لكل طالبه مستجده بالجامعه بقدم لها نصايح من محبتكم هناي

1. السلام عليكم ورحمة الله وبركاته


2. شحالكن حبيباتي


3. 2-ترا الجامعه ماهي مثل المدرسه


4. او تزورين المكتبه تقرين لك شي مفيد ولا تكملين بحثك


5. وهكذاا .. دايما فكري ايش راح تسوين وقت فراغك

السلام عليكم ورحمة الله وبركاته

شحالكن حبيباتي

مع بداية هاليوم الي هو اول يوم لكن بالجامعه حابه اقدم لكن نصايح من اختكم الكبيره <<عاد مو كبيره مرره ترا اكبر منكم بكم سنه لي سنتين متخرجه من الجامعه واعمل حاليا اخصائيه اجتماعيه << تكتب سيرتها الذاتيه
حبيت اقدم لكم نصايح لانني احب لكن الخير ولاني اعلم انها بتواجهكم بعض الاستفسارات وتتمنون تلقون لها اجابه
طبعا كل وحده بتروح للجامعه ومن اول ماتدخل لين تطلع وفوق راسها مية علامة تعجب اشياء كثيره ماتعرفينها انا بحاول الخصها لكم
1- حاولي تركزين كثير على اولترم دراسي لك بالجامعه لانه له اثر كبير على معدلك التراكمي اذا جبتي درجات كويسه بأول فصل تضمنين انك ماتتعبين من انخفاض المعدل واذا انخفض معدلك اول فصل تتعبين كثير عشان ترفعينه << هاذا الكلام موجه لطالبات الجامعات لان نظامهم كذا اما الكليات ماعرف كيف نظامهم

2-ترا الجامعه ماهي مثل المدرسه

لازم تعتمدين على نفسك في الدراسه من اول يوم والله الله بالمكتبه والقراءه قبل لاتتراكم عليك المحاظرات وتابعي الدكتورات اذا هي من النوع الي لازم تكتبين معها يعني مالها منهج معين اكتبي معها اول بأول لان اغلب البنات بالجامعه ((نفسي نفسي))
3-احلى شي بالجامعه ان محاضراتك اغلبها راح يتخللها اوقات فراغ او استراحه على حسب جدولك فحاولي دايما تحددين متى عندك فراغ وتحاولين تفكرين ايش راح يكون عملك في هذا الفراغ
ممكن تتواعدين مع صاحباتك وتجلسون سوا تفطرون
اوممكن تروحين تصورين لك اوراق
اوممكن تروحين تكلممين استاذاتك في اي امر تبينه

او تزورين المكتبه تقرين لك شي مفيد ولا تكملين بحثك

وهكذاا .. دايما فكري ايش راح تسوين وقت فراغك

4- لاتعتمدين على احد في المحاضرات واكتبي معها اول بأول واكتبي ملاحظاتك وحاولي ماتغيبين عن المحاضرات وحافظي على رصيدك المسموح بالغياب في كل ماده عشان لو سبحان الله تحتاجينه لما تتعبين في يوم اويجيك ظرف ماتقدرين تداومين فيه الايكون معك رصيد للغياب مايأثرر عليك وان غبتي في كل ماده اكثر من النسبه المسموحه راح ينزل لك حرمان <<ومعنى حرمان يعني ماتدخلين الاختبار النهائي وبذلك تعتبرين حامله للماده
5-اقري اقري اقري اقري دايما اي اعلان تلقينه اوحتى اي ورقه معلقه بالجدار تتبعيها واهتمي فيها ترا قراءة التعليمات بتوفر عليك الوقت والجهد والمشوره على الفاضي
6-لاتخافين من الجامعه كمجتمع جديد ترا هو مجرد امتداد لدراستك الثانويه بكل جوانبها بس على اوسع شوي يعني بتقدرين تتعرفين ان شاء الله على صديقات يعجبونك وبتحبين فيها الاستاذات وبتكتشفين فيها اشياء جديده عليك لانك الان تمرين بتجربه رائعه في حياتك
7-دايما قولي _الحمدله اني انقبلت في الجامعه_ لان غيرك بنات بالالوف حاولو ينقبلون بس ماحالفهم الحظ عشان كذا اعلمي انك محظوظه
8-لاتترددين في السؤال اي شي يصعب عليك معرفته اسألي عنه الاستاذات اوالطالبات او اي احد من حولك ولاتستحين من احد السؤال يدل على ذكائك وحب استطلاعك
ولكن انتبهي !!
لاتعتمدي على الشائعات وكلام البنات ارجعي للادراه او الاستاذات حتى يعطونك الجواب الاكيد على اسألتك
9-ترا كلنا كنا زيك دخلنا الجامعه وحنا مانعرف احد فيها واول يوم كان طويل وغريب وصعب وزحمه وحسينا بالضيعه
بس وسعي صدرك واعلمي انك من الاسبوع الثاني بالكثير بتكونين تأقلمتي على الوضع وتعودتي عليه
10-انتبهي لاتنسين الفطور هو الوجبه الاساسيه ولو ما امداك بالبيت افطري بالجامعه ترا لو مافطرتي ودخلتي المحاضره ماراح تركزين وبيكون همك متى تخلص المحاضره عشان تاكلين
11- نصيحه بالنسبه للبس ابعدي عن الزحمه باللبس خلي لبسك سبورت او رسمي وابعدي عن الميك اب الثقيل والظل خليك عالقلوس والمسكرا والكحله وتجي العافيه وابعدي عن الكعب لانه راح يكسر رجولك
13- اهتمي بأنشطه المصلى وحاولي انك تحظرين المحاظرات الي فيها بتفيدك كثير بالدنيا والاخره :ق1:
14- لو عندك تأخير لاتهملين صلاة الظهر وتقولين بصليها اذا رجعت لاصلي قبل ماتدخلين المحاضره ماتدرين وش يصير لك محد ضامن عمره
وفي الختام ما اقول الا استعيني بالله
وتوكلي عليه
وسمي بأسمه
والله يوفقك دنيا واخره لمايحبه ويرضاه ..
محبتكم :هناي