ما جربتها

السلام عليكم ورحمة الله وبركاته
اخواتي الفراشات كيفكم ان شاء الله انكم في اتم الصحه والعافيه والله يبعدكم عن كل مافي شر لكم
انا قصتي مع الفاتوشيب قصه مؤلمه بس انا السبب ما سمعت كلام بعض الفراشات اللي يحذرون منها
بديت مع الفيتوشيب الله لا يعيدها من حبوب سبب لي غشاء مخاطي حول منطقه الجهاز التنفسي مما ادى الى صعوبه في التنفس وكتمه مستمره واخذ الاكسجين والبخار باستمرار مع العلم اني لم اشكو من قبل في ضيق في التنفس وربو
وتساقط في الشعر فظيع تقريبا ثلاث ارباع شعري تساقط وتركت هذي الحبوب والحمد لله اصبحت افضل بس شعري والله الى الحين اشكو منه وصرت اعاجه بالابر بس حبيت اوضحلكم معاناتي مع هذي الحبوب فاتمنى من كل فراشه ان تحذر منها
والله على ما اقوله شهيد
اختكم :سيدة نفسها

يارب تحمينا من الامراض
ياريت كل فراشه تسرد تجربتها مع الفايتوشيب بكل صراحه