لكل عروس جديده طريقه عجيبه وشيك وسهله جدا لترتيب الانجري

ωдĺндид 3&

07-07-2022 - 01:30 am

شفت الموضوع في احد المنتديات وحبيت انقله لكم..

جبت لكم طريقتي في ترتيب الانجري وقمصان النوم...

وهذا مال لايف ستايل.. يجي بهالشكل وبروائح مختلفه

وممكن بعد تستخدمين هالمعطرات بعد تحصلينهم في لايف ستايل

مرحبا بنات.... شخباركم...

شفت الموضوع في احد المنتديات وحبيت انقله لكم..

جبت لكم طريقتي في ترتيب الانجري وقمصان النوم...

تعلمت هالطريقه من رفيجتي وحبيتها وايد ليش انها حلوه وشيك ومرتبه و سهله فوق كل هذا تخلي لي خصوصيه... يعني حبيتها علشان انها ماتخلي الخدامه تحوس في قمصان نومي و في اللانجري و اهي تنظف الادراج... مادري حسيت ان لها خصوصيه حلوه عجبتني..
الطريقه سهله جدا وتحفظ قمصان نومك من الغبار و تسهل عليج انج تختارين الي تبينه و بسرعه...
تحتاجين الى:
بوكس كبير ... يعني انا عندي بوكس خشب وايد حلو وكبير و حده كشخه .. وممكن بعد يكون بوكس عادي ملون...
طبعا الصور كلها من النت..
ولو تحصلين صندوق مخمل تره يطله وايد أكشخ... أو ممكن تاخذين صندوق وتودينه لمحل تنجيدات وأهو يلبسه لج بالمخمل وبالكريستال...
و تحتاجين اكياس أورجانزا... اهم يجون الوان واحجام... انتي اختاري اللون الي يناسب
غرفتج... يعني انا اخترت وردي فوشي حده حلو..حاولي تختارين لون فلالالالاش أحلى..
مثل هالاكياس بعد أكبر و اذا ماحصلتي اللون والحجم الي تبينه تقدرين تروحين تاخذين الخام وتفصلينه لج...
و تحتاجين بعد حق معطر للملابس... أو ورد مجفف تعرفونهم صح... الي يبيعونهم في لايف ستايل وهالأماكن... طبعا أحلى ريحه أهي اللافندر.. معروفه أنها حلوه للأسترخاء والريلاكس..

وهذا مال لايف ستايل.. يجي بهالشكل وبروائح مختلفه

وممكن بعد تستخدمين هالمعطرات بعد تحصلينهم في لايف ستايل

بس انا استخدمت شي ثاني... استخدمت المسك الي كأنه صابون من عبدالصمد القرشي إلي دايما يستخدمونه للطهاره (حجر مجروش).. لأن ريحته تفوح وتطبع في الملابس... وسعره مو غالي أعتقد 11 دينار وفي داخله 6 حبات.. تقدرين تقطعينهم قطع صغار...
وهذا أهو
الطريقه أهي انج تاخذين اللانجري,,, يعني تاخذين كل طقم و تغسلينهم وتكوينهم وتبخرينهم.... و بعدين تحطين كل طقم في كيس... يعني اللانجري مع الروب ماله و مع اكسسواراته وكلشي في كيس...
و جذي ترتبينهم كلهم في اكياس الاورجنزا ,,,,,
وتحطين في كل كيس ورد مجفف أو هذا مال القرشي أو اي معطر ثاني للملابس.. أو ممكن تحطين المعطر في اكياس صغار وتوزيعنهم بين الملابس...
جذي يعني
و بس بعدين تصفين الاكياس في البوكس بطريقه مرتبه و تسكرين عليه... و بهالطريقه راح تطبع الريحه في اللابس و كل ماتفتحين البوكس بتفوح الروايح الطيبه منه.. و كل ماتلبسين طقم راح تفوح ريحتج..
وتعرفين شنو احلى شي في هالطريقه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أحلى شي انج ممكن تخلين زوجج أهو الي يختار لج الطقم الي يبغيج تلبسينه ... يعني يوم انتي تختارين و يوم اهو .......
و انا بعد اخلي الالعاب الزوجيه و الحركات كلهم في اكياس صغار داخل البوكس... يعني زوجج يختار لج الطقم ويختار معاه اللعبه الي يبغيها والي تعجبه... شرايمن في الحركات الشيطانيه خ :21_133:
و مكن تاخذين بوكس بمفتاح عشان تضمنين ان محد يفتحه ... وبجذي تكون لج خصوصيتج... و تستمتعين بملابسج واهي نظيفه ومرتبه وريحتها حلوه على طول....
ها شرايكم في طريقتي؟؟؟؟؟ انشاله عجبتكم و استفدتوا منها....

التعليقات (7)

بنت بدو دللوها في الحضارة

07-07-2022 - 03:48 am

طريقة مرة روعة صراحة يعطيك الف عافية على الأفكار الحلوة

توتوه الغلا

07-07-2022 - 04:49 am

واواو شى عجيب

الشوق الحقيقي

07-07-2022 - 05:50 am

بصراحة روعة ماشالله ,,الله يسعدك وبإنتظار جديدك المميز

قاتلة مأجورة

07-07-2022 - 06:51 am

انا لما تزوجت عملت هالطريقة ,,,
اشتريت بوكسات كبيرة ومتوسطة ,,, لونها يجنن الوان الطيف ^^^^^
وحطيت بواحد الستيانات ,,, وواحد الشورتات ,,,,
وحطيت كرات الخشب المعطر ومسك شمعي ,,,
كل ما افتح البوكسات بالخزانة تطلع علي ريحة خيال وكمان عندي اكياس اورجانزا بيها ورد مجفف معطر حطيتها بداخل البوكسات والدواليب
اب
شكرا على الموضوع الحلو

clear sky1984

07-07-2022 - 07:52 am

الطريقة هذي طريقتي فعلا رائعة رائعة

ام رتــRitajــاج

07-07-2022 - 10:55 am

انا سويتها شكلها بدولاب جونان لدرجة اني لما افتح باخذ لبسه اجلس اطالعهم فرحانه بترتيبي

برنسيسة حبيبها

07-07-2022 - 11:56 am

سويتها من شفت الموضوع بمنتدى اخر
وطلعت روعه حتى زوجي منعجب من الافكار
يسلمو يالغلا

بنات الرياض متى آخر مره رحتي صجارى بلازا←
بنات مكه وجده لو سمحتوا ممكن شوي→