لكل من تابع قصتي تعالو هنا البشاره والحمد لله

1. السلام عليكم ورحمة الله وبركاته


2. مبروك حامل

السلام عليكم ورحمة الله وبركاته

كيفكم حبيباتي اشتقت لكم مره مره الله لايحرمني منكم حبيت اشكر وابشر كل اخت لي نصحتني او ارسلت لي او دعت لي في موضوعي السابق (عروس مصدومه في واقع الحياة الزوجية) وخصوصا اختي الي دايم ترسل لي دعوات في الثلث الاخير من الليل وكل خواتي الي فقدوني وسئلو عني الله يجزاكم كلكم خير الجزاء طبعا تعبت الايام السابقه تعب ماقدرت استحمله اصر علي زوجي نروح للمستشفى رحنا الصباح سألتني الدكتوره متزوجه قلت نعم طلبت الدكتوره تحليل دم قبل كل شي دقايق طلعت النتيجه

مبروك حامل

ماشاء الله تبارك الله ماصدقت ولا كان على بالي وزوجي فرح فرحه كبيره مره مره اول مره اشوفه فرحان لهذي الدرجه الحمد لله رب العالمين ورجعنا للبيت كانت امه واخته موجودين مباشره راح لامه وبشرها مسكينه جلست تصيح من الفرحه واخته افرحو فرحه كبيره انا ماكنت اتخيلها وابشركم يابنات من بعد الحمل صار يراعيني يعني مو مره بس احسن من الاول وصار يخاف على اللي في بطني خوف مو طبيعي وابشركم سوى لي حفله بهذي المناسبه عزمني على العشاء في فندق الحمد لله الي كرمني بهذا الحمل اول مره يعزمني واول مره احس اننا نعيش مثل اي زوجين والله الدعاء والاستغفار يعمل اشياء كبيره احنا غافلين عنها طبعا ابو طبع مايجوز من طبعه بعده بكم يوم قال اذا ولد اسميه على ابوي واذا بنت اسميه على امي قلت على راحتك امك وابوك يستاهلون اكثر من كذا فضلهم كبير علينا فرح واستانس كان متوقع اني بعارض لان اسمائهم قديمه بس مقبوله يالله اصلا لوعارضت بس بيزعل مني وياخذ موقف وفي النهايه راح يعمل الي هوا عاوز فيابنت خليكي حكيمه احسن لك وقال لي شي ثاني رح تولدين بإذن الله في بيتك وراح اجيبلك بدال الشغاله ثنتين وامي موجوده واذا امك او احد يريد يجي حياه الله بس روحه لاهلك مافيه انا مااقدر اصبر عن ولدي دقيقه انا ماصدقت اشوفه تحرميني منه زعلت قلت حرام عليك بدا يعصب سكت وقلت بعدين افتح الموضوع وقت ثاني قدامنا تسع شهور يحلها ربي
دعواتكم ياخواتي ان الله يتمم لي على خير ويجعله من عباده الصالحين ويسخر ابوه لي ياكريم ويحنن قلبه علي ويسهل علي لاني تعبانه هذي الايام كثير بس قلت لازم ادخل وابشر خواتي اللي ماقصروا معاي ولااوصيك تدعون لي حافظكم الله